LOUKAS 13:34 - KA BAIBL

³⁴ A Jerusalem, Jerusalem, kaba pynïap noh ïa ki nongïathuhlypa, kaba lynthem maw ruh ïa kiba la phah ha pha! Katno sien nga la mon ban kdup ïa ki khun jong pha, kumba ka syiar ka kdup ïa la ki khun hapoh ki thapniang jong ka! phi te phim mon.

Khasi CL Bible (BSI)

³⁴ “A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

LOUKAS 13:34 ပူးပေါင်းရင်းမြစ်များ

NEHEMAÏAH 9:26

“Pynban, ki la long ki bymkohnguh bad ki la ïaleh pyrshah ïa me, bad ki la bred noh ïa ki hukum jong me shadien ka ingdong jong ki, bad ki la pynïap ïa ki nongïathuhlypa jong me kiba la phla pyrshah ïa ki, ban pynphai pat ïa ki sha me, bad ki la pynlong ïa ka jingpankwah bakhraw.

NEHEMAÏAH 9:30

Pynban, bun snem me la shah ïa ki, bad me la phla pyrshah ïa ki da U Mynsiem jong me da ki nongïathuhlypa: pynban, kim shahshkor; namar kata, me la ai noh ïa ki ha ka kti ki kynja bynriew jong kita ki ri.

SALM 149:2

Ai ba u Israel un shadkmen ha uta uba la thaw ïa u: ai ba ki khun ka Seïon kin leh kmen ha la U Syiem.

SALM 17:8

To sumar ïa nga kum ïa i briew khmat, to buhrieh ïa nga hapoh ka jingkah ki thapniang jong me,

SALM 36:7

Katno ka bakordor ka jingleh isynei jong me, A Blei! Te ki khun bynriew kin rieh hapoh ka jingkah ki thapniang jong me.

SALM 57:1

To isynei ïa nga, A U Blei, to isynei ïa nga; namar ka mynsiem jong nga ka rieh ha me: shisha keiñ, ha ka jingkah ki thapniang jong me ngan rieh, tad ynda ki la ïaid jah noh kine ki jingjynjar.

SALM 81:13

A ban da ki briew jong nga kin sngap ïa nga, ban da ki Israel kin ïaid ha ki lynti jong nga!

SALM 91:4

Un tap ïa me da la ki sner, bad hapoh ki thapniang jong u men ïoh rieh ïa lade: ka jingshisha jong u ka long ka stieh bad ka 'tiehbah.

ISAÏAH 30:15

Namar kumne u ong U Trai U Blei, uta U Bakhuid ki Israel, “Ha kaba wan phai bad kaba shongthait yn pynim ïa phi; ha ka jingjai jai bad ka jingshaniah, ka bor jong phi kan long;” te phim shym mon.

ISAÏAH 50:2

Na ka balei, haba nga la wan, bym shym la don briew? Haba nga la khot, bym shym don ba jubab? Hato la pynlyngkot ïa ka kti jong nga, ba kan ym lah siewspah? ne ngam don bor ban pyllait? Ha khmih, ha ka jingsneng jong nga, nga pynrngad ïa ka duriaw, nga pynlong khlaw ïa ki wah: ki dohkha jong ki, ki iwtung, namar bymdon um, bad ki ïap sliang.

JEREMAÏAH 2:30

“Nga la sympat lehnohei ïa ki khun jong phi; kim shym la pdiang ïa ka jingsneng: ka waitlam jong phi hi ka la bam duh ïa ki nongïathuhlypa jong phi, kum u sing u bapynjot.

JEREMAÏAH 26:23

bad ki la wallam noh ïa u Uriah na Ijipt, bad ki la wallam ïa u sha u syiem Jehoïakim; uba la pynïap ïa u da ka waitlam, bad u la bred ïa ka metïap jong u ha ki jingtep ki riewpoh.

JEREMAÏAH 35:14

“Ïa ki ktien u Jonadab u khun u Rekhab, kiba u la hukum ïa ki khun shynrang jong u, ban ym dih Waiñ, la pyndep, bad haduh kane ka sngi kim shym dih satia, namar ki kohnguh ïa ka hukum u kpa jong ki: hynrei, nga la kren ha phi, nga da khie dang step bad nga kren; te phim shym sngap ïa nga.

JEREMAÏAH 35:17

namar kata,” kumne u ong U Trai, U Blei ki paid, U Blei ki Israel: “Ha khmih, ngan wallam halor ka Judah bad halor kiba shong ha Jerusalem baroh, ïa kata ka jingsniew baroh kaba nga la kren pyrshah ïa ki; namar nga la kren ha ki, hynrei, kim shym la sngap; bad nga la khot ïa ki, hynrei, kim shym phai ktien.”

JEREMAÏAH 6:16

Kumne u ong U Trai, “To ïeng phi ha ki lynti bad to khmih, bad kylli shaphang ki lynti ïaid ki barim, ha kaba don kata ka lynti babha, bad to ïaid ha ka, bad phin shem kaba jahthait ïa ki mynsiem jong phi: hynrei, ki la ong, ‘Ngin ym ïaid ha ka.’

SNGEWSYNEI 1:16

“Namar kine kiei kiei nga ïam; ka khmat jong nga, ka khmat jong nga ka tuid da ka um; namar uta u nongpyntngen uba dei ban pynshait ïa ka mynsiem jong nga u jngai na nga: ki khun jong nga ki la kynjah, naba u la jop u nongshun.”

SNGEWSYNEI 4:13

Ka long namar ki pop ki nongïathuhlypa jong ka, bad ki jingleh bymhok ki lyngdoh jong ka, kiba la pynmih ïa ka snam jong ki bahok hapdeng jong ka.

HOSIA 11:2

Kumba ki la khot ïa ki, kumta, ki la leit noh na ki: ki la kñia ha ki Baal, bad ki la thang ka jingiwbih ha ki dur ba la mut.

HOSIA 11:7

U paidlang jong nga ruh u thew khnang ban phai dien na nga: la ki khot ïa ki sha uta uba hajrong, ym don satia uba kyntiew ïa u.

JOEL 2:23

“To ïasngewbha te, phi ki khun ka Seïon, bad to leh kmen ha U Trai U Blei jong phi: naba u ai ha phi ïa u slap uba shuwa ha ka jingthew kaba biang, bad u pynhap ïa u slap ha phi, u slap uba shuwa bad u slap uba khatduh, ha u bnai banyngkong.

SEKHARAÏAH 1:4

“Wat long kum ki kpa jong phi, ha kiba ki nongïathuhlypa kiba mynshuwa ki la pyrta, ki ïa-ong, ‘Kumne u ong U Trai ki paid, “Mynta to phai noh phi na ki lynti basniew jong phi, bad na ki jingleh basniew jong phi:” pynban, kim shym la sngap, lymne shahshkor ïa nga,’ ” ong U Trai.

MATHAÏOS 22:3

bad u la phah ïa la ki shakri ban khot ïa kita ïa kiba la ïawer sha kata ka jingkhawai shongkurim; ki te kim treh ban wan.

MATHAÏOS 22:6

Kiwei pat kiba sah te haba ki la kem ïa ki shakri jong u, ki la lehbeiñ bad ki la pynïap ïa ki.

LOUKAS 15:28

Hynrei, u, u la bitar, bad um mon ban rung hapoh; namar kata, u kpa jong u, u la mih habar bad u la khroh ïa u.

LOUKAS 19:44

bad kin ïa-pynkyllon ïa pha bad ïa ki khun jong pha hapoh jong pha, bad kin ym ïa-iehnoh ha pha ïa u maw halor u maw; naba pham shym la ithuh ïa ka aïom ka jingwan jngoh ïa pha.”

LOUKAS 23:28

Hynrei, haba U Jisu u la phai sha ki, U la ong, “Ko kynthei Jerusalem, wat ïaïam phi namar jong nga, hynrei, to ïaïam namar ïa lade, bad namar ki khun jong phi!

KI KAM 7:52

Ïano na ki nongïathuhlypa ba ki kpa jong phi kim shym la pynshitombeiñ? bad ki la ïa-pynïap noh ïa kita kiba la pyni lypa shaphang ka jingwan jong uta U Bahok, ïa uba phi mynta phi la long ki nongdie bad ki nongpynïap;

KI KAM 7:59

Te ki la ïalynthem maw ïa u Stephan, haba u dang duwai, u da ong, “A Trai Jisu, to pdiang noh ïa ka mynsiem jong nga!”

KI KAM 8:1

Te u Saul u la ïamynjur lem ïa ka jingpynïap ïa u. Ha kata ka sngi te, la jia ka jingpynshitom beiñ bakhraw ïa ka balang kaba ha Jerusalem, te la pynsakma ïa ki baroh, kylleng ki ri Judia bad Samaria, lait sa tang ki apostol.

DEUTERONOMI 32:29

A ban da ki la stad, ba kin sngewthuh ïa kane, ba kin da pyrkhat ïa la ka bakut!

DEUTERONOMI 5:29

A ban da don ha ki ka dohnud kat kane, ïa ka ban sheptieng ïa nga, bad ban sumar ïa ki hukum jong nga baroh ha la ka sngi, ba kan da long bha ïa ki, bad ïa ki khun jong ki ha la ka rta!

JINGPYNPAW 11:8

Bad ki metïap jong ki kin shu sah ha ka lynti bah kata ka shnong ka bakhraw, ïa kaba la khot ha ka jingmut bakynja mynsiem, “ka Sodom” bad “ka Ijipt”; hangta ruh, la sahnarphna ïa U Trai jong ki.

RUTH 2:12

To U Trai un pynbiang kum ka kam jong pha, bad to ai ba ka bainong jong pha kan long kaba janai na U Trai, U Blei ki Israel, uba pha la wan ban rieh hapoh ki thapniang jong u.”