LOUKAS 11:32 - KA BAIBL

³² Ki nong Ninebeh kin ïaïeng lem ha ka jingbishar bad kane ka pateng bynriew, bad kin pynrem ïa ka; naba ki la kylla-ka-bamut da ka jingïalap u Jonah, bad ha khmih, uba kham khraw ïa u Jonah u don hangne.

Khasi CL Bible (BSI)

³² Ha ka Sngi Bishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki haba ki la ïohsngew ba u Jonah u ïalap; bad nga pynthikna ïa phi ba don uei re uei hangne uba kham khraw ban ïa u Jonah!

LOUKAS 11:32 ပူးပေါင်းရင်းမြစ်များ

JONAH 3:4

Bad u Jonah u la sdang ban rung shapoh ka nongbah shi sngi lynti, bad u la pyrta, bad u la ong, “Sa sawphew sngi, te ïa ka Ninebeh yn pynkyllon.”

JONAH 3:5

Te ki nong Ninebeh ki la ngeit ïa U Blei; bad ki la pynbna ïa ka jingshah jingit, bad ki la phong da ki jaiñ byrni, naduh uba khraw tam jong ki haduh uba rit tam jong ki.

JONAH 4:9

U Blei te u la ong ha u Jonah, “Hato me leh bha ba me bitar namar uta u Kikaïon?” U te u la ong, “Nga leh bha keiñ ba nga bitar jin haduh ka jingïap.”

MATHAÏOS 12:39

U te u da ïathuh u la ong ha ki: “Ka pateng bynriew bymman bad baklim ka ïaiwad ka dak: hynrei, yn ym ai ka dak ha ka, hynrei, tang kata ka dak u Jonah u nongïathuhlypa.

MATHAÏOS 12:41

Ki nong Ninebeh kin ïaïeng lem bad kane ka pateng bynriew ha ka jingbishar, bad kin ïa-pynrem ïa ka: naba ki la ïakylla-ka-bamut da ka jingïalap u Jonah: ha khmih te, hangne uba kham khraw ïa u Jonah.

LOUKAS 11:31

Ka syiem kaba na shathie kan ïamih lem ha ka jingbishar bad ki briew jong kane ka pateng bynriew, bad kan pynrem ïa ki; naba ka la wan na sha ki bakut ka pyrthei, ïa ka ban ïohsngew ïa ka jingstad u Solomon, bad ha khmih, uba kham khraw ïa u Solomon u don hangne.

HEBRU 7:26

Namar U Rangbah lyngdoh uba kum uta u la bit ïa ngi, u bakhuid, uba lui lui, u bym da bit-tngit, uba la kyrpang na ki bapop, bad ïa uba la pynlong kham ha khlieh ïa ki bneng;