LOUKAS 11:22 - KA BAIBL

²² Hynrei, ynda uba kham khlaiñ ïa u un wan ïaleh ïa u, bad un jop ïa u, u shim noh ïa ka jingkieng atiar jong u baroh ha kaba u la shaniah, bad u ïabynta ïa ki jinglute jong u.

Khasi CL Bible (BSI)

²² Hynrei haba u briew uba kham khlaiñ u tur ïaleh ïa u bad jop ïa u, u kit noh ïa baroh ki tiar ïaleh kiba u trai u la shaniah bad u ïasam ïa kaei kaba u la lute.

LOUKAS 11:22 ပူးပေါင်းရင်းမြစ်များ

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

EKSODOS 15:9

Uta u nongshun u la ong, ‘Ngan sa beh, ngan sa lap, ngan sa pynïabynta ïa ka jinglute: yn sa pynhun ïa ka jingkwah jong nga halor jong ki; ngan sei ïa la ka waitlam, ka kti jong nga kan sa pynjot ïa ki.’

ISAÏAH 27:1

Ha kata ka sngi, U Trai un pynshitom ïa u Lebiathan u 'seiñher wat ïa u Lebiathan u 'seiñ bakdor da la ka waitlam ba-eh bakhraw bad badonbor; un pynïap ruh ïa u ïakjakor uba ha ka duriaw.

ISAÏAH 53:12

Namar kata, ngan ïasam bynta ha u bad ki bakhraw, bad un ïabynta ïa ka jinglute bad ki bakhlaiñ; namar u la theh noh ïa la ka mynsiem haduh kaba ïap, la ñiew ruh ïa u bad ki nongryngkang: pynban u la bah ïa ka pop jong kiba bun, bad u la ïasaid na ka bynta ki nongryngkang.

LOUKAS 11:21

Haba u bakhlaiñ uba la kieng atiar bha u ap phira ïa ka ïingbah jong u, kiei kiei ruh kiba don ki jong u ki don ha ka jingskhem.

LOUKAS 11:23

Jar u bymlong bad nga, u ïaleh ïa nga; bad jar u bymïalum bad nga, u pynsaphred.”

EPHESOS 6:11

To kieng noh ïa ka jingkieng atiar ka jong U Blei baroh, ba phi lah ban ïeng pyrshah ïa ki buit thap u Soitan.

EPHESOS 6:13

Naba kumta, to phin shim ha lade ïa kata ka jingkieng atiar U Blei baroh, ba phi lah ban ïeng ïaleh ha kata ka sngi ka basniew, bad haba la dep ïa kiei kiei baroh ban ïeng skhem.

KOLOSSAI 2:15

bad haba u la lah law noh na lade ïa ki jingsynshar bad ïa ki bor, u la thad rong ïa ki ha kaba paw, u da risa halor jong ki ha ka.

1 ÏOANNIS 3:8

Jar uba ïai-leh ïa ka pop u long na u Soitan; naba uta u Soitan u ju leh pop naduh kaba mynnyngkong. Ïa kane khnang, la pynpaw ïa U Khun U Blei, ba un ïoh pynjot noh ïa ki jingleh jong uta u Soitan.

1 ÏOANNIS 4:4

Ma phi, phi long na U Blei ko khun hep, te phi la jop thiaw ïa kita, naba u long uba kham khraw uba ha phi ban ïa uba ha ka pyrthei.