LOUKAS 16:26 - KA BAIBL

²⁶ Nalor kine baroh ruh putet, la buh skhem ïa ka kharai kaba khraw hapdeng jong ngi bad jong phi, ba kumta, kita kiba kwah ban leit sha shiliang nangne sha phi, kim lah, lymne kita kiba nangto, kim lah wan sha shiliang sha ngi.’

Khasi CL Bible (BSI)

²⁶ Nalor kata baroh, ka don ka kharai kaba jylliew hapdeng jong ngi, khnang ba kito kiba kwah ban jam sha shiliang nangne sha me kim lah ban leh kumta, lymne uno uno un lah ban jam sha shiliang sha ngi na ka jaka kaba me don.’

LOUKAS 16:26 ပူးပေါင်းရင်းမြစ်များ

SALM 49:14

La buh ïa ki kum ka kynhun langbrot ïa ka jingtep; ka jingïap kan long ka nongaplangbrot jong ki: te ki bahok kin synshar halor jong ki mynstep; bad ka jingitynnad jong ki kan long ïa ka jingtep ban bam duh, kat ban ym don ka jaka shong ïa ka.

SALM 50:22

Mynta te to pyrkhat ïa kane, phi kiba klet ïa U Blei, ïoh ngan tar lyngkhot ïa phi, bad ban ym don u nongpyllait:

ESEKIEL 28:24

“ ‘Bad yn ym don shuh u dieng shiah uba thar ïa ka ïing Israel, lymne u shiah ba pynsngewsih na kino kino kiba sawdong ïa ki, kiba la ñiewbeiñ ïa ki; bad kin tip ba nga long U Trai U Blei.’ ”

MALAKHI 3:18

Hangta te phin phai bad phin sngewthuh ïa u bahok na u bymman, bad ïa uba shakri ïa U Blei na uta u bym shakri ïa u.”

MATHAÏOS 25:46

Kine kin leit noh te sha ka shitom bymjukut, hynrei, ki bahok sha ka jingim bymjukut.”

LOUKAS 12:59

Nga ong ha me: men ym mih noh nangta, haba da lei lei ruh, tad ynda me la siew ïa ka damli ka bakhatduh eh.”

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

LOUKAS 16:27

U te u la ong, ‘Haba kumta, nga kyrpad ïa me, ko kpa, ba men phah ïa u sha ka ïing u kpa jong nga,

ÏOANNIS 3:36

Uta uba ngeit ha U Khun, u don ka jingim bymjukut; uta te u bymkohnguh ïa U Khun, un ym ïohi ïa ka jingim: hynrei, ka jingbitar jong U Blei ka ïaisah halor jong u.

JINGPYNPAW 20:10

Te ïa uta u Soitan uba shukor ïa ki la bred keiñ sha kata ka pung ka ding bad u kyndok, ha kaba ki don ruh uta u mrad khlaw bad uta u nongïathuhlypa balamler; bad yn pynkordit ïa ki, mynsngi bad mynmiet, sha ki bymjukut ki bymjukut.

JINGPYNPAW 22:11

Uta u bymhok, to un nang leh bymhok: bad uta uba tngit, to un nang tngit: bad uta u bahok, to un nang leh hok: bad uta u bakhuid, to un nang khuid.”

1 SAMUEL 25:36

Te ka Abigail ka la wan sha u Nabal; te, ha khmih, u don ka jingkhawai ha la ïing, kum ka jingkhawai syiem; bad ka dohnud u Nabal ka la kmen eh hapoh jong u, naba u la buaid eh: namar kata, kam shym ïathuh shikyntien ruh ha u, lymne ka barit lymne ka bakhraw, haduh ba kan da shai mynstep.