LOUKAS 15:5 - KA BAIBL

⁵ Te haba u la shem ïa ka, u buh ïa ka halor ki tyrpeng jong u da kaba sngewkmen.

Khasi CL Bible (BSI)

⁵ Haba u la shem ïa ka, u kmen haduh katta katta ba u buh ïa ka halor ki tyrpeng jong u bad bah pat ïa ka sha ïing.

LOUKAS 15:5 ပူးပေါင်းရင်းမြစ်များ

ISAÏAH 62:12

Te kin khot ïa ki: ‘U paidlang bakhuid,’ ‘Kiba la siewspah ki jong U Trai’ bad yn khot ïa pha: ‘Ïa kaba la wad,’ ‘Ka shnong bym shym la iehnoh.’ ”

ISAÏAH 62:5

Namar kumba u samla u shongkurim ïa ka theisotti, kumta ruh ki khun shynrang jong pha kin shongkurim ïa pha: bad kumba u nongleit-kurim u shadkmen ha ka nongleit-kurim, kumta ruh U Blei jong pha un shadkmen ha pha.

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

ESEKIEL 18:23

Hato nga don ka jingsngewbha ha ka jingïap u bymman?” ong U Trai U Blei: “bad ngam kham sngewbha ba un wan phai na ka lynti jong u, bad ba un im?”

ESEKIEL 33:11

To ong ha ki, ‘Katba nga im,’ ong U Trai U Blei, ‘ngam don ka jingsngewbha ha ka jingïap u bymman; hynrei, ba uta u bymman un phai noh na ka lynti jong u bad ba un im: to phai phi, to phai phi na ki lynti sniew jong phi; namar balei ba phin shu ïap, A phi ka ïing Israel?

MIKAH 5:4

Bad un ïeng, bad un bsa ïa la ka kynhun ha ka bor U Trai, ha ka burom ka kyrteng U Trai U Blei jong u: bad kin ïashong; naba hangta un long uba khraw haduh ki bakut ka pyrthei.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

SEPHANAÏAH 3:17

U Trai U Blei jong pha u don hapdeng jong pha u bakhrawbor u ban pynim: un leh kmen halor jong pha da ka jingkmen, un shongthait ha la ka jingieit, un leh kmen halor jong pha da ka jingrwai.

LOUKAS 15:32

Te ka la dei ban ïalehkmen bad ban ïalehsngewbha; naba une u para jong me u la long uba la ïap, te u la im pat, bad u la long uba la jah noh, te la shem pat ïa u.’ ”

LOUKAS 15:4

“Uno u briew na phi uba don shispah ki langbrot, bad lada jah noh kawei na ki, u bym iehnoh ïa ki khyndaiphew khyndai ha lum bad leit wad ïa kata kaba la jah noh, ha ban da shem ïa ka?

LOUKAS 15:6

Bad ynda u poi sha la ïing, u khot lang ïa la ki lok bad ïa la ki paramarjan, u da ong ha ki, ‘To ïakmen lem bad nga, naba nga la shem ïa ka langbrot jong nga kaba la jah noh.’

LOUKAS 19:9

U Jisu te U la ong ha u, “Ha kane ka sngi ka jingpynim ka la wan ha kane ka ïing, namar ba u ruh u long u khun u Abraham.

LOUKAS 23:43

U Jisu te U la ong ha u, “Shisha nga ong ha me, ha kane ka sngi men long lem bad nga ha ka paradais.”

ÏOANNIS 15:11

Nga la kren ïa kine kiei kiei ruh ha phi, ba ka jingkmen jong nga kan ïoh long ha phi, bad ba ka jingkmen jong phi kan long kaba dap.

EPHESOS 2:10

namar ngi long ka jingthaw jong u, ba la pynlong ha U Khrist Jisu ïa ki jingleh babha, ïa kiba U Blei u la lah khreh lypa ba ngin ïoh ïaid ha ki.

EPHESOS 3:7

Ïa kaba la pynlong ïa nga u nongpynïaid, katba kum ka jingai jong kata ka jingaiei U Blei ïa kaba la ai ha nga katba kum ka jingtrei ka bor jong u.

1 THESSALONI 1:5

Namar ka gospel jong ngi kam shym la wan ha phi shu tang ha ka ktien hi, hynrei, ha ka bor ruh, bad ha U Mynsiem Bakhuid, bad ha ka jingskhem shibun keiñ; kumba phi ïatip kiba kumno ngi la pyni ïa lade sha phi na ka bynta jong phi.

2 TIMOTHI 2:26

bad ba kin pyllait ïa lade na ka jingriam u Soitan, haba la pynngat ïa ki da u shakri U Trai sha ka mon U Blei.

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

1 PETROS 1:5

ïa kiba la sumar da ka bor U Blei da ka jingngeit khnang ïa ka jingpynim, ïa kaba la khreh ban pynpaw ha ka Ïa ka bakhatduh.