LOUKAS 16:2 - KA BAIBL

² Te u la khot ïa u, bad u la ong ha u, ‘Kaei kane ba nga ïohsngew shaphang jong me? To ai jingkheiñ ïa ka kam sordar jong me; naba mem lah shuh ban long sordar.’

Khasi CL Bible (BSI)

² kumta u la khot shapoh ïa u bad u la ong, ‘Kaei kane kaba nga ïohsngew shaphang jong me? To ai ha nga ïa ka jingkheiñ kaba pura ïa ka jingpynïaid jong me ïa ka jingdon jingem jong nga, namar men ym lah shuh ban long u sordar jong nga.’

LOUKAS 16:2 ပူးပေါင်းရင်းမြစ်များ

EKLESIASTIS 12:14

Namar U Blei un wallam ïa ka kam baroh ha ka jingbishar, bad ïa kaei kaei baroh ba la buhrieh, la ka long ka babha lane ka basniew.

MATHAÏOS 12:36

Hynrei, nga ong ha phi, ba ïa ka ktien thala baroh ïa kaba ki briew kin kren, kin ïa-ai jingkheiñ shaphang kata ha ka sngi bishar.

MATHAÏOS 20:8

Ynda la janmiet te, uta u trai brisoh u la ong ha u rangbah jong u, ‘Khot ïa kita ki nongtrei bad to ai ha ki, ïa ka bainong jong ki, da sdang naduh ki bakhatduh haduh ki bashuwa.’

LOUKAS 12:20

Hynrei, U Blei u la ong ha u, ‘A me u babieit, ha kane ka miet yn pan noh ïa ka mynsiem jong me na me; ki jongno te kin long kita kiei kiei ïa kiba me la khreh lypa?’

LOUKAS 12:42

Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang?

LOUKAS 16:1

U la ong ruh de ha ki synran jong u: “La don uwei u briew u bariewspah, uba la don u sordar; bad ïa une la mudui ha u ba u da pynsyrwa noh ïa kiei kiei kiba don ki jong u.

LOUKAS 16:3

Ynda kumta, uta u sordar u la ong ha lade, ‘Kumno ngan leh, naba u kynrad jong nga un sa shim noh ïa ka kam sordar na nga? ban puh khyndew ngam lah, ban leit makia nga sngewlehrain.

Ka Shithi U Paul Sha Ki Nong Rom 14:12

Naba kumta te uwei pa uwei na ngi un ai jingkheiñ shaphang ïa lade hi ha U Blei.

1 KORINTH 1:11

Namar la ïathuh ha nga shaphang jong phi, ko parabangeit jong nga, da kita kiba na ka ïing ka Khloi, ba don ki jingïamai hapdeng jong phi.

1 KORINTH 4:2

Nalor kane, ka donkam ha ki sordar, ba u briew u long uba lah ban shaniah.

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.

2 KORINTH 5:10

namar ka dei ban pynïeng ïa ngi baroh ha khmat ka jingshong bishar U Khrist, ba uwei pa uwei un ïoh pdiang ha lade ïa kita kiei kiei ruh ba la leh ha ka met jong u, katba kum kita ba u la leh, la bha la sniew.

1 TIMOTHI 4:14

Wat lyndet ïa kata ka jingai kaba ha me, ïa kaba la ai ha me da ka jingïathuhlypa, lem bad kaba buh ïa ki kti jong kata ka Presbyteri.

1 TIMOTHI 5:24

Don ki briew kiba ki pop jong ki, ki paw lypa, ki da ïaid noh ha shuwa sha ka jingbishar; hynrei, don ruh ki briew kiba ki ïabud nadien.

1 PETROS 4:10

Uwei pa uwei baroh kat kumba u la pdiang ïa ka jingai, kumta keiñ, un sam ïa kata, paralok hi, kum ki sordar babha ka jingaiei babun jaid U Blei.

1 PETROS 4:5

ki ban sa ai jingkheiñ ha uta uba la kloi ban bishar ïa kiba im bad ïa ki baïap.

JINGPYNPAW 20:12

Bad nga la ïohi ïa ki baïap, ki barit bad ki bakhraw, ba ki da ïeng ha khmat kata ka khet; bad la plied ïa ki kitab: bad la plied ïa kawei pat ka kitab, kaba long ka kitab ka jingim: te la bishar ïa kita ki baïap na kita kiei kiei ruh ïa kiba la thoh ha kita ki kitab, katba kum ki jingleh jong ki.