LOUKAS 15:25 - KA BAIBL

²⁵ “Te uta u khun nyngkong jong u, u la don ha lyngkha: te katba u nang wan bad u nang hajan kata ka ïing, u la ïohsngew ïa ki jingput jingtem bad ïa ka jingshad.

Khasi CL Bible (BSI)

²⁵ “Ha kajuh ka por u khun ba kham heh u la don ha lyngkha. Ha ka lynti ba u wan phai, haba u la poi sha jan ka ïing, u la ïohsngew ïa ka jingput jingtem bad ka jingïashad.

LOUKAS 15:25 ပူးပေါင်းရင်းမြစ်များ

2 SAMUEL 6:14

Bad u Dabid u la shad katba u lah ha khmat U Trai; bad u Dabid u la phong da ka ephod linen.

SALM 126:1

Mynba U Trai u la pynphai noh pat ïa ka jingpynwir ka Seïon, ngi la long kum kiba phohsniew.

SALM 149:3

Ai ba kin ïaroh ïa ka kyrteng jong u ha ka jingshad: ai ba kin rwai ki jingïaroh ïa u da ka kanjari bad ka duitara.

SALM 150:4

To ïaroh ïa u ha ka kanjari bad ka jingshad: to ïaroh ïa u ha ki jingtem ksai bad ka sharati.

SALM 30:11

Me la pynkylla jingshad ïa ka jingsngewsih jong nga; me la loit noh ïa ka jaiñ khain jong nga, bad me la panpoh ïa nga da ka jingkmen:

EKSODOS 15:20

Te ka Miriam ka nongïathuhlypa, ka hynmen u Aaron, ka la shim ka kanjari ha la ka kti; ki kynthei baroh ruh ki la ïamih noh hadien jong ka da ki kanjari bad ki jingshad.

EKLESIASTIS 3:4

ka por ban ïam, bad ka por ban rkhie; ka por ban sngewsih, bad ka por ban shad;

JEREMAÏAH 31:4

Ngan tei pat ïa pha, bad phan long ïa kaba la tei, ko theisotti Israel: yn sa pynkieng pat da ki kanjari jong pha, bad phan leit mih ha ki jingïashad jong kita kiba leh kmen.

LOUKAS 15:24

naba une u khun jong nga u la long uba la ïap, te u la im pat; bad u la long uba la jah noh, te la shem pat ïa u.’ Kumta ki la sdang ban ïalehkmen.

LOUKAS 15:26

Te u la khot ïa uwei na kita ki shakri, bad u la kylli, ‘Ki mut aïu kine kiei kiei?’

LOUKAS 7:32

ki long keiñ kum ki khynnah kiba ïashong ha ka jaka ïew, bad kiba ïapyrta paralok; kiba ong, “ ‘Ngi la ïa-put jingput ha phi, te phim shym la shad; ngi la ïarwai sngewsynei ha phi, te phim shym la ïam.’