LOUKAS 12:42 - KA BAIBL

⁴² Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang?

Khasi CL Bible (BSI)

⁴² U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

LOUKAS 12:42 ပူးပေါင်းရင်းမြစ်များ

EKSODOS 36:4

te kita ki riewstad baroh kiba la trei ïa ka kam jong ka jaka kyntang, ki la wan noh uwei uwei baroh na la ka kam ïa kaba ki dang ïathaw;

PROBERB 12:8

Ïa u briew yn ïaroh katba kum ka jingstad jong u: hynrei, ïa uba mutlop ka dohnud, yn ñiewbeiñ.

PROBERB 15:23

U briew u ïoh ka jingkmen ha ka jubab ka shyntur jong u: bad ka ktien ha ka por kaba bit, katno ka babha ka long!

PROBERB 27:18

Uta uba sumar ïa u dieng Dumbur un bam ïa u soh jong u: bad uta uba ap shakri ïa la u kynrad yn pyndonburom ïa u.

PROBERB 31:15

Ka khie thiah ruh haba dang miet, bad ka ai jingbam ïa la ki ba-ha-ïing, bad ïa ka kam jong ki ha la ki shakri kynthei.

ISAÏAH 50:4

U Trai U Blei u la ai ha nga u thylliej jong kiba la shah hikai, ba ngan tip kumno ban shan da ki ktien ïa uta uba thait: u pynkyndit man la ka step, u pynkyndit ïa ka shkor jong nga ban sngap kum kiba la shah hikai.

JEREMAÏAH 23:4

Bad ngan buh ki nongsharai halor jong ki, ki ban bsa ïa ki: te kin ym sheptieng shuh, lymne khaw-eit, lymne kin ym duna kawei ruh,” ong U Trai.

ESEKIEL 34:3

Phi bam ïa ka khleiñ, bad phi kup ïa lade da u 'saiwul, phi pynïap ïa ki basngaid; hynrei, phim bsa ïa ki langbrot.

MATHAÏOS 13:52

U la ong te ha ki, “Namar kata, u nongthoh baroh uba la ïoh hikai ha ka hima ki bneng, u long kum u briew uba u trai ïing, uba sei noh na ka jingkynshew jong u ïa kiei kiei ruh ki bathymmai bad barim.”

MATHAÏOS 20:8

Ynda la janmiet te, uta u trai brisoh u la ong ha u rangbah jong u, ‘Khot ïa kita ki nongtrei bad to ai ha ki, ïa ka bainong jong ki, da sdang naduh ki bakhatduh haduh ki bashuwa.’

LOUKAS 12:43

Suk uta u shakri, ïa uba u kynrad jong u haba u wan, un shem ba u leh kumta.

LOUKAS 7:13

Haba U Trai te U la ïohi ïa ka, U la sngewsynei ïa ka, bad U la ong ha ka, “To wat ïam.”

LOUKAS 7:19

Te haba u Ïoannis u la khot ha lade ar ngut na ki synran jong u, u la phah ïa ki ha U Trai, u da ong, “Me long uta u ban sa wan, ne ngin ïa-ap ïa uwei pat?”

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

1 TIMOTHI 3:15

hynrei, lada nga tud, ba men tip kumno ki briew ki dei ban leh ïa lade ha ka ïing U Blei, kaba long ka balang jong U Blei u ba-im, ka rijied bad ka nongrim ka jingshisha.

1 TIMOTHI 5:17

Kita ki tymmen basan kiba la synshar bha to ai ba yn ñiew ïa ki kiba dei ban ïoh ar shah ka burom, kham tam kita kiba trei minot ha ka ktien bad ha ka jinghikai.

2 TIMOTHI 4:2

to men ïalap ïa kata ka ktien; to ïaiminot haba dei por, ha bymdei por de; to pynkynduh, to sneng, to kyntu da ka jingshahslem baroh bad ka jinghikai.

TITOS 1:7

Namar ka dei keiñ ïa u nongsharai ban long uba khlem shah kynnoh, kum u sordar jong U Blei; ym uba ïaid mon, ym uba bitar shen, u bym shait ïamai, u bymïashoh ïadat, u bymkhwan myntoi;

HEBRU 13:17

To kohnguh ïa kita ki nongïalam jong phi, bad to pynhapoh ïa lade ha ki; namar kita ki sharai na ka bynta ki mynsiem jong phi, kum ki ban sa ai ka jingkheiñ; ba kin ïoh leh ïa kane da ka jingkmen bad ym da ka jingsngewsih: namar kane ka bymmyntoi ïa phi.

HEBRU 13:7

To kynmaw ïa kita kiba la synshar halor jong phi, kiba la kren ha phi ïa ka ktien U Blei; da kaba pyrkhat ruh ïa ka bakut ka jingim jong ki, to phin ïapyrthuh bud ïa ka jingngeit jong ki.

HEBRU 3:5

Te u Moses shisha u la long uba ïaineh ha ka ïing jong u baroh kum u shakri, ïa ka ban phla ïa kita kiei kiei ruh ïa kiba yn kren hadien;

1 PETROS 4:10

Uwei pa uwei baroh kat kumba u la pdiang ïa ka jingai, kumta keiñ, un sam ïa kata, paralok hi, kum ki sordar babha ka jingaiei babun jaid U Blei.