LOUKAS 11:44 - KA BAIBL

⁴⁴ Kordit ïa phi ki nongthoh bad ki Pharisi kiba arsap! naba phi long kum ki jingtep ki bym paw, bad ki briew kiba ïaid shalor kim tip ïa kata.”

Khasi CL Bible (BSI)

⁴⁴ A katno kaba shyrkhei ïa phi! Phi long kum ki lum jingtep ki bym don dien shuh ha kaba ki briew ki ïaid nalor khlem tip ïa ka.”

LOUKAS 11:44 ပူးပေါင်းရင်းမြစ်များ

SALM 5:9

Namar ym don ka jingneh ha ka shyntur jong ki; kaba shapoh jong ki ka long ka jingbymman hi: ka ryndang jong ki ka long ka jingtep ba ang ryngheng; ki kren arsap da la u thylliej.

ESEKIEL 39:15

Te kita kiba ïaid ïa ka ri kin ïaid lyngba; bad haba uno uno u ïohi ïa ka shyieng briew, un sieh dak hajan jong ka, tad ynda ki nongtep ki la tep ïa ka ha ka them Hamon-gog.

HOSIA 9:8

U Ephraim u la long u nongap bad U Blei jong nga: u nongïathuhlypa ruh, ka jingriam u nongriam ka don ha ki lynti jong u baroh, bad ka jingshun ha ka ïing U Blei jong u.

JINGKHEIÑ 19:16

Uno uno ruh uba ktah ïa kaba la pynïap noh da ka waitlam ha ka lyngkha, lane ïa ka metïap, lane ïa ka shyieng jong u briew, lane ïa ka jingtep, un long u bymkhuid, hynñiew sngi.

MATHAÏOS 13:32

uba long kham rit shisha ïa ki symbai baroh, hynrei, ynda u la san u long kham khraw ïa ki jhur bad u long dieng, katba ki sim bneng ki wan bad ki shongtngen ha ki tnat jong u.”

KI KAM 23:3

Ynda kumta, u Paul u la ong ha u, “U Blei un sa shoh ïa me, me ka kynroh ba la pynlieh! kumta du shong bishar ma me ïa nga kat ka hukum, pynban, da kaba pynkheiñ ïa ka hukum me phah thab ïa nga?”