LOUKAS 17:3 - KA BAIBL

³ To ïasumar ïa lade; lada u paralok jong me u leh pop ïa me, to sneng ïa u; bad lada u kylla-ka-bamut, to men map ïa u.

Khasi CL Bible (BSI)

³ Kumta da husiar ïa kaei kaba phi leh! “Lada u hynmen u para jong phi u leh pop, to sneng tyngeh ïa u, bad lada u kylla-kaba-mut, to map ïa u.

LOUKAS 17:3 ပူးပေါင်းရင်းမြစ်များ

SALM 141:5

Ai ba u riewhok un sympat ïa nga, kan long ka jinglehsbun; ai ba uta un sneng ïa nga, kan long kum ka umphniang halor ka khlieh; to ka khlieh jong nga kan ym kyntait ïa ka: naba wat ha ka jingsniew jong ki, ka jingduwai jong nga ka ïaineh.

EKSODOS 34:12

To sumar ïa lade, ba men ym thaw ïa ka jutang bad ki trai-shnong jong kata ka ri sha kaba me leit, ïoh ba kan long ka jingriam hapdeng jong me.

PROBERB 17:10

Ka jingsneng ka ngam kham jylliew ha uba don ka jingshemphang ban ïa shispah thri ha u babieit.

PROBERB 27:5

Lah ka jingsneng kaba paw ban ïa ka jingieit ba la buhrieh.

PROBERB 9:8

Wat sneng pynrem ïa u nongkrenbeiñ, ïoh u shun ïa me: to sneng ïa u bastad, te un ieit ïa me.

LEBITIKOS 19:17

“ ‘Wat isih ïa la u para ha la ka dohnud: da kaba sneng men sneng ïa la u paramarjan, ba ïoh men kit hi ïa ka pop jong u.

MATHAÏOS 18:21

Ynda kumta, u la wan u Petros ha U, bad u la ong, “Ko Trai, katno sien ba u paralok jong nga un leh pop ïa nga, bad ba ngan map ïa u? haduh hynñiew sien?”

LOUKAS 21:34

“Namar kata, to sumar ïa lade, ïoh kumno kumno ba ki dohnud jong phi kin sngewkhia da kaba bam lalot, bad da kaba buaid, bad da ki jingkhuslai pyrthei, bad ba kata ka sngi kan lap kyndit ïa phi kum ka jingriam:

EPHESOS 5:15

To khmih bha te kumno phi ïaid, ym kum ki bymstad, hynrei, kum ki bastad;

DEUTERONOMI 4:15

“Namar kata, to sumar ïa lade biang biang ruh; naba phim shym la ïohi ïa ka dur ei ei ruh, ha kata ka sngi ba U Trai u la kren ha phi ha Horeb napdeng kata ka ding:

DEUTERONOMI 4:23

To sumar ïa lade, ba ïoh phin ïaklet ïa ka jutang U Trai uba U Blei jong phi, ïa kaba u la pynlong bad phi, bad ba phin ïathaw bleithaw ïa lade ba la mutdur, lane ïa ka dur kaei kaei ruh ïa kaba U Trai uba U Blei jong me u la adong ïa me.

DEUTERONOMI 4:9

“Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ;

HEBRU 12:15

da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

JAKOB 5:19

Ko parabangeit, lada uno uno ruh hapdeng jong phi u la ïaid sakma noh na ka jingshisha, bad lada uno uno ruh u da pynphai pat ïa u,

2 ÏOANNIS 1:8

To phin ïasumar ïa lade hi, khnang ba phin ym duh noh ïa kita kiei kiei ruh ïa kiba ngi la lah leh minot, hynrei, ba phin pdiang ïa ka nong babiang.