LOUKAS 11:34 - KA BAIBL

³⁴ Ka sharak jong ka met ka long ka khmat: namar kata, haba ka khmat jong me ka long kaba sngur, ka met jong me baroh ruh ka shai bha; hynrei, haba ka long kaba jngut, ka met jong me ruh ka dum.

Khasi CL Bible (BSI)

³⁴ Ki khmat jong phi ki long kum ka sharak ïa ka met jong phi. Haba ki khmat jong phi ki bha, ka met jong phi baroh kawei ka dap da ka jingshai; hynrei haba ki khmat jong phi kim bha, ka met jong phi baroh kawei kan long ha ka jingdum.

LOUKAS 11:34 ပူးပေါင်းရင်းမြစ်များ

JENESIS 19:11

Ki la shoh ruh ïa kita ki briew kiba hajan ka jingkhang kata ka ïing da ka jingmatlah, naduh u barit haduh u bakhraw: tad ynda ki da thait ban wad ïa kata ka jingkhang.

SALM 119:18

To pynpeit ïa ki khmat jong nga, ba ngan ïohi ïa kiei kiei kiba phylla na ka aiñ jong me.

SALM 81:12

Kumta, nga la shah ba kin nang leit ha ka jingmutlop ka dohnud jong ki, ba kin ïoh ïaid ha la ki jong ki jingpyrkhat.

PROBERB 21:4

Ka jingkhmih meng, bad ka dohnud kaba sarong, wat ka sharak jong u bymman, ka long pop.

PROBERB 28:22

U briew u basniew ka khmat u beh kyrkieh ïa ka spah, bad um tip ba ka jingkyrduh kan wan lap ïa u.

ISAÏAH 29:10

Namar U Trai u la theh halor jong phi ïa ka mynsiem ka jingïohthiah lyngngai, bad u la pynkhapbrip ïa ki khmat jong phi ki nongïathuhlypa; ïa ki rangbah jong phi ruh ki nongïohi, u la tap.

ISAÏAH 42:19

Uei u bamatlah, hynrei, tang u shakri jong nga? Lane kyllut, kum u nonglam-ktien jong nga uba nga phah? Uei u bamatlah kum uta uba ïasuk bad nga, lane bamatlah kum u shakri jong U Trai?

ISAÏAH 44:18

Kim tip, lymne kim pyrkhat: namar u la tap ïa ki khmat jong ki, ba kim lah ïohi; bad ïa ki dohnud jong ki, ba kim lah sngewthuh.

ISAÏAH 5:20

Kordit ïa kita kiba khot ka babha ïa ka basniew, bad ka basniew ïa ka babha; kiba buh ka ba-dum ïa ka bashai, bad ka bashai ïa ka ba-dum; kiba buh kaba kthang ïa kaba thiang, bad kaba thiang ïa kaba kthang.

ISAÏAH 6:10

Pynkhleiñ ïa ka dohnud une u paidlang, bad to pynkhia ïa ki shkor jong ki, bad to pynkhapbrip ïa ki khmat jong ki; ïoh kin ïohi da la ki khmat, bad ïohsngew da la ki shkor, bad sngewthuh da la ka dohnud, bad kin phai pat, bad yn pynkhiah ïa ki.”

JEREMAÏAH 5:21

‘To sngap ïa kane mynta, A u paidlang u babieit, bad uba khlem jingshemphang; uba don ki khmat, te um ïohi; uba don ki shkor, te um ïohsngew:

MARKOS 4:12

“ ‘Ba ïa kaba ki ïohi kin ïohi, te kin ym ishemphang shuh; bad ïa kaba ki ïohsngew kin ïohsngew, te kin ym sngewthuh shuh; ba ïoh kumta kin kylla, bad yn map ïa ki.’ ”

MARKOS 7:22

kiba tuh, kiba kurup, kiba pynsniew, kaba arsap, kaba nuti, kaba khwan lalot, kaba khmih sniew, kaba krenbeiñ, kaba sngewkhraw, bad kaba leh bieit:

MARKOS 8:18

haba phi don ki khmat, phim ïohi? haba phi don ki shkor ruh, phim ïohsngew? phim kynmaw ruh?

LOUKAS 11:35

Namar kata, to sumar ïoh ba kata ka jingshai kaba ha me ka long ka jingdum!

KI KAM 13:11

Mynta te ha khmih, ka kti U Trai ka long halor jong me, bad men sa matlah, khlem da ïohi ïa ka sngi katto katne por.” Te shisyndon la hap ha u, u lyoh bad ka jingdum; te u la leit kylleng u da wad ïa ki ban btin ïa u na ka kti.

KI KAM 2:46

Ha la ka sngi ruh ki da ïaineh skhem ha kawei ka jingmut ha ka templ; bad haba ki da kdiah kpu ha ka ïing ka ïing, ki la ïabam da ka jingkmen bad da ka jingsngewbeit ka dohnud,

KI KAM 26:18

ban pynpeit ïa ki khmat jong ki, ba kin ïoh phai na ka jingdum sha ka jingshai, bad na ka bor jong u Soitan sha U Blei, ba kin ïoh pdiang kaba map ki pop, bad ka bynta hapdeng kita ïa kiba la pynkhuid da ka jingngeit kaba ha nga.’ ”

2 KORINTH 1:12

Namar ka jingkmen jong ngi ka long kane keiñ, ka jingphla ka jingïatiplem jong ngi, ba ha ka jingkhuid bad ha ka jingsngur bariewblei, ym ha ka jingstad bakynja doh, hynrei, ha ka jingaiei U Blei, ngi la pynïaid ïa lade ha ka pyrthei, bad kham bun eh sha phi.

2 KORINTH 11:3

Hynrei, nga sheptieng ïoh ba kumno kumno ruh kumba uta u bseiñ u la shukor ïa ka Im da ka buit sian bymman jong u, ba kumta, yn pynpyut plak ïa ki jingmut jong phi na kata kaba shi syrtap mynsiem bad kata ka jingsngur kaba ha U Khrist.

2 KORINTH 4:4

ha kiba u blei jong kane ka pyrthei u la pynmatlah noh ïa ki jingmut kita ki bymngeit, khnang ba ka jingshai ka gospel ka burom U Khrist, uba long ka dur U Blei, kan ym tyngshaiñ ha ki.

EPHESOS 1:17

ba U Blei U Jisu Khrist uba U Trai jong ngi, U Kpa ka burom, un ai ha phi ïa U Mynsiem ka jingstad bad ka jingpynpaw ha ka jingtip shaphang jong u;

EPHESOS 6:5

Phi ki shakri, to kohnguh ïa kita kiba long ki kynrad jong phi katba kum ka doh, da ka jingtieng burom bad ka jingkhynñiuh, ha kaba shi syrtap ka dohnud jong phi, kumba ha U Khrist;

KOLOSSAI 3:22

Ki shakri, to kohnguh ha kiei kiei baroh ïa la ki kynrad katba kum ka doh; ym da kaba shakri ha khmat kum kiba pynsngewbha ïa ki briew, hynrei, ha kaba shi syrtap ka dohnud, da kaba sheptieng ïa U Trai.