LOUKAS 10:31 - KA BAIBL

³¹ Te uwei u lyngdoh, da kaba jia ryngkhat u la wan hiar na kata ka lynti; bad haba u la ïohi ïa u, u la ïaid kiar noh sharud lynti.

Khasi CL Bible (BSI)

³¹ Ka la jia ryngkhat ba u lyngdoh u la leit hiar na kata ka lynti; hynrei haba u la ïohi ïa uta u briew, u la ïaid lait na kawei ka liang.

LOUKAS 10:31 ပူးပေါင်းရင်းမြစ်များ

2 SAMUEL 1:6

Te uta u samla uba ïathuh ha u, u la ong, “Ka la jia ba nga don ha u lum Gilboa, te ha khmih, u Saul u la shaniah ha la u sum; ha khmih ruh, ki kali ïapom bad ki nongshong kulai ki ïabeh eh nadien jong u.

SALM 142:4

To khmih sha kamon jong nga, bad to i; naba ym don uba ithuh ïa nga: ka jaka rieh ïa nga ka la duh noh; ym don uba khmih ïa ka mynsiem jong nga.

SALM 69:20

Ka jingkrenbeiñ ka la pynpait ïa ka dohnud jong nga; bad nga dap da ka jingsngewkhia: te nga la khmih lynti ïano ïano ban isynei, hynrei, ym don satia; bad ïa ki nongpyntngen, hynrei, ngam shem shuh.

PROBERB 21:13

Jar uba set ïa la ki shkor na ka jinglynñiar jong u baduk, u ruh un lynñiar, hynrei, yn ym sngap ïa u.

EKLESIASTIS 9:11

Nga la phai, bad nga la ïohi hapoh ka sngi, ba ka jingïaphet thong kam dei ïa uba stet, lymne ka jingïaleh thma ïa u bakhlaiñ, lymne pat u kpu ïa u bastad, lymne pat ki spah ki phew ïa ki briew ki bashemphang, lymne pat ka jingsngewbha ïa ki briew kiba don buit; hynrei, ka por bad ka bok ka jia ha ki baroh.

ISAÏAH 58:7

Hato kam long kaba sam ïa u kpu jong me ha ki bathngan, bad ba men wallam sha la ïing ïa ki baduk ba la kyntait noh? Haba me ïohi ïa u balyngkhuit, ba men pynkup ïa u; bad ba mem buhrieh ïa lade na la ka doh ka snam?

JEREMAÏAH 5:31

ki nongïathuhlypa ki ïathuhlypa lamler, bad ki lyngdoh ki synshar da la ka buit; bad u paidbah jong nga u sngewbha ba ka long kumta: te phin leh kumno ha ka jingkut jong ka?

HOSIA 5:1

“To sngew ïa kane, phi ki lyngdoh, bad to sngap, phi ka ïing Israel, bad to shahshkor, ko ïing u syiem, namar ha phi long ka jingbishar; namar phi la long ka jingriam ha Mispah, bad ka jar ba la phriang halor u Tabor.

HOSIA 6:9

Bad kumba ki paid nongtuh ki ap thap ïa u briew, kumta ruh ka kynhun ki lyngdoh ka shoh noh ha lynti sha Shekhem: shisha keiñ, ki la leh awria.

MALAKHI 1:10

“A ban da don uwei hapdeng jong phi u ban khang ïa ki jingkhang, ba phin ym lah ban sliew ding thala ha ka duwan jong nga! Ngam don jingsngewbha shuh ha phi,” ong U Trai ki paid, “lymne ngan ym pdiang ïa ka jingainguh na ka kti jong phi.

LOUKAS 10:30

U Jisu u la ïathuh bad U la ong, “Don uwei u briew uba la leit hiar na Jerusalem sha Jerikho; bad u la hap hapdeng ki nongtuh, kiba, haba ki la pynlyngkhuit ïa u, bad ba ki la shoh ïa u, ki la leit noh, ki da iehnoh ïa u, kum u baïap.

LOUKAS 10:32

Kumjuh ruh de, uwei u jaid Lebi, haba u la poi sha kata ka jaka, bad haba u la ïohi ïa u, u la ïaid kiar noh sharud lynti.

RUTH 2:3

Te ka la leit, ka la wan ruh bad ka la tam Kew ha ka lyngkha nadien ki nongot: te ka la jia ryngkhat ba kata ka bynta na ka lyngkha ka la dei ka jong u Boas, uba na ka ïing u Elimelekh.