LOUKAS 12:32 - KA BAIBL

³² “To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

Khasi CL Bible (BSI)

³² “Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 12:32 ပူးပေါင်းရင်းမြစ်များ

ISAÏAH 40:11

Un bsa ïa ka kynhun jong u kum u nongaplangbrot, ha ka ksang'ti jong u un lum ïa ki khun langbrot, bad ha ka shadem jong u un rah ïa ki, bad un ïalam suki ïa kiba ai buiñ.

ISAÏAH 41:14

Wat sheptieng, me u Jakob uba kum u khñiang, bad phi ki rangbah Israel; nga ngan ïarap ïa me, ong U Trai, U Nongsiewspah jong me, uta U Bakhuid jong ki Israel.

ISAÏAH 53:6

Ngi baroh kum ki langbrot ngi la sakma; ngi la phai noh uwei uwei sha la ka lynti; te U Trai u la buh halor jong u ïa ka jingbymhok jong ngi baroh.

JEREMAÏAH 3:19

“ ‘Hynrei, nga la ong, “Kumno ngan buh ïa me hapdeng kita ki khun, bad ai ïa me ka ri basngewtynnad ka ri kynti kaba itynnad jong ki paidbah ki jaid bynriew?” Bad nga la ong, “Phin khot ïa nga, ‘ko Kpa jong nga’; bad phin ym phai noh na kaba bud ïa nga.

MATHAÏOS 14:27

Hynrei, U Jisu kumne kumne ruh u la kren ha ki, u da ong, “To sngewshlur; dei ma nga; to wat sheptieng.”

MATHAÏOS 20:16

Kumta, ki bakhatduh kin long shuwa, bad ki bashuwa kin long khatduh keiñ. Naba ki long shibun ïa kiba la khot, hynrei, khyndiat ba la jied.”

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MATHAÏOS 7:15

“To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

LOUKAS 10:21

Ha kata hi ka por, U Jisu u la shadkmen ha U Mynsiem Bakhuid, bad u la ong, “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad na ki bashemphang, bad ba me la pynpaw ïa ki ha ki khunlung; shisha, ko Kpa, naba kumta ka la ibit ha khmat jong me.

ÏOANNIS 18:36

U Jisu u la ïathuh, “Ka hima jong nga kam long na ka jong kane ka pyrthei; lada ka hima jong nga ka la long na ka jong kane ka pyrthei, ki shakri jong nga kin da ïaleh, ba yn ym aiti noh ïa nga ha ki Jiw; hynrei, mynta, ka hima jong nga kam long nangne.”

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

KI KAM 20:29

Nga tip ba hadien kane ka jingleit noh jong nga, ki suri barunar sat kin ïabsut hapdeng jong phi, kim da isynei ïa kata ka kynhun;

Ka Shithi U Paul Sha Ki Nong Rom 6:23

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.

1 KORINTH 1:21

Namar ba ha ka jingstad U Blei, kata ka pyrthei da la ka jingstad kam shym la ithuh ïa U Blei; U Blei u la ibit da ka jingibieit jong ka jingïalap, ban pynim ïa kita kiba ngeit.

PHILIPPI 2:13

namar dei U Blei uba trei hapoh jong phi ïa ka ban mon ruh bad ïa ka ban trei, namar ka jingsngewbha jong u.

2 THESSALONI 1:11

Khnang ïa kata, ngi duwai ruh ha la ka sngi na ka bynta jong phi, ba U Blei jong ngi un ñiew ïa phi, kiba bit ïa ka jingkhot jong u, bad ba un pyndep ïa ka jingsngewbha baroh jong ka jingbha bad ïa ka kam ka jingngeit, da ka bor bah;

2 THESSALONI 1:5

kaba long ka dak shynna ïa ka jingbishar bahok U Blei; khnang ïa ka ban ñiew ïa phi, kiba bit ïa ka hima U Blei, na ka bynta kaba phi shah ruh;

HEBRU 12:28

Naba kumta, haba ngi pdiang ïa ka hima ka bym lah pynkhih, to ngin ïoh ka jingsngewnguh, da kaba ngin ai ka jingshakri kaba pynsngewbha ïa U Blei da ka burom bad ka jingtieng burom;

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

2 PETROS 1:11

namar kumta, yn ai kyrhai eh ha phi ïa ka jingbsut shapoh kata ka hima bymjukut U Trai bad U Nongpynim jong ngi U Jisu Khrist.

JINGPYNPAW 1:6

bad u la pynlong ïa ngi ki syiem bad ki lyngdoh ha U Blei bad U Kpa jong u; ha u to long ka burom bad ka jingsynshar sha ki bymjukut ki bymjukut: Amen.

JINGPYNPAW 22:5

Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.