LOUKAS 13:8 - KA BAIBL

⁸ U da ïathuh te u la ong ha u, ‘Ko Trai, to ieh ïa u sa ha kane ka snem ruh, tad ynda ngan tih sawdong ïa u, bad ba ngan ai sboh ruh.

Khasi CL Bible (BSI)

⁸ Hynrei u nongsumar kper u la jubab, ‘Iehnoh shuwa, ko kynrad, sa tang shisnem; ngan tih sawdong jong u bad ai sboh katto katne.

LOUKAS 13:8 ပူးပေါင်းရင်းမြစ်များ

SALM 106:23

Namar kata, u la ong ba un pynduh ïa ki, lymda u Moses uba la jied jong u, u la ïeng ha khmat jong u ha kata ka jingpyntwa, ïa ka ban pynphai noh ïa ka jingbitar jong u, ïoh ba un pynduh noh ïa ki.

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 18:20

Hato yn siew kylliang da ka basniew ïa ka babha? Naba ki la tih thliew ïa ka mynsiem jong nga. To kynmaw kumno nga la ïeng ha khmat jong me ban kren ïa ka babha na ka bynta jong ki, ban pynphai noh na ki ïa ka jingbitar jong me.

JOEL 2:17

Ai ba ki lyngdoh, ki shakri U Trai, kin ïam hapdeng ka khyrdop bad ka duwan, bad to kin ong, “To isynei ïa la ki briew, A Trai, bad wat buh ïa la ka bynta ban long ka jingrkhiebeiñ, ba ki jaid bynriew kin synshar halor jong ki: balei kin ïa-ong hapdeng ki jaid bynriew, ‘Hangno U Blei jong ki?’ ”

LOUKAS 13:7

Te u la ong ïa u nongsumar brisoh, ‘Ha khmih, kine lai snem nga wan wad soh ha une u dieng Dumbur, te ngam shem satia; to khet noh ïa u, balei ba u pynlehnohei ruh ïa ka khyndew?’

LOUKAS 13:9

Lada un sei soh, te bha; hynrei lym kumta, men sa khet noh ïa u.’ ”

LOUKAS 14:35

Kam bit, lymne ïa ka khyndew, lymne ïa ka thliew sboh; hynrei, ki bred noh shabar ïa ka. Uba don ki shkor ban sngew, to un sngew.”

Ka Shithi U Paul Sha Ki Nong Rom 10:1

Ko parabangeit, ka jingkwah hir hir ka dohnud jong nga bad ka jingduwai jong nga ha U Blei na ka bynta ki Israel ka long, ba yn pynim ïa ki.

Ka Shithi U Paul Sha Ki Nong Rom 11:14

lada lah kumno re kumno ba ngan da ïoh pynsngewskuiñ ïa i doh i snam jong nga, bad ba ngan ïoh pynim ïa kiba na ki.

2 PETROS 3:9

U Trai um leh tud shaphang la ka jingkular, kumba don kiba ïañiew ka jingleh tud; hynrei, u ïaishah slem bad phi, u bym da mon ïano ïano ruh ban jot noh, hynrei, ba baroh kin poi sha ka jingkylla-ka-bamut.