LOUKAS 17:24 - KA BAIBL

²⁴ Naba kumba ka leilieh, haba ka ba na kawei ka bynta hapoh ka bneng, ka shai sha kawei pat ka bynta hapoh ka bneng, kumta ruh U Khun u briew un long ha ka sngi jong u.

Khasi CL Bible (BSI)

²⁴ Kumba ka leilieh ka thaba na shiliang sha shiliang jong ka sahit bneng bad ka pynshai ïa ka na kawei ka liang sha kawei pat, kumta un long U Khun U Briew ha ka sngi jong u.

LOUKAS 17:24 ပူးပေါင်းရင်းမြစ်များ

ESEKIEL 1:14

Bad kita ki jingthaw ba-im ki la ïamareh bad ki la ïaphai kum ka jing-i ïa ka jingba ka leilieh.

SEKHARAÏAH 9:14

Bad ïa U Trai yn ïohi halor jong ki, bad u khnam jong u un mih noh kum ka leilieh: bad U Trai U Blei un put ïa ka turoi, bad un leit bad ki lyer langthari ka shathie.

MATHAÏOS 24:27

Naba kumba ka mih noh ka leilieh na mihngi, bad ka shai haduh sepngi, kumta ruh kan long ha kata ka jingwan U Khun u briew.

MATHAÏOS 24:30

Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MATHAÏOS 26:64

U Jisu u la ong ha u, “Me la ong. Hynrei, nga ong ruh ha phi, ba phin ïohi lawei ïa U Khun u briew haba u shong sha kamon ka Bor baroh, bad haba u wan ha ki lyoh ka bneng.”

MATHAÏOS 5:15

Lymne kim ju thang ïa ka sharak, bad buh ïa ka hapoh ka shang, hynrei, ha ka dieng pynïeng sharak; te ka pynshai ïa baroh kiba ha ka ïing.

1 KORINTH 1:8

u ban pynneh skhem ruh ïa phi haduh ka bakut, khnang ban long kiba khlem pop ha ka sngi U Jisu Khrist uba U Trai jong ngi.

1 THESSALONI 5:2

Namar phi hi, phi ïatip biang ba kata ka sngi U Trai kan wan kumjuh kum u nongtuh mynmiet.

2 THESSALONI 2:2

khnang ban ym pynkhih shen ïa phi na la ka jingmut, lymne pynkhuslai ïa phi, lane da ka mynsiem, ne da ka ktien, ne da ka shithi kumba na ngi keiñ, kumba kata ka sngi ka jong U Khrist ka la wan.

2 THESSALONI 2:8

Ynda kumta, yn pynpaw noh ïa uta u bymñiew hukum, ïa uba U Trai Jisu un pynïap da ka jingpyrsad ka shyntur jong u, bad un pyndam noh thiaw da ka jingpynpaw kata ka jingwan jong u;

JAKOB 5:8

To ïashah slem ruh ma phi, to pyneh skhem ïa ki dohnud jong phi, naba kata ka jingwan U Trai ka la jan.

2 PETROS 3:10

Hynrei, kata ka sngi U Trai kan wan kum u nongtuh; ha kaba kita ki bneng kin leit noh bur, bad ki jor tynrai da kaba thang rhem kin um noh, bad ïa ka khyndew bad ïa kita ki jingleh ba don ha ka, yn thang duh.