LOUKAS 11:42 - KA BAIBL

⁴² “Hynrei, kordit ïa phi ki Pharisi! Naba phi ai ïa kaba shiphew na u pudina, bad na u rue, bad na u jhur baroh, phi ryngkang te ïa ka hok bad ïa ka jingieit ka jong U Blei; ka la dei ban leh ïa kine kiei kiei ruh, hynrei, ban ym iehnoh keiñ ïa kita kiwei.

Khasi CL Bible (BSI)

⁴² “A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

LOUKAS 11:42 ပူးပေါင်းရင်းမြစ်များ

NEHEMAÏAH 10:37

bad ba ngin wallam noh na ki soh nyngkong u 'pu im jong ngi, bad ïa ka jingainguh kyntiew, bad ïa u soh ki kynja dieng baroh, ka Waiñ bad ka umphniang, ha ki lyngdoh, ha ki kamra ka ïing U Blei jong ngi; bad ïa kaba shiphew na ka khyndew jong ngi ha ki Lebi; namar ki, ki Lebi, ki shim ïa kaba shiphew ha ki shnong bri jong ngi baroh.

PROBERB 21:3

Kaba leh ïa ka hok bad ïa ka jingbishar ka long kaba kham pdiang hun ha U Trai ban ïa ka jingkñia.

EKLESIASTIS 7:18

Ka bha ba men bat ïa kane; shisha ruh na kata wat pyllait ïa la ka kti: namar uta uba sheptieng ïa U Blei un wan mih noh na ki baroh.

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

MALAKHI 1:6

“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

MALAKHI 2:17

Phi la pynbtai ïa U Trai da la ki ktien. Pynban, phi ong, “Ha kaba kumno ngi la pynbtai ïa u?” Ha kaba phi ong, “Uwei uwei baroh uba leh sniew u long u babha ha khmat U Trai, bad u sngewbha ha ki;” lane “hangno U Blei ka jingbishar?”

MALAKHI 3:8

U briew un lute ïa U Blei ne em? Pynban, phi la lute ïa nga. Hynrei, phi ong, ‘Ha kaba kumno ngi la lute ïa me?’ Ha kiba shiphew bad ki jingainguh keiñ.

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

MATHAÏOS 23:23

“Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

MATHAÏOS 23:27

“Kordit ïa phi, ki nongthoh bad ki Pharisi kiba arsap! naba phi long kum ki jingtep ba la pynlieh, kiba imat ibha shisha na shabar, hynrei, shapoh kiba dap da ki shyieng jong ki baïap, bad da ka jakhlia baroh.

LOUKAS 18:12

Nga shah jingit ar sien shi taïew; nga ai kaba shiphew na kiei kiei baroh katba nga don.’

ÏOANNIS 5:42

Hynrei, nga ithuh ïa phi, ba phim don ka jingieit U Blei ha lade.

1 ÏOANNIS 4:20

Lada uno uno ruh u ong, “Nga ieit ïa U Blei”, bad u shun ïa la u parabangeit u long uba lamler; namar uta u bymieit ïa la u parabangeit ïa uba u la ïohi, um lah ban ieit ïa U Blei ïa uba um shym la ïohi.

1 SAMUEL 15:22

Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.