LOUKAS 14:12 - KA BAIBL

¹² Te U la ong ruh ha uta uba la khot ïa U, “Haba me khreh ïa ka jingkhawai mynsngi ne mynmiet, wat khot ïa ki lok jong me, lymne ïa ki hynmen hynbew jong me lymne ïa ki kur jong me, lymne ïa ki paramarjan bariewspah jong me, ïoh lehse ki ruh kin khot kylliang ïa me, bad kumta kan long noh ka jingsiew kylliang ïa me.

Khasi CL Bible (BSI)

¹² Nangta U Jisu u la ong ha u nongpdiang ïa u, “Haba me ai ïa ka bam step ne ka bam miet, wat khot sngewbha ïa ki paralok jong me lane ïa ki hynmen ki para shynrang jong me lane ïa ki ba-ha-ïing jong me lane ki paramarjan kiba riewspah jong me — naba kin khot sngewbha kylliang ïa me, bad ha kane ka rukom yn sa siew ïa me na ka bynta kaei kaba me la leh.

LOUKAS 14:12 ပူးပေါင်းရင်းမြစ်များ

PROBERB 14:20

Ïa u baduk la isih wat da la u jong u paramarjan: hynrei, u bariewspah u don bun ki lok.

PROBERB 22:16

Uta uba banbeiñ ïa u baduk ban pynroi ïa la ka nong, bad uba ai ha u bariewspah, u ïoh tang ka jingkyrduh.

MATHAÏOS 5:46

Naba, lada phi shu ieit ïa kiba ieit ïa phi, phi ïohnong aïu? Hato ki nongkhrong kim leh kumjuh?

LOUKAS 1:53

ïa ki bathngan U pyndap da kiei kiei ki babha; ïa ki bariewspah te U phah noh suda.

LOUKAS 1:58

Te ki paramarjan bad ki kur jong ka ki la ïohsngew ba U Trai u la pynkhraw ïa la ka jingisynei ïa ka, bad ki la ïakmen lem bad ka.

LOUKAS 14:11

Naba ïa uno uno baroh uba pynkhraw ïa lade, yn pynpoh; te ïa uba pynpoh ïa lade, yn pynkhraw.”

LOUKAS 14:13

Hynrei, haba me khreh ïa ka jingkhawai, khot ïa ki baduk, ïa ki bakynriang, ïa ki ba-dkoh, ïa ki bamatlah:

2 KORINTH 6:13

Te da kaba ïasiew kylliang da kajuh ka rukom (nga kren kumba ha la ki khun), to long ma phi ruh ba la pynïar.