LOUKAS 13:14 - KA BAIBL

¹⁴ Hynrei, u nongsynshar ka synagog ba u da sngewbitar eh, namar ba U Jisu u la lah pynkhiah ha ka Sabbaton, u la ïathuh bad u la ong ha u paidbah, “Don hynriew sngi ha kiba ki briew ki dei ban trei jingtrei; ha kita namar kata, to wan ba yn pynkhiah ïa phi, te ym ha ka sngi Sabbaton.”

Khasi CL Bible (BSI)

¹⁴ U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

LOUKAS 13:14 ပူးပေါင်းရင်းမြစ်များ

EKSODOS 20:9

Hynriew sngi men trei, bad men leh ïa ka kam jong me baroh:

EKSODOS 23:12

“Hynriew sngi men leh ïa ka kam jong me, bad ha ka sngi ka bahynñiew men shong sngi: ba u masi jong me, bad ka kadda jong me kin ïoh shongthait, bad ba u khun ka mraw jong me, bad u nongwei, kin shong pyngngad ruh.

ESEKIEL 20:12

Nalor kata, nga la ai ruh ha ki, ïa ki Sabbaton jong nga, ïa ka ban long ka dak hapdeng jong nga bad ki, ba kin ïoh tip ba nga long ma nga U Trai uba pynkyntang ïa ki.

ESEKIEL 34:21

Namar ba phi la kyndat da ka krung bad da ka tyrpeng, bad phi la tur ïa ki bakhrew baroh da ki reng jong phi, tad ynda phi la pynsakma ïa ki kylleng la kylleng;

LEBITIKOS 23:3

Hynriew sngi yn ïoh ban trei jingtrei: hynrei, ha ka bahynñiew sngi yn long ka Sabbaton ka jingshongthait, ka jingïaseng bakhuid; phin ym trei jingtrei satia; ka long ka Sabbaton ïa U Trai ha ki ïing jong phi baroh.

MATHAÏOS 12:2

Hynrei, haba ki Pharisi ki la ïohi, ki la ong ha u, “Ha khmih, ki synran jong me ki leh ïa ka bymbit ban leh ha ka sngi Sabbaton.”

MARKOS 5:22

Te uwei na ki rangbah synagog u wan, uba kyrteng “u Jairos”; bad haba u ïohi ïa U, u la dem ha ki kjat jong U;

LOUKAS 6:11

Ki te ki la dap da ka jingbitar lamwir; bad ki la ïasylla paralok hi, aïu ba ki lah ban leh ïa U Jisu.

LOUKAS 6:7

Te ki nongthoh bad ki Pharisi ki la ïa-ap thap ïa U, la un pynkhiah ne em ha ka Sabbaton, ba kin ïoh mudui ïa U.

LOUKAS 8:41

Ha khmih ruh, u la wan u briew uba kyrteng “u Jairos”, bad uba long u nongsynshar jong ka synagog; te u la dem ha ki kjat U Jisu, bad u la kyrpad ïa U ban wan sha ïing jong u:

KI KAM 13:15

Te ynda la lah kaba pule ïa Ka Hukum bad Ki Nongïathuhlypa, ki nongsynshar ka synagog ki la ïaphah ha ki, ki da ong, “Ko para, lada phi don kano kano ka ktien sneng ïa u paidbah, to kren.”

KI KAM 18:17

Ynda kumta, ki baroh ki la kem ïa u Sosthenis, u nongsynshar ka synagog, bad ki la shoh ïa u ha khmat kata ka khet bishar. U Gallio te um suidñiew ei ei ruh ïa kita kiei kiei.

KI KAM 18:8

Te u Krispos, u nongsynshar ka synagog u la ngeit ha U Trai lem bad ka ïing jong u baroh; bun ruh na ki nong Korinth haba ki la ïohsngew, ki la ngeit, bad la pynbaptis ïa ki.

Ka Shithi U Paul Sha Ki Nong Rom 10:2

Namar nga phla shaphang jong ki, ba ki don ka jingsngew-shitrhem na ka bynta U Blei, hynrei, ym katba kum ka jingtip.

DEUTERONOMI 5:13

Hynriew sngi men trei, bad men leh ruh ïa ka kam jong me baroh: