LOUKAS 15:22 - KA BAIBL

²² Hynrei, u kpa u la ong ïa ki shakri jong u, ‘Wallam kloi ïa ka jaiñkup kaba kor tam, bad to pynkup ïa u, to buh ruh ïa ka sa'ti ha ka kti jong u, bad ïa ki juti ha ki kjat jong u,

Khasi CL Bible (BSI)

²² Hynrei u kpa u la khot ïa la ki shakri. ‘To pynkloi!’ u la ong. ‘To wanlam ïa ka jaiñkup kaba bha tam bad pynkup ïa u. Pyndeng sati ha ka shynriah'ti jong u bad pynphong juti ha ki kjat jong u.

LOUKAS 15:22 ပူးပေါင်းရင်းမြစ်များ

JENESIS 41:42

Bad u Pharaoh u la law noh ïa ka sa'ti na la ka kti, bad u la buh ïa ka ha ka kti u Joseph, bad u la pynkup ïa u da ki jaiñ 'sai ryndia bani, bad u la buh ïa u kynjri ksiar ha ka ryndang jong u;

ESTHER 3:10

Te u syiem u la law noh ïa la ka sa'ti na la ka kti, bad u la ai ïa ka ha u Haman u khun u Hammedatha u nong Agag, u nongshun jong ki Jiw.

ESTHER 8:2

Bad u syiem u la law noh ïa la ka sa'ti, ïa kaba u la lah shim noh na u Haman, bad u la ai ïa ka ha u Mordekai. Bad ka Esther ka la buh ïa u Mordekai halor ka ïing u Haman.

SALM 132:16

Ïa ki lyngdoh jong ka ruh ngan pynkup da ka jingpynim: bad ki riewkhuid jong ka kin ïarisa jam na kaba kmen.

SALM 132:9

To ki lyngdoh jong me kin kup ïa ka hok; bad ki riewkhuid jong me kin risa na kaba kmen.

SALM 18:33

U pynlong ïa ki kjat jong nga kum ki jong ki skei: bad u buh ïa nga ha ki jaka bajrong jong nga.

SALM 45:13

Ka khun u syiem hapoh ka ïingsyiem ka long kaba donburom baroh: ïa ki jaiñkup jaiñsem jong ka la mutdur da ka ksiar.

JINGRWAI SOLOMON 7:1

Katno kiba itynnad ki long ki sla'jat jong pha ha ki khulom, ko ka khun syiem! Ki skhep ki lbong jong pha ki long kum ki jingdeng, ka jingtrei ki kti u nongtrei uba nang.

ISAÏAH 61:10

Ngan shadkmen eh ha U Trai, ka mynsiem jong nga kan sngewkmen ha U Blei jong nga; namar u la pynkup ïa nga da ki jaiñkup ka jingpynim, u la pynphong ïa nga da ka jaiñ ka hok, kumba u nongleit-kurim u sien ïa lade da ka jingsien syntiew, bad kumba ka nongleit-kurim ka pynitynnad ïa lade da la ki jingdeng.

LOUKAS 15:21

Te uta u khun u la ong ïa u, ‘Ko Pa, nga la leh pop ïa ka bneng, bad ha khmat jong me, te ngam long shuh uba dei ba yn khot u khun jong me.’

LOUKAS 15:23

bad to wallam ïa uta u khun masi ba la pynsngaid, to pynïap ruh, to ngin ïabam ngin ïalehkmen ruh;

Ka Shithi U Paul Sha Ki Nong Rom 13:14

Hynrei, to kup phi ïa U Jisu Khrist uba U Trai, bad wat sumar sukher lypa ïa ka jong ka doh, khnang ïa ka ban pynbrai ïa ki jingkwah bymman jong ka.

Ka Shithi U Paul Sha Ki Nong Rom 3:22

kata ka long ka hok U Blei kaba da ka jingngeit ha U Jisu Khrist, ïa kita baroh bad ha kita baroh kat kiba ngeit; namar ym don shuh ka jingïapher;

Ka Shithi U Paul Sha Ki Nong Rom 8:15

Namar phim shym la pdiang ïa ka mynsiem ka jinglongmraw pat ïa ka ban sheptieng; hynrei, phi la pdiang ïa U Mynsiem ka jingtingkhun, da uba ngi ïaïam kyrpad, Abba! ko Pa!

GALATIA 3:27

Namar kat kiba na phi ïa kiba la pynbaptis ha U Khrist, phi la kup keiñ ïa U Khrist.

EPHESOS 6:15

bad ba la phong juti ha la ki kjat da ka jinglakloi ka gospel ka jingsuk;

DEUTERONOMI 33:25

Ki juti jong me kin long u nar bad ka rnong; kumba ki sngi jong me, kumta keiñ kan long ka bor jong me.

JINGPYNPAW 19:8

Te la ai ha ka ba kan da ïoh kup ïa ka jaiñ linen bani, bakhuid bad batyngshain:” Namar kata ka jaiñ linen bani ka long keiñ ki jinglehhok jong ki riewkhuid.

JINGPYNPAW 2:17

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na kata ka manna ïa kaba la buhrieh noh, bad ngan ai ha u ïa u maw balieh, bad ha uta u maw ïa ka kyrteng bathymmai ïa kaba la thoh, ïa kaba uno uno ruh um ithuh, hynrei, tang uta uba pdiang ïa ka.’ ”

JINGPYNPAW 3:18

Nga pyni buit ha pha ba phan thied na nga ïa ka ksiar ba la phrang ha ka ding, ba phan da ïoh man spah; bad ïa ki jaiñkup balieh, ba phan ïoh kup ïa lade, bad ba kan ym paw kata ka jinglehrain ka jinglyngkhuit jong pha; bad ïa ka jingsleh khmat ban kyllan ïa ki khmat jong pha, ba phan ïohi.

JINGPYNPAW 6:11

Bad la ai ha uwei pa uwei baroh ïa ka jaiñkup balieh; bad la ong ha ki, ba kin da ïashong thait shuh sa shibit ar bit, tad ynda yn pyndep noh ïa kita ki para shakri jong ki ruh bad kita ki parabangeit jong ki, ïa ki ban sa pynïap noh kumba ïa ki ruh.

JINGPYNPAW 7:9

Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;