LOUKAS 17:2 - KA BAIBL

² Ka la kham bha ïa u lada yn teh da u mawtylliat uba khraw ha ka ryndang jong u, bad yn bred ïa u ha duriaw, ban ïa kaba un pynthut ïa uwei na kine ki barit!

Khasi CL Bible (BSI)

² Kan kham bha ïa u lada la teh ha ka ryndang jong u ïa u mawtylliat uba heh bad bret ïa u sha ka duriaw ban ïa kaba ma u, u pynlong ïa uwei na kine kiba rit ban leh pop.

LOUKAS 17:2 ပူးပေါင်းရင်းမြစ်များ

ISAÏAH 40:11

Un bsa ïa ka kynhun jong u kum u nongaplangbrot, ha ka ksang'ti jong u un lum ïa ki khun langbrot, bad ha ka shadem jong u un rah ïa ki, bad un ïalam suki ïa kiba ai buiñ.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

MATHAÏOS 17:27

Hynrei, ïoh ba ngin ïa-pynthut ïa ki, to khie leit sha ka duriaw, bred ïa u khwai, bad to shim ïa kata ka dohkha kaba la ngat nyngkong; bad haba me la pyn-ang ïa ka shyntur jong ka, men shem shi shekel; to shim ïa kata, to ai ruh ha ki na ka bynta jong nga bad jong me ruh.”

MATHAÏOS 18:10

“To sumar ba phin ym ibeiñ ïa iwei na kine ki barit; naba nga ong ha phi, ba ki angel jong ki ha bneng, ki ïohi ha la ka sngi ïa ka khmat U Kpa jong nga uba ha bneng.

MATHAÏOS 18:14

Kumta, kam long ka mon U Kpa jong phi uba ha bneng, ba in jah noh iwei na kine ki barit.

MATHAÏOS 26:24

U Khun u briew shisha un sa leit kumba la thoh shaphang jong u, hynrei, kordit ïa uta u briew da uba yn die noh ïa U Khun u briew! ka la bha ïa uta u briew lada ym shym la kha satia ïa u.”

MARKOS 9:42

“Jar u ban pynthut te ïa uwei na kine ki barit kiba ngeit ha nga, ka la kham bha ïa u lada la teh da u mawtylliat bakhraw ha ka ryndang jong u, bad la bred ruh ïa u ha duriaw.

ÏOANNIS 21:15

Kumta, haba ki la ïabam ja step, U Jisu u ong ha u Simon Petros, “Ko Simon, u khun u Jona, me kham ieit ma me ïa nga ban ïa kine?” U ïathuh ha U, “Ho-oid, ko Trai, me, me tip ba nga ieit ïa me.” U ïathuh ha u, “To bsa ïa ki khun langbrot jong nga.”

1 KORINTH 9:15

Hynrei, nga ngam shym la pynmyntoi ïa lade ei ei ruh em na kine kiei kiei ruh: lymne ngam shym thoh ïa kine kiei kiei ruh khnang ba yn leh kumta ha nga; namar nga kham sngewbha ban ïap ban ïa kaba uno uno ruh un ïoh pynlehnohei ïa ka jinglehkmen jong nga.

1 KORINTH 9:22

Ha ki batlot, nga la leh ïa lade kum u batlot, khnang ba ngan ïoh pynwan ïa kita ki batlot. Ha ki briew baroh nga pynlong ïa lade kiei kiei baroh, khnang ba ngan ïoh pynim da kumno kumno ruh ïa kino kino.