LOUKAS 17:25 - KA BAIBL

²⁵ Hynrei, ka dei shuwa ïa u ban shah bun kiei kiei ruh, bad ban kyntait ruh ïa u da kane ka pateng bynriew.

Khasi CL Bible (BSI)

²⁵ Hynrei, nyngkong u dei ban shahshitom shikatdei eh bad ban shah kyntait da ki briew jong kane ka pateng.

LOUKAS 17:25 ပူးပေါင်းရင်းမြစ်များ

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 21:42

U Jisu u ong ha ki, “Phim ju la pule ha ki jingthoh: “ ‘Ïa u maw ïa uba ki nongtei ki la bred, ïa une la pynlong ha khlieh ka dong: kane ka long na U Trai, bad ka long iphylla ha ki khmat jong ngi?’

MARKOS 10:33

“Naba, ha khmih, ngi ïaleit kiew sha Jerusalem, te ïa U Khun u briew yn sa ai noh ha ki rangbah lyngdoh bad ha ki nongthoh; bad kin pynrem ïa u ïa ka ban ïap, bad kin ai noh ruh ïa u ha ki Jentil:

MARKOS 12:10

Phim shym la pule te ïa kane Ka Jingthoh? “ ‘Uta u maw ïa uba ki nongtei ki la kyntait, ïa une la pynlong u khlieh ka dong:

MARKOS 8:31

Te u la sdang ban hikai ïa ki, ba ka dei ïa U Khun u briew ban shah shibun kiei kiei ruh, bad ba yn kyntait da ki tymmen basan, bad ki rangbah lyngdoh, bad ki nongthoh, bad ba yn pynïap ruh; bad hadien lai sngi un mihpat.

MARKOS 9:31

Naba u la hikai ïa ki synran jong u, bad u la ong ha ki, “Yn sa aiti noh ïa U Khun u briew ha ki kti ki briew, bad kin pynïap ïa u, te haba la pynïap, un sa mihpat ha ka balai sngi.”

LOUKAS 18:31

Ynda kumta, haba u la shim kyrpang ïa kita ki khat-ar ngut, u la ong ha ki, “Ha khmih, ngi ïaleit kiew sha Jerusalem, bad yn pyndep ha U Khun u briew ïa kiei kiei baroh ïa kiba la thoh da ki nongïathuhlypa;

LOUKAS 18:33

te kin sympat, bad kin pynïap noh ïa u, hynrei, ha ka balai sngi un sa mihpat.”

LOUKAS 24:46

U la ong ruh ha ki, “Kumne la thoh ba ka la dei ïa U Khrist ban shah, bad ban mihpat de na ki nongïap ha ka balai ka sngi;

LOUKAS 9:22

u da ong, “Ba ka dei ïa U Khun u briew ban shah shibun kiei kiei ruh, bad ba yn kyntait ïa u da ki tymmen basan bad ki rangbah lyngdoh bad ki nongthoh ruh, bad ba yn pynïap ïa u, bad ba yn pynmih pat ïa u ha ka balai sngi.”

ÏOANNIS 1:11

U la wan sha kiei kiei la ki jong, bad kita kiba dei la ki jong kim shym la pdiang ïa u.

ÏOANNIS 12:38

ba yn pyndep ïa kata ka jingong jong u Isaïah u nongïathuhlypa, ïa kaba u la ong: “A Trai, uei ba la ngeit ïa ka jingpynbna jong ngi? bad hano la pynpaw ïa ka ksang'ti jong U Trai?”

1 SAMUEL 10:19

phi te ha kane ka sngi phi la kyntait ïa U Blei jong phi, uba ma u hi u ju pynim ïa phi na ki jingjynjar jong phi baroh bad na ki jingkhuslai jong phi baroh; bad phi la ong ha u, ‘Em, hynrei, men thung syiem halor jong ngi.’ Mynta te namar kata, to ïeng ha khmat U Trai ha la ki jaid ki jaid, bad ha la ki hajar hajar.”

1 SAMUEL 8:7

Bad U Trai u la ong ha u Samuel, “To shahshkor ïa ka ktien jong kine ki briew ha kiei kiei baroh ba ki ong ha me: namar ym dei ïa me ba ki la kyntait, hynrei, ki la kyntait ïa nga, ba ngan ym long syiem shuh halor jong ki.