LOUKAS 10:42 - KA BAIBL

⁴² hynrei, tang kawei kaba donkam eh; ka Mari te ka la jied ïa kata ka bynta ka babha, ïa kaba yn ym rong noh na ka.”

Khasi CL Bible (BSI)

⁴² hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

LOUKAS 10:42 ပူးပေါင်းရင်းမြစ်များ

SALM 119:111

Ïa ki jingphla jong me nga la shim kum ka jingïoh kynti jong nga junom; naba ki long ka jingshadkmen ka dohnud jong nga.

SALM 119:173

Ai ba ka kti jong me kan long kaba kloi ban ïarap ïa nga; naba nga la jied ïa ki hukum jong me.

SALM 119:30

Nga la jied ïa ka lynti ka jingshisha: nga la buh ha khmat jong nga ïa ki jingbishar jong me.

SALM 142:5

Nga la kyang ha me, A Trai; nga la ong, “Me, me long ka jaka rieh jong nga, ka bynta jong nga ha ka ri kiba im.”

SALM 17:15

Nga te, ngan ïoh khmih ïa ka khmat jong me ha ka hok: yn pynhun ïa nga, ynda nga la peit, da ka dur jong me.

SALM 27:4

Ïa kane kawei nga la kyrpad na U Trai, ïa kata ngan ïawad; ba ngan ïoh shong ha ka ïing U Trai baroh ki sngi ka rta jong nga, ïa ka ban khmih ïa ka jingitynnad U Trai, bad ban ïakylli ha ka templ jong u.

SALM 73:25

Nga don ïano ha bneng hynrei, tang ma me? Bad ym don ha ka khyndew uba nga kwah nalor jong me.

EKLESIASTIS 12:13

Kane ka long ka jingkyllum; ïa baroh la ïohsngew: sheptieng ïa U Blei, bad sumar ïa ki hukum jong u; namar kane baroh ka long ka kamram u briew.

MARKOS 8:36

Naba u briew un myntoi aïu, lada un ïoh ïa ka pyrthei baroh, bad un duh noh ïa la ka mynsiem?

LOUKAS 10:39

Ka la don ruh ka para kaba kyrteng “ka Mari”, kaba la shong ruh ha ki kjat U Trai, bad kaba la shahshkor ïa ka ktien jong u.

LOUKAS 11:1

Ka la jia ruh, haba U dang duwai ha kawei ka jaka, ba ynda U la wai noh, uwei na ki synran jong U, u la ong ha U, “Ko Trai, to hikai ïa ngi ban duwai, kumba u Ïoannis ruh u la hikai ïa ki synran jong u.”

LOUKAS 12:20

Hynrei, U Blei u la ong ha u, ‘A me u babieit, ha kane ka miet yn pan noh ïa ka mynsiem jong me na me; ki jongno te kin long kita kiei kiei ïa kiba me la khreh lypa?’

LOUKAS 12:33

To die noh ïa kiei kiei ki jong phi, to ai jingai isynei ruh; to thaw ïa lade ki jingpan ki ban ym man rim, ka jingkynshew keiñ ha ki bneng ka ban ym lut noh, sha kaba u nongtuh um wan hajan, lymne ka khñiang kam pynjot.

LOUKAS 16:2

Te u la khot ïa u, bad u la ong ha u, ‘Kaei kane ba nga ïohsngew shaphang jong me? To ai jingkheiñ ïa ka kam sordar jong me; naba mem lah shuh ban long sordar.’

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

LOUKAS 18:22

U Jisu te haba U la ïohsngew ïa kine kiei kiei ruh, U la ong ha u, “Sa kawei me dang duna. To die noh ïa kiei kiei baroh katba me don, to sam ruh ha ki baduk, te men ïoh ka jingkynshew keiñ ha bneng; bad to wan bud ïa nga.”

LOUKAS 8:18

To sumar, namar kata, kumno phi sngew; naba jar uba don, ha uta yn ai: uta u bymdon te, wat ïa kata kaba u mut ba u don, yn shim noh na u.”

ÏOANNIS 11:1

La don te uwei uba la pang, u Lasaros na Bethania, na ka shnong jong ka Mari bad ka Martha ka para jong ka.

ÏOANNIS 11:19

te shibun na ki Jiw ki la lah poi ha ka Martha bad ka Mari, ïa ka ban pyntngen ïa ki shaphang uta u para jong ki.

ÏOANNIS 12:3

Ynda kumta, ka Mari haba ka la shim shiteng ser ka jingsleh ka basngur ka bakordor eh ruh, ka la pynsleh ïa ki kjat jong U Jisu, bad ka la ñiad ïa ki kjat jong U da u 'ñiuh khlieh jong ka: te la pyndap ïa ka ïing da ka jingiwbih jong kata ka jingsleh.

ÏOANNIS 17:3

Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

ÏOANNIS 4:14

hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

ÏOANNIS 5:24

Shisha, shisha nga ong ha phi, ba uta uba ïohsngew ïa ka ktien jong nga, bad uba ngeit ha uta uba la phah ïa nga, u don ka jingim bymjukut; bad un ym wanhap sha ka jingpynrem, hynrei, u la lait shiliang na ka jingïap sha ka jingim.

ÏOANNIS 6:27

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

1 KORINTH 13:3

Bad la nga sam ïa kiei kiei baroh kat kiba don ki jong nga ban bsa ïa ki baduk, bad la nga aiti ïa la ka met ban thang, haba ngam don ka jingieit, ngam myntoi ei ei ruh em.

GALATIA 5:6

Namar ha U Khrist Jisu, ka jingotsher kam lah leh ei ei ruh, lymne ka jingbym-otsher, hynrei, ka jingngeit kaba trei da ka jingieit.

DEUTERONOMI 30:19

Nga pynsmai da ka bneng bad ka khyndew ha kane ka sngi, ban sakhi pyrshah ïa phi, ba nga la buh ha khmat jong phi, ïa ka jingim bad ïa ka jingïap, ïa ka jingkyrkhu bad ïa ka jingtim: namar kata, to jied ïa ka jingim, khnang ban ïoh im, ma me bad u symbai jong me:

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

JOSHUA 24:22

Te u Joshua u la ong ha uta u paidbah, “Phi long ki sakhi pyrshah ïa lade ba phi la jied ha lade ïa U Trai, ban shakri ïa u.” Te ki la ong, “Ngi long ki sakhi.”