LOUKAS 11:24 - KA BAIBL

²⁴ “Haba u mynsiem bymkhuid u la mih noh na u briew, u ïaid ïa ki jaka ryngkhiang, u da wad jaka shongthait; te haba um shem, u ong, ‘Ngan leit phai pat sha la ïing na kaba nga la mih noh.’

Khasi CL Bible (BSI)

²⁴ “Haba u mynsiem bymman u mihnoh na u briew, u leit kylleng ka ri ba-tyrkhong da kaba wad ka jaka ban shongthait. Lada um lah ban shem ïa ka, un ong ha lade, ‘Ngan leit phai pat sha ka ïing jong nga.’

LOUKAS 11:24 ပူးပေါင်းရင်းမြစ်များ

Ka Kitab U Job 1:7

Bad U Trai u la ong ha u Soitan, “Nangno me wan?” U Soitan te u la ïathuh ha U Trai bad u la ong, “Na kaba leit shane bad shawei ha ka khyndew, bad na kaba ïaid sharum shaneng ha ka.”

Ka Kitab U Job 2:2

Bad U Trai u la ong ha u Soitan, “Nangno me la wan?” U Soitan te u la ïathuh ha U Trai, bad u la ong, “Na kaba leit shane bad shawei ha ka khyndew, bad na kaba ïaid sharum shaneng ha ka.”

SALM 63:1

A U Blei, me long U Blei jong nga; dang step ngan wad ïa me; ka mynsiem jong nga ka sliang ïa me, ka doh jong nga ka sngewkynmaw ïa me, ha ka ri baryngkhiang bad bashitom, ha ka bymdon um.

PROBERB 4:16

Naba kin ym thiah noh, lymda ki la leh sniew; bad ka jingïohthiah jong ki ka la duh noh, tad ynda ki la pynkyllon ïano ïano.

ISAÏAH 35:7

U shyiap uba shit phyrnai un long ka pung, bad ka khyndew ka bathrang um kan long ki umpohliew: ha ka jaka shong ki myrsiang, ha kaba ki dem, yn long u phlang lem bad u khah bad u sder.

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

ISAÏAH 48:22

‘Ym don ka jingsuk,’ ” ong U Trai, “ïa u bymman.”

MARKOS 5:10

U la kyrpad ruh ïa U shikatdei, ba un ym phah noh ïa ki na kata ka ri.

MARKOS 9:25

Te haba U Jisu u la ïohi ba u paidbah u ïaphet lang sha U, U la sneng ïa uta u mynsiem bymkhuid, U da ong ha u, “Ko mynsiem bymnangkren bad bakyllut, nga hukum ïa me, ‘To mih noh na u, wat leit bsut shuh ruh ha u.’ ”

LOUKAS 11:25

Haba u la wan te, u shem ïa ka, ba la sar, bad ba la buh beit ïa ki jingbuh.

EPHESOS 2:2

ha kiba phi la ju ïaid mynno mynno katba kum ka rukom jong kane ka pyrthei, katba kum u syiem ka jingsynshar ka suiñ, ka jong kata ka mynsiem keiñ kaba trei mynta ha ki khun ka jingbymkohnguh:

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.