LOUKAS 12:28 - KA BAIBL

²⁸ Lada U Blei te u pynkup kumta ïa u phlang, uba mynta u long, lashai te la bred ha ka lawar ding, kaba katno tam un pynkup ïa phi, A phi kiba rit ka jingngeit?

Khasi CL Bible (BSI)

²⁸ U long U Blei uba pynkup ïa u phlang khlaw — u phlang uba don hangne mynta bad uba jah noh la shai, ïa uba la thang noh ha ka lawar ding. Hato Un ym jin da la thikna ban pynkup jaiñ ïa phi? A katno kaba rit ka jingngeit phi don!

LOUKAS 12:28 ပူးပေါင်းရင်းမြစ်များ

ISAÏAH 40:6

Ka ktien jong uba ong, “To pyrta.” Uwei te u la ong, “Ngan pyrta aïu?” Ka doh baroh ka long u phlang, bad ka jingitynnad jong ka baroh ka long kum u syntiew ka ryngkew:

MATHAÏOS 14:31

Kumne kumne ruh U Jisu haba u la kner ïa la ka kti, U la kem ïa u, bad U la ong ha u, “A me uba rit jingngeit! balei ba me la sngew-artatien?”

MATHAÏOS 16:8

Haba U Jisu te u la tip ïa kata, u la ong ha ki, “A phi kiba rit jingngeit! balei phi ïakren hi paralok, naba phim shym la wallam kpu?

MATHAÏOS 17:17

U Jisu te u la ïathuh bad u la ong, “A phi ka pateng bynriew bymngeit bad bamutlop, sa katno ngan long lem bad phi? sa katno ngan shah ïa phi? to wallam ïa u shane sha nga.”

MATHAÏOS 17:20

U Jisu te u la ïathuh ha ki, “Namar ka jingbymngeit jong phi: naba shisha nga ong ha phi, lada phi don ka jingngeit kaba kat iwei i symbai tyrso, phin ong ha une u lum, ‘To leit noh nangne hangtai’, te un leit noh keiñ; bad ym don kaei kaei ruh ïa kaba phin ym lah leh.

MATHAÏOS 6:30

Lada U Blei te u pynkup kumta ïa u 'hur ryngkew, uba mynta u long, lashai te la bred ha ka lawar ding, kaba katno tam ïa phi, A phi kiba rit ka jingngeit!

MATHAÏOS 8:26

U te u la ong ha ki, “Balei ba phi long kiba sheptieng, A phi kiba rit jingngeit?” Ynda kumta, u la khie, u la sneng ïa ka lyer bad ïa ka duriaw ruh; te ka la long kaba jai jai eh.

LOUKAS 8:25

U la ong te ha ki, “Hangno ka jingngeit jong phi?” Te ba ki la sheptieng ki la sngewphylla, ki da ïa-ong paralok hi, “Une u long uei shisha, ba u hukum kat ïa ki lyer bad ïa ka um, bad ki kohnguh ïa u?”

HEBRU 6:7

Namar ka khyndew kaba la kjit noh ïa u slap bahap bunsien ha ka, bad kaba pynmih noh ïa ki jhur ba bit ïa kita na ka bynta kiba la rep ïa ka ruh, ka pdiang ka jingkyrkhu na U Blei;

1 PETROS 1:24

Naba: “Ka doh baroh ka kum u phlang, bad ka burom jong ka baroh ka kum u syntiew u phlang: uta u phlang u ïap ryngkhiang, bad uta u syntiew jong u, u hap noh,