LOUKAS 12:11 - KA BAIBL

¹¹ Te ynda kin ïalam ïa phi ha khmat ki synagog bad ki nongbishar bad ki nongsynshar, wat sngewkhuslai phi, kumno lane kaei ba phin ïasaid-da, lane kaei ba phin ong:

Khasi CL Bible (BSI)

¹¹ “Haba ki wallam ïa phi ban shah tian bishar ha ki synagog lane ha khmat ki lyngskor lane ki nongsynshar, wat sngewkhuslai shaphang kumno phin ïasaid da ïa lade lane ïa kaei phin kren.

LOUKAS 12:11 ပူးပေါင်းရင်းမြစ်များ

EKSODOS 4:12

Namar kata, to leit mynta, bad nga ngan long lem bad ka shyntur jong me, bad ngan hikai ïa me ïa kaei ba men kren keiñ.”

MATHAÏOS 23:34

Naba kumta, ha khmih, nga phah ha phi ïa ki nongïathuhlypa, bad ïa ki riewstad, bad ïa ki nongthoh ruh; te ïa kiba na ki phin pynïap noh, bad phin sahnarphna; bad ïa kiwei na ki phin sympat ha ki synagog jong phi, bad phin behbeiñ ruh na ka shnong sha ka shnong:

MATHAÏOS 6:25

“Namar kata, nga ong ha phi, wat khuslai ïa la ka jingim, kaei ba phin bam, lane kaei ba phin dih; lymne ïa ka met jong phi, kaei ba phin kup. Ka jingim kam long kaba kham kor ïa ka jingbam, ka met ruh ïa ka jaiñkup?

MATHAÏOS 6:27

Uno te na phi, haba u da khuslai ruh, uba lah ban pyntam shi pruh ïa la ka rynïeng?

MATHAÏOS 6:28

Balei ba phi khuslai shaphang kaba kup ruh? To pyrkhat ïa ki 'tiew Lili ka ryngkew, katno ki man bha; kim trei, lymne kim thir;

MATHAÏOS 6:31

Namar kata, wat khuslai, da kaba ong, ‘Kaei ba ngin bam?’ lane, ‘Kaei ba ngin dih?’ lane, ‘Kaei ba ngin kup?’

MATHAÏOS 6:34

“Namar kata, wat khuslai na ka bynta kaba lashai, naba kata kaba lashai kan khuslai na ka bynta la ka jong. Ïa ka sngi ka biang la ka jong ka basniew.”

LOUKAS 12:22

Bad u la ong ha ki synran jong u, “Namar kata, nga ong ha phi: Wat khuslai shaphang ka jingim jong phi, kaei ba phin bam, lymne shaphang ka met ruh, kaei ba phin kup.