LOUKAS 11:36 - KA BAIBL

³⁶ Haba kumta, lada ka met jong me baroh ka shai bha, bymdon ruh ka bynta ka ba-dum, baroh kan shai bha, kumba haba ka sharak ka pynshai ïa me da ka jingtyngshaiñ jong ka.”

Khasi CL Bible (BSI)

³⁶ Lada ka met jong phi baroh kawei ka dap da ka jingshai, khlem kano kano ka bynta jong ka ha kaba dum, kan long kaba phyrnai ha baroh, kum haba ka sharak ka tyngshaiñ ha phi da ka jingphyrnai jong ka.”

LOUKAS 11:36 ပူးပေါင်းရင်းမြစ်များ

PROBERB 1:5

ba u riewstad un ïohsngew, bad ba un roi ha ka jinghikai; bad ba uta uba shemphang un kot sha ki jingpyrkhat ba shongnia:

PROBERB 20:27

Ka mynsiem u briew ka long ka sharak U Trai, kaba ïit ïa ki bynta ba kham shapoh ka kpoh.

PROBERB 6:23

Namar kata ka hukum ka long ka sharak; bad kata ka aiñ ka long ka jingshai; bad ki jingsneng ka jinghikai ki long ka lynti ka jingim:

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

ISAÏAH 8:20

Ïa, sha ka hukum bad sha ka jingphla! Lada kim kren kat kane ka ktien, shisha ka jingmih ka sngi kan ym don ïa ki.

HOSIA 6:3

To ngin ithuh ruh, to ngin nang beh ban ithuh ïa U Trai; ka jingmih jong u ka skhem kum ka step: te un wan ha ngi kum u slap, kum u 'lap khatduh uba ai um ïa ka khyndew.

MATHAÏOS 13:52

U la ong te ha ki, “Namar kata, u nongthoh baroh uba la ïoh hikai ha ka hima ki bneng, u long kum u briew uba u trai ïing, uba sei noh na ka jingkynshew jong u ïa kiei kiei ruh ki bathymmai bad barim.”

MATHAÏOS 5:15

Lymne kim ju thang ïa ka sharak, bad buh ïa ka hapoh ka shang, hynrei, ha ka dieng pynïeng sharak; te ka pynshai ïa baroh kiba ha ka ïing.

LOUKAS 11:35

Namar kata, to sumar ïoh ba kata ka jingshai kaba ha me ka long ka jingdum!

LOUKAS 11:37

Te ynda U la lah kren, uwei u Pharisi u la khot ïa U ba un wan bam ja bad u; te haba U la rung U la shong bam.

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

KOLOSSAI 3:16

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.

HEBRU 5:14

Hynrei, ka jingbam kaba eh ka long ïa ki rangbah, kiba namar ka jingmlien, ki don la ki jingsngewthuh ba la pynmlien ban bishar ïa ka babha ruh bad ïa ka basniew.

JAKOB 1:25

Hynrei, jar uba ïaikhmih thuh sha ka hukum bajanai, kaba ka jong ka jingpynpyllait luid, bad u ïaineh; une, haba um long u nongsngew uba klet noh, hynrei, u nongleh ïa ka kam, un long uba suk ha kata ka jingleh jong u.

2 PETROS 3:18

Hynrei, to phin nang roi ha ka jingaiei bad ka jingtip ïa U Trai bad U Nongpynim jong ngi U Jisu Khrist. Ha u, to yn long ka burom mynta ruh bad haduh ka sngi ka bymjukut: Amen.