LOUKAS 10:4 - KA BAIBL

⁴ Wat rah ïa u 'saipan, lymne ïa ka ïarong, lymne ïa ki juti; bad wat khublei ïano ïano ruh ha kata ka lynti.

Khasi CL Bible (BSI)

⁴ Wat rah ïa ka pla pisa lane ïa ka pla khrong lane ïa ki juti; wat sangeh ban khublei ïano ïano ha ka lynti.

LOUKAS 10:4 ပူးပေါင်းရင်းမြစ်များ

JENESIS 24:33

Bad u la buh ei ei ruh ha khmat jong u ban bam: te uta u briew u la ong, “Ngan ym bam keiñ, tad ynda nga la ïathuh ïa ki ktien ba nga donkam ban kren.” U te u la ong, “To da ïathuh noh.”

JENESIS 24:56

Hynrei, u la ïathuh ha ki, “Wat khang ïa nga mynta haba ïohi ba U Trai u la pynpoi bha ïa ka jingleit jong nga; to pyllait ïa nga keiñ ba ngan ïoh leit phai pat sha u kynrad jong nga.”

2 SYIEM 4:24

Ynda kumta, ka la teh jin ïa ka kadda, bad ka la ong ha la u shakri, “To da nang pynmareh, bad nang leit; wat pyntud ïa ka jingleit, lymda nga hukum ïa me.”

2 SYIEM 4:29

Ynda kumta, u la ong ha u Gehasi, “To panpoh ïa ka syngkai, bad to rah ïa u diengduh jong nga ha la ka kti, bad leit noh: lada me ïashem badno badno, wat ïakhublei ïa u; bad lada uno uno u khublei ïa me, wat phai ktien ïa u: bad to buh ïa u diengduh jong nga halor ka khmat uta u khynnah.”

PROBERB 4:25

To ki khmat jong me kin khmih sha ba-beit, bad ki irmat jong me to kin khmih beit sha shuwa jong me.

MARKOS 6:7

U la khot ruh ha u ïa ki khat-ar ngut, bad u la sdang ban phah ïa ki ar ar; bad u la ai bor ha ki halor ki mynsiem bymkhuid;

LOUKAS 22:35

Ynda kumta, u la ong ha ki, “Mynba nga la phah noh ïa phi khlem ka jingpan, bad ka ïarong, bad ki juti, phi la sngewkyrduh ei ei ruh ne em?” Ki te ki la ïathuh, “Ei ei ruh em.”

1 SAMUEL 21:8

Te u Dabid u la ong ha u Ahimelekh, “Don ne em hangne ha ka kti jong me u sum lane ka waitlam? namar ngam shym wallam bad nga lymne ïa la ka waitlam lymne ïa la ki atiar, naba ka kam u syiem ka kyrkieh eh.”