LOUKAS 16:25 - KA BAIBL

²⁵ Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

Khasi CL Bible (BSI)

²⁵ “Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

LOUKAS 16:25 ပူးပေါင်းရင်းမြစ်များ

Ka Kitab U Job 22:18

Pynban, me la pyndap ïa ka ïing jong ki da kiei kiei ki babha: hynrei, ka jingsylla jong u bymman ka jngai na nga.

SALM 17:14

na ki briew, da la ka kti, A Trai, na ki briew ka pyrthei, kiba ka bynta jong ki ka ha kane ka jingim, bad kiba me pyndap ïa ki kpoh jong ki da ka jingkynshew jong me: la pynhun ïa ki da ki khun, bad kaba dang sah na ka spah jong ki, ki iehnoh ha ki khunlung jong ki.

SALM 49:11

Ka jingmut kaba hapoh jong ki, ka long, ba ki ïing jong ki kin neh junom, bad ki jaka shong jong ki pateng bynriew baroh; ki kyrteng ïa la ki khyndew ha la ki jong ki kyrteng.

SALM 73:7

Ki khmat jong ki, ki pyllew namar ba khleiñ: ki don kham bun ïa kaba ka lah ka dohnud ban kwah.

SNGEWSYNEI 1:7

Ka Jerusalem ha ki sngi ka jingjynjar bad ki jingshitom jong ka, ka kynmaw ïa kiei kiei baroh kiba itynnad jong ka kiba naduh mynbarim: haba ki briew jong ka ki la ngat ha ka kti u nongïaleh pyrshah, bad ym don ba ïarap ïa ka, ki nongïaleh pyrshah ki la ïohi ïa ka, ki la rkhiebeiñ ïa ki jingkynjah jong ka.

DANIEL 5:30

Ha kata hi ka miet, la pynïap ïa u Belshassar u syiem ki Khaldi.

MATHAÏOS 27:63

ki ïa-ong, “Ko kynrad, ngi kynmaw ba uta u bashukor u la ong mynba u dang im, ‘Ynda la lai sngi ngan mihpat.’

MARKOS 9:45

Lada ka kjat jong me ruh ka pynthut ïa me, to ot noh ïa ka: ka bha ïa me ban leit bsut dkoh sha ka jingim, ban ïa kaba me don ar tylli ki kjat ban bred ïa me ha dujok, sha ka ding bymjulip,

LOUKAS 16:20

La don ruh uwei u nongkhrong uba kyrteng ‘u Lasaros’, uba la tap da ki tohjaw, ïa uba la ju buh ha ka khyrdop jong uta,

LOUKAS 16:23

Te ha dujok u la khmied ïa la ki khmat, haba u long ha ki jingkordit, bad u la ïohi ïa u Abraham na jngai, bad ïa u Lasaros ha ka shadem jong u.

LOUKAS 16:26

Nalor kine baroh ruh putet, la buh skhem ïa ka kharai kaba khraw hapdeng jong ngi bad jong phi, ba kumta, kita kiba kwah ban leit sha shiliang nangne sha phi, kim lah, lymne kita kiba nangto, kim lah wan sha shiliang sha ngi.’

LOUKAS 6:24

“Hynrei, kordit ïa phi, ki bariewspah! naba phi la ïoh pdiang la ka jingtngen.

ÏOANNIS 16:33

Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

Ka Shithi U Paul Sha Ki Nong Rom 8:7

Naba kata ka jingïaimut brai ka jong kata ka doh, ka long ka jingshun ïa U Blei; namar kam pynhapoh ïa lade ïa ka hukum U Blei, lymne shisha kam lah keiñ.

DEUTERONOMI 28:17

Ka jingtim ha ka shang jong me, bad ha ka jingtylliat jong me.

PHILIPPI 3:19

kiba ka bakut jong ki, long ka jingjot, kiba u blei jong ki, long ka kpoh, bad ka burom jong ki, long ha ka jinglehrain jong ki, kiba ïaimut brai ïa kiei kiei ruh kiba ha ka khyndew.

1 THESSALONI 3:3

ba yn ym pynkhih ïano ïano ruh da kine ki jingjynjar; namar ma phi hi, phi tip ba la thung ïa ngi ïa kane.

HEBRU 11:25

u da jied pynban ban shah shitom lem bad u paidlang U Blei, ban ïa ka ban ïoh ki jingsngewbha ka pop tang shi por;

1 ÏOANNIS 2:15

Phi wat ieit ïa ka pyrthei, lymne ïa kita kiei kiei ruh kiba ha kata ka pyrthei. Lada uno uno ruh u ieit ïa ka pyrthei, kata ka jingieit U Kpa kam don shuh ha u.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.