LOUKAS 18:1 - KA BAIBL

¹ Te u la kren ka pharshi ha ki shaphang ba ka dei ïa ki ban ïaiduwai, bad ban ym man thait shuh.

Khasi CL Bible (BSI)

¹ Nangta U Jisu u la ïathuh ha la ki synran ïa ka pharshi ban hikai ïa ki ba ki dei ban duwai borabor ban ym noh mynsiem da lei lei ruh.

LOUKAS 18:1 ပူးပေါင်းရင်းမြစ်များ

SALM 102:17

u la khmih ïa ka jingduwai jong ki barangli, bad um shym la ibeiñ ïa ka jingduwai jong ki.

SALM 27:13

Nga la ïap, lymda nga la ngeit ban ïohi ïa ka jingbha U Trai ha ka ri ki ba-im.

SALM 65:2

A me uba sngew ïa ka jingduwai, ha me kan wan ka doh baroh.

SALM 86:3

To isynei ïa nga, A Trai; naba ha me nga lynñiar baroh shi sngi.

ISAÏAH 40:31

hynrei, kita kiba ap khmih ïa U Trai kin pynthymmai bor; kin her sha jrong da ki thapniang kum ki pukni; kin mareh, bad kin ym sngewthait; kin ïaid, bad kin ym sngewlwait.

ISAÏAH 62:7

bad wat ai ïa U ban shongthait katba um pat pynskhem, bad katba um pat pynlong ïa ka Jerusalem ka jingïaroh ha ka pyrthei.

JEREMAÏAH 29:12

Te phin khot kyrpad ïa nga, bad phin ïoh leit ban duwai ha nga, nga ruh ngan shahshkor ïa phi.

JONAH 2:7

Haba ka mynsiem jong nga ka la ïapler hapoh jong nga, nga la kynmaw ïa U Trai: bad ka jingduwai jong nga ka la rung sha me, sha ka templ ka bakhuid jong me.

LOUKAS 11:10

Naba baroh uba pan, u pdiang; bad jar uba wad, u shem; bad ïa uta uba tied, yn sa plie.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

Ka Shithi U Paul Sha Ki Nong Rom 12:12

kiba kmen ha ka jingkyrmen; kiba ïaishah ha ka jingjynjar; kiba ïaineh minot ha ka jingduwai;

2 KORINTH 4:1

Naba kumta, ba ngi don kane ka jingshakri 'tien Blei kat kumba ngi la ïoh isynei, ngim man thait shuh;

GALATIA 6:9

Te ha kaba leh babha, wat ai ba ngin man thait shuh, namar ha ka Ïa babiang, ngin ïoh ot lada ngim da duh bor noh.

EPHESOS 6:18

da kaba duwai ha la ka sngi da ka jingduwai bad ka jingkyrpad baroh ha U Mynsiem, bad da kaba sumar shaphang kane da ka jingminot bad ka jingkyrpad baroh na ka bynta ki riewkhuid baroh;

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

KOLOSSAI 4:12

U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh.

KOLOSSAI 4:2

To ïaineh skhem ha ka jingduwai, da kaba ap sharai ha kata da ka jingainguh;

1 THESSALONI 5:17

To duwai khlem da pud.

1 SAMUEL 1:12

Te katba ka ïaiduwai ha khmat U Trai, u Eli u la khmih ïa ka shyntur jong ka.