LOUKAS 15:17 - KA BAIBL

¹⁷ Hynrei, ynda u la kynmaw bynriew, u la ong, ‘Katno ngut ki shakri u kpa jong nga, kiba don ka jingbam kyrhai, nga seh hangne ngan sa ïap thngan!

Khasi CL Bible (BSI)

¹⁷ Ha kaba khatduh u la kyndit bynriew bad u la ong, ‘Baroh ki nongtrei wai jong i pa jong nga ki don kyrhai ban ïa kaba ki lah ban bam, bad nga pat hangne ngan sa ïapthngan!

LOUKAS 15:17 ပူးပေါင်းရင်းမြစ်များ

SALM 119:59

Nga la pyrkhat ïa la ki lynti, bad nga la phai ïa la ki kjat jong nga sha ki jingphla jong me.

SALM 73:20

Kum ka jingphohsniew haba la peit u briew; kumta, A Trai, ynda me la peit, men ñiewbeiñ ïa ka dur jong ki.

EKLESIASTIS 9:3

Kane ka long ka basniew ha kiei kiei baroh ba ju leh hapoh ka sngi, ba kajuh hi ka jia ha baroh: shisha ruh, ka dohnud u khun bynriew ka la dap da ka basniew, bad ka jinglamwir ka don ha ka dohnud jong ki katba ki dang im, bad hadien kata ki leit sha ki baïap.

JEREMAÏAH 31:19

Shisha, hadien ba la pynphai ïa nga, nga la kylla-ka-bamut; bad hadien ba la hikai ïa nga, nga la thab ïa la ka lbong: nga la lehrain, shisha, nga la shaïong, namar nga la shah ïa ki jingkrenbeiñ ïa ka jinglong samla jong nga.’

SNGEWSYNEI 1:7

Ka Jerusalem ha ki sngi ka jingjynjar bad ki jingshitom jong ka, ka kynmaw ïa kiei kiei baroh kiba itynnad jong ka kiba naduh mynbarim: haba ki briew jong ka ki la ngat ha ka kti u nongïaleh pyrshah, bad ym don ba ïarap ïa ka, ki nongïaleh pyrshah ki la ïohi ïa ka, ki la rkhiebeiñ ïa ki jingkynjah jong ka.

ESEKIEL 18:28

Namar u pyrkhat, bad u phai noh na la ki jingpalat baroh kiba u la leh, da shisha un im, un ym ïap keiñ.

HOSIA 2:7

Te kan bud ïa ki ba-ieit jong ka, hynrei, kan ym lap ïa ki; kan wad ruh ïa ki, hynrei, kan ym shem: te kan sa ong, ‘Ngan leit phai sha la u tnga trai; namar myn ha kata ka la long kham bha bad nga ban ïa mynta.’

LOUKAS 15:16

Te u da kwah eh ban pynkdang ïa la ka kpoh da kita ki kop soh dieng ïa kiba ju bam ki sniang; te ym don ba ai ïa u.

LOUKAS 16:23

Te ha dujok u la khmied ïa la ki khmat, haba u long ha ki jingkordit, bad u la ïohi ïa u Abraham na jngai, bad ïa u Lasaros ha ka shadem jong u.

LOUKAS 8:35

Bad ki la ïamih noh ban leit jngoh ïa kaba la jia; bad ki la wan ha U Jisu, bad ki la shem ïa uta u briew, na uba la lah mih noh kita ki ksuid, ba u la kup jaiñ, bad ba u tipbriew, u da shong de hajan ki kjat U Jisu; te ki la sheptieng.

KI KAM 12:11

Te u Petros haba u la kyndit bynriew, u la ong, “Mynta nga tip da shisha, ba U Trai u la phah ïa u angel jong u, bad u la pyllait noh ïa nga na ka kti u Herod, bad na baroh ka jingkhmih lynti jong uta u paidbah Jiw.”

KI KAM 2:37

Te haba ki la ïohsngew ïa kane, la dung ngak ïa ki ha la ka dohnud, bad ki la ong ha u Petros, bad ha kita kiwei ki apostol, “A para, kumno ngin leh?”

EPHESOS 5:14

Naba kumta, u ong: “To khie joit me uba ïohthiah, bad to mih na ki baïap, te U Khrist un pynshai ha me.”