LOUKAS 11:40 - KA BAIBL

⁴⁰ A phi ki babieit! Uta uba la thaw ïa kaba shabar, hato um shym la thaw ïa kaba shapoh ruh?

Khasi CL Bible (BSI)

⁴⁰ A ki bieit! Hato ym dei U Blei uba la thaw ïa kaba shabar, uba la thaw ruh ïa kaba shapoh?

LOUKAS 11:40 ပူးပေါင်းရင်းမြစ်များ

JENESIS 1:26

U Blei u la ong ruh, “To ngin ïathaw ïa u briew ha ka dur jong ngi, katba kum ka jingsyriem jong ngi hi; bad kin synshar halor ki dohkha ka duriaw, bad halor ki sim bneng, bad halor ki kynja mrad, bad halor ka pyrthei baroh, bad halor kiei kiei ki kynja bapar baroh ki bapar halor ka khyndew.”

JENESIS 2:7

Bad U Trai uba U Blei u la thaw ïa u briew na ka 'dewmet ka khyndew, bad u la pyrsad ha ki thliew khmut jong u ïa ka jingpyrsad ka jingim; bad uta u briew u la long ka mynsiem ba-im.

SALM 14:1

U babieit u la ong ha la ka dohnud, “Ym don U Blei.” Ki long kiba pyut, ki la leh ïa ki kam kiba ijli; ym don shuh uba leh babha.

SALM 33:15

Ma u keiñ, uba thaw dur ïa ki dohnud jong ki baroh, uba pyrkhat ïa ki kam jong ki baroh.

PROBERB 1:22

“Slem katno, phi ki babieit, phin ieit ïa ka jingbieit? bad ba ki nongkrenbeiñ kin ïasngewbha ha ka jingkrenbeiñ, bad ba ki babieit runar kin isih ïa ka jingtip?

PROBERB 8:5

Ko phi ki babieit, to sngewthuh ïa ka jingsian; bad phi ki babieit runar, to long ki bashemphang la ka dohnud.

JEREMAÏAH 5:21

‘To sngap ïa kane mynta, A u paidlang u babieit, bad uba khlem jingshemphang; uba don ki khmat, te um ïohi; uba don ki shkor, te um ïohsngew:

SEKHARAÏAH 12:1

Ka jingkit ka ktien U Trai ïa ki Israel. Kumne u ong U Trai, uba siang ïa ki bneng, bad uba seng ïa ka nongrim ka khyndew, bad uba pynlong ïa ka mynsiem u briew hapoh jong u:

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

MATHAÏOS 23:17

Phi kiba bieit bad bamatlah! naba kano ka long kaba kham khraw, kata ka ksiar, lane kata ka templ kaba pynkyntang ïa kata ka ksiar?

MATHAÏOS 23:26

Me u Pharisi bamatlah! to pynkhuid shuwa ïa kaba shapoh ka khuri bad ka pliang, ba kaba shabar jong ki kan ïoh long khuid ruh.

LOUKAS 12:20

Hynrei, U Blei u la ong ha u, ‘A me u babieit, ha kane ka miet yn pan noh ïa ka mynsiem jong me na me; ki jongno te kin long kita kiei kiei ïa kiba me la khreh lypa?’

LOUKAS 24:25

Ynda kumta, U la ong ha ki, “A phi kiba mut bakla, bad ba shan'ti ka dohnud ïa ka ban ngeit ïa kiei kiei baroh kiba ki nongïathuhlypa ki la ïathuh!

1 KORINTH 15:36

A u babieit! Ïa kata ïa kaba me hi me bet yn ym pynlong im ïa ka lymda ka ïap noh keiñ;

HEBRU 12:9

Nalor kane, ngi la ju don kita ki kpa ka doh jong ngi ban sneng sympat ïa ngi, bad ngi la ju burom ïa ki: hato ngin ym kham long shibun hapoh U Kpa ki mynsiem jong ngi, bad ban im?