LOUKAS 11:20 - KA BAIBL

²⁰ Hynrei, lada nga beh noh ïa ki ksuid da ka shynriah'ti U Blei, te kumta ka hima ka jong U Blei ka la wan ha phi.

Khasi CL Bible (BSI)

²⁰ Em, ka long pynban da ka bor ka jong U Blei ba nga beh noh ïa ki ksuid, bad kane ka pynshisha ba ka Hima jong U Blei ka la da wan ha phi.

LOUKAS 11:20 ပူးပေါင်းရင်းမြစ်များ

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

MATHAÏOS 12:28

Hynrei, lada nga beh noh ïa ki ksuid da U Mynsiem U Blei, kumta te, ka hima U Blei ka la wan shisyndon ha phi.

MATHAÏOS 3:2

u da ong, “To kylla-ka-bamut; naba ka hima ki bneng ka la jan.”

MATHAÏOS 4:24

Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

LOUKAS 10:11

‘Wat ïa ka 'dewmet kaba la snoh ha ngi na ka shnong jong phi, ngi shu ñiad noh sha phi pat; la kumta to tip ïa kane, ba ka hima U Blei ka la wan hajan.’

LOUKAS 10:9

te phin pynkhiah ïa ki bapang kiba don hangta, bad to ong ha ki, ‘Ka hima U Blei ka la wan hajan jong phi.’

LOUKAS 11:21

Haba u bakhlaiñ uba la kieng atiar bha u ap phira ïa ka ïingbah jong u, kiei kiei ruh kiba don ki jong u ki don ha ka jingskhem.

KI KAM 20:25

Mynta ruh, ha khmih nga tip ba phi baroh, hapdeng kiba nga la leit kylleng da kaba ïalap ïa kata ka hima, phin ym ïohi shuh ïa ka khmat jong nga.

2 THESSALONI 1:5

kaba long ka dak shynna ïa ka jingbishar bahok U Blei; khnang ïa ka ban ñiew ïa phi, kiba bit ïa ka hima U Blei, na ka bynta kaba phi shah ruh;