LOUKAS 15:4 - KA BAIBL

⁴ “Uno u briew na phi uba don shispah ki langbrot, bad lada jah noh kawei na ki, u bym iehnoh ïa ki khyndaiphew khyndai ha lum bad leit wad ïa kata kaba la jah noh, ha ban da shem ïa ka?

Khasi CL Bible (BSI)

⁴ “Tharai uwei na phi u don shispah tylli ki langbrot bad u duh noh kawei na ki — kaei kaba un leh? U ieh ïa kiwei ki khyndaiphew khyndai tylli ki langbrot ha ka jaka bam phlang bad u leit ban wad ïa kata kaba la sakma haduh ba un da shem ïa ka.

LOUKAS 15:4 ပူးပေါင်းရင်းမြစ်များ

SALM 119:176

Nga la sakma noh kum ka langbrot kaba la jah noh; to wad ïa la u shakri; naba ngam ju klet ïa ki hukum jong me.

ISAÏAH 53:6

Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

JEREMAÏAH 33:13

Ha ki nongbah ka ri lum, bad ha ki nongbah ka ri them, bad ha ki nongbah ka ri shathie, bad ha ka ri Benjamin, bad ha ki jaka sawdong ka Jerusalem, bad ha ki nongbah ka ri Judah, ki kynhun langbrot kin sa ïa-ïaid pat hapoh uta uba ñiew ïa ki,’ ong U Trai.

JEREMAÏAH 50:6

“Ki briew jong nga ki la long ki langbrot ba la jah noh: ki nongaplangbrot jong ki, ki la pynsakma ïa ki, ki la pyllait lyngkar ïa ki ha ki lum: ki la leit na u lum bah sha u lum rit, ki la klet ïa la ka jaka dem.

ESEKIEL 34:16

‘Ngan wad ïa kaba la jah noh, bad ngan wallam pat ïa kaba la beh noh, bad ngan spaiñ ïa kaba la kheiñ noh, bad ngan pynshait ïa kaba la pang: hynrei, ïa ki basngaid bad ki bakhlaiñ ngan pynjot; ngan bsa ïa ki ha ka jingbishar.’

ESEKIEL 34:31

‘Bad ma phi ruh, ki langbrot jong nga, ki langbrot ka jaka phlang jong nga, phi long ki briew, bad ma nga, nga long U Blei jong phi,’ ” ong U Trai U Blei.

ESEKIEL 34:4

Phim shym la pynshaitbor ïa ki baswai, lymne phim shym la pynkhiah ïa ki bapang, lymne phim shym la spaiñ ïa kiba la kheiñ, lymne phim shym la wallam pat ïa kaba la beh noh, lymne phim shym la wad ïa kaba la jah noh; hynrei, phi la synshar ïa ki da ka bor bad da ka jingpyrkhing.

ESEKIEL 34:8

“Katba nga im,” ong U Trai U Blei, “da shisha namar ba ki langbrot jong nga ki la long ka jinglute, bad ki langbrot jong nga ki la long ka jingbam ha ki mrad ka khlaw baroh, naba ym don nongaplangbrot, lymne ki nongaplangbrot jong nga kim shym la wad ïa ki langbrot jong nga, hynrei, ki nongaplangbrot ki la bsa ïa lade, bad kim shym la bsa ïa ki langbrot jong nga;”

MATHAÏOS 12:11

U te u la ong ha ki: “Uno u briew uba na phi uba don kawei ka langbrot, lada kata ka hap ruh ha ka thliew ha ka sngi Sabbaton, un ym shim bad rah noh ïa ka?

LOUKAS 13:15

Hynrei, U Trai u la ïathuh ha u, bad U la ong, “Phi kiba arsap, hato phi baroh ha ka sngi Sabbaton phim ju pyllait na sem ïa la u masi lane ka kadda, bad ïalam dih um ruh?

LOUKAS 15:3

Te u la kren ïa kane ka pharshi ha ki, u da ong,

LOUKAS 19:10

Naba U Khun u briew u la wan ïa ka ban wad bad ban pynim ïa kaba la jah noh.”

Ka Shithi U Paul Sha Ki Nong Rom 2:1

Naba kumta, me long uba khlem jingkren ksan, A u briew, la me long uei uei ruh, me uba bishar; namar ha kata hi ha kaba me bishar ïa uwei pat, me pynrem ïa lade; namar ba me uba bishar, me ïai-leh ïa kita kijuh kiei kiei ruh.

1 PETROS 2:25

Namar phi la ju leit sakma kum ki langbrot; hynrei, mynta, la pynphai pat ïa phi sha U Nongaplangbrot bad U Nongsharai ki mynsiem jong phi.