LOUKAS 11:13 - KA BAIBL

¹³ Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa U Mynsiem Bakhuid ha kita kiba pan na u?”

Khasi CL Bible (BSI)

¹³ Kiba sniew kumba phi long, phi tip kumno ban ai kiei kiei kiba bha ïa ki khun jong phi. Katno tam, te, ba U Kpa ba ha bneng un ai ïa U Mynsiem Bakhuid ha kito kiba pan na u!”

LOUKAS 11:13 ပူးပေါင်းရင်းမြစ်များ

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

SALM 51:5

Ha khmih, la thaw dur ïa nga ha ka jingbymhok; bad ha ka pop ka kmie jong nga ka la pun ïa nga.

PROBERB 1:23

To phai phi ha ka jingsneng jong nga: ha khmih, ngan theh noh ïa ka mynsiem jong nga: ha phi, ngan pyntip ha phi ïa ki ktien jong nga.

ISAÏAH 49:15

“Hato ka briew ka lah ban klet ïa la i khun ba dang buiñ, ba kan ym isynei ïa i khun ka kpoh jong ka? Shisha, kine ki lah ban klet, pynban nga, ngan ym klet ïa pha.

ESEKIEL 36:27

Bad ngan buh ïa U Mynsiem jong nga hapoh jong phi, bad ngan pynïaid ïa phi ha ki aiñ jong nga, te phin rakhe ïa ki jingbishar jong nga bad phin leh ruh ïa ki.

JOEL 2:28

“Te kan jia hadien kata, ba ngan theh buk ïa la U Mynsiem halor ka doh baroh; bad ki khun shynrang bad ki khun kynthei jong phi kin ïathuhlypa, ki tymmen jong phi kin phohsniew ki jingphohsniew, ki samla jong phi kin ïohi ïa ki jingithuhpaw:

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 5:45

ba phin ïoh long ki khun U Kpa jong phi uba ha bneng: naba u pynmih ïa ka sngi jong u ha ki basniew bad ha ki babha, u phah ruh ïa u slap ha ki bahok bad ha ki bymhok.

MATHAÏOS 6:14

“Naba lada phi map ïa ki briew ïa ki ryngkang jong ki, U Kpa jong phi uba ha bneng un map ruh ïa phi:

MATHAÏOS 6:30

Lada U Blei te u pynkup kumta ïa u 'hur ryngkew, uba mynta u long, lashai te la bred ha ka lawar ding, kaba katno tam ïa phi, A phi kiba rit ka jingngeit!

MATHAÏOS 6:32

naba ïa kita kiei kiei baroh, ki Jentil ki ïawad; naba U Kpa jong phi uba ha bneng u tip ba phi donkam ïa kine kiei kiei baroh.

MATHAÏOS 7:11

Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa kiei kiei ruh ki babha ha kita kiba pan na u?

LOUKAS 11:12

Ne lada un pan ïa ka pylleng, hato un ai noh da ka 'ñianglartham ha u?

LOUKAS 11:2

U la ong te ha ki, “Haba phi duwai, to ong: “Ko Kpa jong ngi uba ha bneng, long bakhuid ka kyrteng jong me: wan ka hima jong me: long ka mon jong me ha ka khyndew ruh, kumba ha bneng.

LOUKAS 18:7

U Blei te un ym bishar hok ïa kita kiba la jied jong u, kiba lynñiar kyrpad ïa u mynsngi bad mynmiet, bad u shah slem na ka bynta jong ki?

ÏOANNIS 4:10

U Jisu u la ïathuh bad u la ong ha ka, “Lada pha la ithuh ïa ka jingaiei ka jong U Blei, bad uei u long uta uba ong ha pha, ‘To ai ha nga ban dih’, pha hi phan da la pan na u keiñ, u te un da la ai ha pha ïa ka um kaba im.”

KI KAM 2:38

Te u Petros u la ïathuh ha ki, “To phin kylla-ka-bamut, bad yn pynbaptis ïa phi uwei pa uwei ha ka kyrteng U Jisu Khrist, ïa ka ban ïohmap ki pop; bad phin ïoh diang ïa ka jingai U Mynsiem Bakhuid.

Ka Shithi U Paul Sha Ki Nong Rom 5:17

Namar, lada da kata ka jingryngkang ka jong uta uwei, kata ka jingïap ka la synshar da uta uwei; da kham tam shibun keiñ, kita kiba pdiang ïa ka jingkynrei ka jong kata ka jingaiei, bad ka jong kata ka jingai ka jong ka hok, kin ïoh synshar ha ka jingim da uta uwei, uba U Jisu Khrist.

Ka Shithi U Paul Sha Ki Nong Rom 7:18

Namar nga tip ba ha nga, kata, ha ka doh jong nga, kam shong sah ei ei ka babha; namar ïa ka ban mon shisha, ka don eh ha nga; hynrei, ïa ka ban leh ïa kata ka babha, kam don.

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?

TITOS 3:3

Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok.