LOUKAS 10:34 - KA BAIBL

³⁴ bad u la wan ha u bad u la spaiñ ïa ki jingjngem snam jong u, u da theh ha ki, ïa ka umphniang bad ka Waiñ; te u la buh ïa u halor u mrad jong u hi, bad u la wallam ïa u sha ka ïingbasa, bad u la sumar ïa u.

Khasi CL Bible (BSI)

³⁴ U la leit sha u, u la theh umphniang bad ka waiñ ha ki jingmong jong u bad u la spaiñ ïa ki; nangta u la buh ïa uta u briew halor u jingri jong u bad u la ïalam ïa u sha ka ïingbasa, ha kaba u la sumar ïa u.

LOUKAS 10:34 ပူးပေါင်းရင်းမြစ်များ

JENESIS 42:27

Bad uwei u la plie ïa la ka byrni ban sa ai jingbam ïa la ka kadda ha ka ïingbasa, bad u la ïohi ïa la ki sbai; namar ha khmih, ki la don ha ka shyntur ka byrni jong u.

SALM 147:3

U shna ïa kiba la pait dohnud, bad u spaiñ ïa ki jingmong jong ki.

EKSODOS 4:24

Ka la jia te ha lynti ha ka ïingbasa, ba U Trai u la ïashem bad u, bad U la thew ban pynïap noh ïa u.

MARKOS 14:8

Kane katba ka lah ka la leh, ka la thew lypa ban pynsleh ïa ka met jong nga ïa ka ban tep.

LOUKAS 10:33

Hynrei, uwei u kynja Samaria, katba u dang leit jingleit, u la poi haduh ha u; te haba u la ïohi ïa u, u la sngewsynei;

LOUKAS 10:35

Te haba kaba lashai, haba un sa leit noh, u la sei noh ar tyngka bad u la ai ha u trai ïingbasa bad u la ong ha u, ‘To sumar ïa u; bad kaei kaei ruh ba men pynlut tam, nga, ynda nga wan phai pat, ngan siew pat ïa me.’

LOUKAS 2:7

Te ka la kha ïa u khun u banyngkong jong ka, bad ka la sop ïa u da ki jaiñsop, bad ka la pynthiah ïa u ha ka shyngoid; naba ym don jaka ïa ki ha ka ïingbasa.

Ka Shithi U Paul Sha Ki Nong Rom 12:20

“Hynrei, lada u nongshun jong me u thngan, men bsa ïa u, lada u sliang, men ai dih ïa u; namar da kaba leh kumta, men kynton ïa ki rnga ding barhem halor ka khlieh jong u.”

1 THESSALONI 5:15

To khmih ba uno uno ruh un ym leh kylliang ïa ka basniew namar ka basniew hano hano ruh; hynrei, ha la ka sngi keiñ to ïabeh brai ïa kata ka babha, sha la ki paralok hi, bad sha ki briew baroh.