LOUKAS 16:15 - KA BAIBL

¹⁵ Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

Khasi CL Bible (BSI)

¹⁵ U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

LOUKAS 16:15 ပူးပေါင်းရင်းမြစ်များ

1 KHRONIKL 29:17

Nga tip ruh, A U Blei jong nga, ba me tynjuh ïa ka dohnud, bad ba me sngewbha ha ka jingbeit. Ma nga te, da la ka jingbeit ka dohnud nga la ainguh sngewbha ïa kine kiei kiei baroh: bad mynta nga la ïohi da ka jingkmen ïa ki briew jong me, kiba don mynta hangne, ba ki ainguh sngewbha ha me.

2 KHRONIKL 6:30

te to sngap ma me na bneng ka jaka shong jong me, bad to map, bad ai ha uwei uwei baroh katba kum ki lynti jong u baroh, uba ka dohnud jong u me tip; (namar ma me, tang ma me hi, me ithuh ïa ki dohnud ki khun bynriew;)

SALM 10:3

Naba u bymman u kren khraw ïa ka jingkwah ka dohnud jong u, bad uba khwan u kyntait, bad u ñiewbeiñ ïa U Trai.

SALM 49:13

Kane ka lynti jong ki ka long ka jingbieit jong ki: pynban, hadien jong ki, ki briew ki ïamynjur ïa ki jingong jong ki. Selah.

SALM 49:18

La u la kyrkhu ïa la ka mynsiem katba u dang im, bad ba ki briew ki ïaroh ïa me, haba me leh bha ïa lade,

SALM 7:9

A to ai ba ka jingleh bymman jong ki bymman kan kut noh, hynrei, to pynskhem ma me ïa u bahok: naba U Blei u bahok u tynjuh ïit ïa ki dohnud bad ïa ki khyllai.

PROBERB 16:5

U briew baroh uba sarong ka dohnud, u long ka jingijli ha U Trai: la ki ïaksoh para kti, un ym lait na ka jingpynshitom.

PROBERB 20:6

Bun ki briew ki ban pynbna ïa la ka jong ka jong ka jinglehsbun: hynrei, uei u ban shem ïa uba lah ban shaniah?

PROBERB 21:2

Ka lynti baroh u briew ka long kaba dei ha khmat jong u hi: hynrei, U Trai uba thew ïa ki dohnud.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

MALAKHI 3:15

Mynta te, ngi khot suk ïa kiba sarong; bad ki nongleh bymman ïa kita keiñ la tei; shisha, ki pynshoi ïa U Blei, te la pynim ïa ki.’ ”

MATHAÏOS 23:5

Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

MATHAÏOS 6:16

“Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

MATHAÏOS 6:2

“Namar kata, haba me leh ka jingai isynei, wat put ka ronsing ha shuwa jong me, kumba leh ki nongarsap ha ki synagog bad ha ki lynti shnong, ba kin ïoh burom na ki briew. Shisha nga ong ha phi, ki la ïoh ïa la ka nong.

MATHAÏOS 6:5

“Haba me duwai ruh, wat long kum ki nongarsap: naba ki ieit ban ïeng kyrpad ha ki synagog bad ha ki dong ki lad, ba kin ïoh pynpaw ha ki briew. Shisha nga ong ha phi, ki la ïoh ïa la ka nong.

LOUKAS 10:29

U te, ba u kwah ban pynksan ïa lade, u la ong ha U Jisu, “Uno te uba long u paramarjan jong nga?”

LOUKAS 11:39

Bad U Trai u la ong ha u, “Te phi ki Pharisi, phi pynkhuid ïa kaba shabar ka khuri bad ka pliang, hynrei, kaba shapoh jong phi ka dap da ka jingleh-jubor bad ka jinglehsniew.

LOUKAS 18:11

Uta u Pharisi, haba u la ïeng, u la duwai ha lade kumne: ‘A U Blei, nga nguh ïa me ba ngam long kum kiwei ki briew, kiba shim da ka bor, ki bymhok, ki baklim, lane kum une u nongkhrong ruh.

LOUKAS 18:14

Nga ong ha phi, ba une u la leit hiar pat sha la ïing uba la ksan, ban ïa uta uwei pat; naba ïa uei uei baroh uba pynkhraw ïa lade, yn pynpoh; te ïa uta uba pynpoh ïa lade, yn pynkhraw.”

LOUKAS 18:21

U te u la ïathuh, “Ïa kine baroh nga la sumar na myndang khynnah.”

LOUKAS 18:9

Te U la kren ïa kane ka pharshi ruh ha kita kiba la shaniah skhem ha lade ba ki long ki bahok, bad kiba ibeiñ ïa kiwei.

LOUKAS 20:20

Te ki la ïa-ap thap ïa u, bad ki la ïaphah ïa ki nongsyntiat kiba leh mynleh riewhok ïa lade, ba kin ïoh ïariam ïa ki ktien jong u, ïa ka ban aiti noh ïa u ha ka hukum bad ha ka bor u lyngskor.

LOUKAS 20:47

kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ïa ka jingshitom kaba kham khraw.”

ÏOANNIS 2:25

bad um da donkam ba uno uno ruh un phla shaphang u briew: naba u hi u la tip kaei kaba la don ha u briew.

ÏOANNIS 21:17

U ong ha u ka balai sien, “Ko Simon, u khun u Jona, me ieit ïa nga?” U Petros u la sngewsih naba U la kylli ka balai sien ïa u, “Me ieit ïa nga?” U la ïathuh te ha U, “Ko Trai; me, me tip ïa kiei kiei baroh, me tip ba nga ieit ïa me.” U Jisu u ïathuh ha u, “To bsa ïa ki langbrot jong nga.

KI KAM 1:18

Te une u briew, u la thied ïa ka lyngkha da ka bainong ka jingbymhok; bad haba u la hap khongpong, u la pait ar liang, bad la mih noh ki snier jong u baroh.

KI KAM 1:24

Bad ki la ïaduwai, ki la ong, “A me, U Trai uba ithuh ïa ki dohnud baroh, to pyni uno na kine ar ngut ba me la jied,

KI KAM 15:8

U Blei ruh, uba tip ïa ka dohnud, u la phla babha ïa ki, da kaba u la ai ha ki, ïa U Mynsiem Bakhuid, kumba u la leh ha ngi ruh:

Ka Shithi U Paul Sha Ki Nong Rom 3:20

Naba kumta, na ki jingleh ka hukum, yn ym pynksan ïa kawei ka doh ha khmat jong u; namar da ka hukum, long ka jingtip ïa ka pop.

Ka Shithi U Paul Sha Ki Nong Rom 8:27

Hynrei, uta keiñ uba ïit ïa ki dohnud, u ithuh kaei kata ka jingmut ka jong U Mynsiem; naba u kyrpad na ka bynta ki riewkhuid katba kum ka mon U Blei.

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.

1 PETROS 3:4

hynrei, to ai ba kan long uta u briew ba la rieh jong ka dohnud, ha ka jingpynibha ka bymsep ka jong ka mynsiem bajemnud bad ba jar jar, kaba long ha khmat U Blei ka bakordor eh.

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

1 SAMUEL 16:7

Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”