LOUKAS 13:35 - KA BAIBL

³⁵ Ha khmih, ïa ka ïing jong phi la iehnoh ïingjah ha phi. Bad nga ong ïa phi: Phin ym ïohi ïa nga tad ynda phin ong, ‘Long ba la kyrkhu uta uba wan ha ka kyrteng U Trai.’ ”

Khasi CL Bible (BSI)

³⁵ Bad kumta ïa ka Templ jong pha yn iehnoh. Nga pynthikna ïa pha ba phan ym ïohi ïa nga tad ynda ka por ka poi haba phan ong, ‘U Blei u kyrkhu ïa uta uba wan ha ka kyrteng jong U Trai.’ ”

LOUKAS 13:35 ပူးပေါင်းရင်းမြစ်များ

SALM 118:26

Long ba la kyrkhu ïa uta uba wan ha ka kyrteng U Trai: ngi la kyrkhu ïa phi na ka ïing U Trai.

SALM 69:25

To ai ba ka jaka shong jong ki kan long kaba kynjah; wat ai ban shong mano mano ruh ha ki ïingjaiñ jong ki.

ISAÏAH 52:7

A katno ba-itynnad halor ki lum ki long ki sla'jat jong uta uba ïathuhkhana babha, uba pynbna ïa ka jingsuk, uba ïathuhkhana ïa ka jingbha, uba pynbna ïa ka jingpynim; uba ong ha ka Seïon, “U Blei jong pha u synshar!”

JEREMAÏAH 22:5

Hynrei, lada phin ym sngew ïa kine ki ktien, nga smai da lade hi,” ong U Trai, “ba kane ka ïing kan sa long ka jingkynjah.”

JEREMAÏAH 35:17

namar kata,” kumne u ong U Trai, U Blei ki paid, U Blei ki Israel: “Ha khmih, ngan wallam halor ka Judah bad halor kiba shong ha Jerusalem baroh, ïa kata ka jingsniew baroh kaba nga la kren pyrshah ïa ki; namar nga la kren ha ki, hynrei, kim shym la sngap; bad nga la khot ïa ki, hynrei, kim shym phai ktien.”

MIKAH 3:12

Namar kata, ïa ka Seïon yn lur kum ka lyngkha namar jong phi, bad ka Jerusalem kan long ki lymbher, bad u lum jong ka ïing kum ki jaka bajrong jong ka khlaw.”

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

SEKHARAÏAH 14:2

Naba ngan lum lang ïa ki jaid bynriew baroh ban ïaleh thma ïa ka Jerusalem; te yn jop ïa ka nongbah, bad yn lute ïa ki ïing, bad yn khñiot tnga ïa ki kynthei: bad shiteng ka nongbah kin leit noh ban long mraw, bad kita kiba la pynsah na u paidbah yn ym pynduh noh na ka nongbah.

MATHAÏOS 21:9

Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

MATHAÏOS 23:37

“A! Jerusalem, Jerusalem! pha kaba pynïap noh ïa ki nongïathuhlypa, bad kaba lynthem maw ïa kita ïa kiba la phah ha pha! katno sien ba nga la kwah ban kdup ïa ki khun jong pha, kumba ka syiar ka kdup ïa ki khun jong ka hapoh ki thapniang jong ka, phi te phim mon.

LOUKAS 19:41

Te katba U la poi hajan, haba U la khmih ïa ka shnong, U la ïam na ka bynta jong ka,

LOUKAS 21:24

Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

ÏOANNIS 12:13

ki la ïashim ïa ki tnat jong ki dieng Tlai, bad ki la ïamih noh ïa ka ban tan ïa u, bad ki la ïapyrta, “Hosanna! Long ba la kyrkhu ïa U Syiem ki Israel, uba wan ha ka kyrteng U Trai!”