LOUKAS 11:47 - KA BAIBL

⁴⁷ Kordit ïa phi! Naba phi ïatei ïa ki maw jingtep ki nongïathuhlypa, bad ki kpa jong phi ki la pynïap ïa ki.

Khasi CL Bible (BSI)

⁴⁷ A katno kaba shyrkhei ïa phi! Phi thaw ki mot jingtep ba-itynnat na ka bynta ki nongïathuhlypa — kita ki nongïathuhlypa kiba ki kpa tymmen jong phi ki la pynïap.

LOUKAS 11:47 ပူးပေါင်းရင်းမြစ်များ

MATHAÏOS 23:27

“Kordit ïa phi, ki nongthoh bad ki Pharisi kiba arsap! naba phi long kum ki jingtep ba la pynlieh, kiba imat ibha shisha na shabar, hynrei, shapoh kiba dap da ki shyieng jong ki baïap, bad da ka jakhlia baroh.

LOUKAS 11:48

Kumta, phi long ki sakhi bad phi ïakohnguh lem ïa ki kam ki kpa jong phi: naba ki, ki la pynïap ïa ki, phi ruh phi ïatei ïa ki maw jingtep jong ki.

KI KAM 7:51

“Phi kiba eh ryndang, bad kiba khlem otsher ha ka dohnud bad ha ki shkor, khlem da pud phi ïaleh pyrshah ïa U Mynsiem Bakhuid! kumba ki kpa jong phi ki la leh, kumta phi ruh phi leh!

1 THESSALONI 2:15

kiba la pynïap noh ïa U Jisu uba U Trai bad ïa ki nongïathuhlypa, bad kiba la beh noh ïa ngi; bad kim pynsngewbha ïa U Blei, bad ki ïaleh pyrshah ïa ki briew baroh;