LOUKAS 15:32 - KA BAIBL

³² Te ka la dei ban ïalehkmen bad ban ïalehsngewbha; naba une u para jong me u la long uba la ïap, te u la im pat, bad u la long uba la jah noh, te la shem pat ïa u.’ ”

Khasi CL Bible (BSI)

³² Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 15:32 ပူးပေါင်းရင်းမြစ်များ

SALM 51:8

To pynlong ba ngan ïohsngew ïa ka jingkmen bad ka jingsngewbha; ba kita ki shyieng kiba me la pynkheiñ kin ïoh shadkmen.

ISAÏAH 35:10

te kiba la siewspah jong U Trai kin wan phai, bad kin wan lem bad ki jingrwai sha Seïon; ka jingkmen bymjukut ruh kan long halor ki khlieh jong ki: kin ïoh ka jingsngewbha bad ka jingkmen, ka jingsngewsih ruh bad ka jingud kin phet noh.

HOSIA 14:9

Uei u bastad, te un sngewthuh ïa kine kiei kiei? u basian, bad un tip ïa ki? namar ki lynti U Trai ki long kiba beit, bad u bahok un ïaid ha ki; hynrei, ki nongleh palat kin jynthut ha ki.

MATHAÏOS 18:11

Naba U Khun u briew u la wan ban pynim ïa kaba la jot.

LOUKAS 15:24

naba une u khun jong nga u la long uba la ïap, te u la im pat; bad u la long uba la jah noh, te la shem pat ïa u.’ Kumta ki la sdang ban ïalehkmen.

LOUKAS 15:31

U te u la ong ïa u, ‘Ko khun, ha la ka sngi me don lem bad nga, bad kiei kiei baroh ki jong nga ki long ki jong me.

LOUKAS 7:34

U Khun u briew u la wan u da bam u da dih ruh; te phi ong, ‘Ha khmih, u briew uba bam lalot, bad uba dih kyiad, u lok ki nongkhrong bad ki bapop.’

Ka Shithi U Paul Sha Ki Nong Rom 11:15

Namar lada kata ka jingkyntait noh ïa ki, ka jia long ka jingpynïasuk ïa ka pyrthei; kaei te kan long kata ka jingpdiang ïa ki, tang ka jingim na ki baïap?

Ka Shithi U Paul Sha Ki Nong Rom 3:19

Te ngi ïatip biang ba ïa kiei kiei ruh, kat kiba ka hukum ka ong, ka kren ha kita keiñ, kiba hapoh kata ka hukum; ba kumta, yn ïoh pynsngap noh jar ïa ka shyntur baroh, bad ba ka pyrthei baroh kan long hapoh ka jingpynrem U Blei.

Ka Shithi U Paul Sha Ki Nong Rom 3:4

Ym kumta em! Hynrei, to ai ba yn ñiew ïa U Blei uba shisha, la u briew baroh u long uba lamler; kumba la thoh: “Ba yn lah pynksan ïa me ha ki ktien jong me, bad ba men lah thiaw haba yn bishar ïa me.”