LOUKAS 16:23 - KA BAIBL

²³ Te ha dujok u la khmied ïa la ki khmat, haba u long ha ki jingkordit, bad u la ïohi ïa u Abraham na jngai, bad ïa u Lasaros ha ka shadem jong u.

Khasi CL Bible (BSI)

²³ bad ha Hades, ha kaba u la don ha ka jingshitom bakhraw, u la khmih shajrong bad u la ïohi ïa u Abraham, sha jngai bah, bad ïa u Lasaros ha syndah jong u.

LOUKAS 16:23 ပူးပေါင်းရင်းမြစ်များ

SALM 16:10

Naba men ym iehnoh ïa ka mynsiem jong nga ha ka jaka bymïohi; lymne men ym shah ïa u bakhuid jong me ban shem ïa kaba pyut.

SALM 49:15

Hynrei, U Blei un pynim ïa ka mynsiem jong nga na ka bor ka jingtep: naba un pdiang ïa nga. Selah.

SALM 86:13

Naba ka bakhraw ka jingisynei jong me sha nga; bad me la pyllait ïa ka mynsiem jong nga napoh ñiamra bajylliew eh.

SALM 9:17

Ki bymman kin leit phai noh sha dujok, wat kita ki jaid bynriew baroh kiba klet ïa U Blei.

PROBERB 15:24

Ha u bastad ka lynti ka jingim ka kiew artet, ba un ïoh kiar na ka jingtep kaba shapoh.

PROBERB 5:5

Ki kjat jong ka ki leit hiar sha ka jingïap; ki jingjam jong ka ki bat ïa ka jingtep;

PROBERB 7:27

Ka ïing jong ka, ka long ka lynti sha ka jingtep, kaba leit hiar sha ki kamra ka jingïap.

PROBERB 9:18

Hynrei, um tip ba ki baïap ki don hangta; ba kiba la khot jong ka ki don ha ki jingjylliew ka dujok.

ISAÏAH 14:15

Pynban, yn sa pynhiar ïa me sha dujok, shaduh trai jong ka 'liewlong.

ISAÏAH 14:9

Ïa ka dujok na shapoh la pynkhih na ka bynta jong me ban leit tan ïa me haba me wan: ka pynkhih na ka bynta jong me ïa ki 'suidïap, wat ïa ki rangbah ka pyrthei baroh; ka la pynïeng joit na ki khet jong ki, ïa ki syiem jong ki jaid bynriew baroh.

MATHAÏOS 11:23

Ïa pha ka Kapernam ruh, ïa kaba la pynkyntiew haduh ka bneng, yn pynhiar keiñ haduh ka dujok: naba lada la leh ha Sodom ïa kita ki kambah ïa kiba la leh ha pha, kan da la sah haduh mynta.

MATHAÏOS 18:9

Bad lada ka khmat jong me ka pynthut ïa me, to khlaw noh ïa ka, to bred noh ruh na me; ka kham bha ïa me ban leit bsut sha ka jingim tang kawei ka khmat, ban ïa kaba ïoh ar tylli ki khmat, bad ban bred ïa me ha ka dujok ding.

MATHAÏOS 23:33

A ki bseiñ! Ki khun ki ksiew ki 'seiñpuh! kumno phin ïohlait na ka jingshitom ka dujok?

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

MATHAÏOS 5:29

Lada ka khmat jong me ruh kaba sha kamon ka pynjynthut ïa me, to khlaw noh ïa ka, bad to bred noh na me: naba ka myntoi ïa me ba kan duh noh kawei na ki dkhot jong me, bad ban ym bred ruh ïa ka met jong me shitylli sha dujok.

MATHAÏOS 8:29

Ha khmih ruh, ki la ïapyrta noh, ki da ong, “Me donkam aïu bad ngi, ko Jisu, U Khun U Blei? me la wan shane mynshuwa ka aïom ban pynkordit ïa ngi?”

LOUKAS 16:24

Te u la pyrta bad u la ong, ‘Ko Kpa Abraham, to isynei ïa nga, to phah ruh ïa u Lasaros ba un wieh ïa ka khmut shynriah'ti jong u ha ka um, ba un ïoh pynkhriat ïa u thylliej jong nga; naba la pynkordit ïa nga ha kane ka thylliej ding.’

LOUKAS 16:28

naba nga don san ngut ki para; ba un ïoh maham ïa ki, ba ïoh ki ruh kin wan sha kane ka jaka ka jingkordit.’

LOUKAS 8:28

Te haba u la ïohi ïa U Jisu, u la kyang, bad u la dem khrup ha khmat jong U, bad u la ong da ka ktien bajam, “Nga donkam aïu bad me, Jisu, Me U Khun U Blei U Bahakhlieh Tam Eh? Me nga kyrpad ïa me, wat pynshitom ïa nga!”

1 KORINTH 15:55

“A ka jingïap, hangno ka jingjopthiaw ka jong pha? A ka jingïap, hangno ka sni ka jong pha?”

2 PETROS 2:4

Namar lada U Blei um shym la riej ïa ki angel mynba ki la leh pop, hynrei, haba la shop arsut ïa ki sha dujok, u la aiti noh ïa ki ha ki krem ka jingdum tliw tliw, ba la ri noh ïa ki, ïa ka jingbishar;

JINGPYNPAW 20:10

Te ïa uta u Soitan uba shukor ïa ki la bred keiñ sha kata ka pung ka ding bad u kyndok, ha kaba ki don ruh uta u mrad khlaw bad uta u nongïathuhlypa balamler; bad yn pynkordit ïa ki, mynsngi bad mynmiet, sha ki bymjukut ki bymjukut.