LOUKAS 10:21 - KA BAIBL

²¹ Ha kata hi ka por, U Jisu u la shadkmen ha U Mynsiem Bakhuid, bad u la ong, “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad na ki bashemphang, bad ba me la pynpaw ïa ki ha ki khunlung; shisha, ko Kpa, naba kumta ka la ibit ha khmat jong me.

Khasi CL Bible (BSI)

²¹ Ha kata ka por la pyndap ïa U Jisu da ka jingkmen da U Mynsiem Bakhuid bad u la ong, “Ko Kpa, U Trai jong ka bneng bad ka pyrthei! Nga ainguh ïa me namar ba me la pyn-i ha ki bymnang bymstad ïa kaei kaba me la buhrieh na kiba stad bad kiba shemphang. Ho-oid, ko Kpa, kane ka la long kumno me la kwah ïa ka ba kan jia.

LOUKAS 10:21 ပူးပေါင်းရင်းမြစ်များ

SALM 24:1

Ka khyndew ka long ka jong U Trai, bad ka jingdap jong ka; ka pyrthei, bad kiba shong ha ka.

SALM 25:14

Ka jingmut barieh jong U Trai ka don bad kita kiba sheptieng ïa u; bad un pynbna ha ki, ïa la ka jutang.

SALM 8:2

Na ka shyntur ki khunlung bad kiba dang buiñ me la pynskhem ïa ka bor, namar ki nongïaleh ïa me, khnang ba men pynjar jar ïa u nongshun bad ïa u nongpynhiar kput.

ISAÏAH 29:14

namar kata, ha khmih, ngan leh pat ïa ka kam phylla hapdeng une u paidlang, ka kam phylla keiñ bad ka dak khyllah: te ka jingstad jong ki bastad jong ki kan duh noh, ïa ka jingshemphang jong ki basian jong ki ruh yn buhrieh noh.”

ISAÏAH 35:8

Te ka lynti bah kan long hangta, bad ka lynti, yn khot ïa ka ruh “Ka lynti ka jingkhuid;” kiba tngit kin ym ïaid halor jong ka; hynrei, kan long ïa kito: ki nongleit jingleit, shisha keiñ ki babieit, kin ym bakla ha ka.

ISAÏAH 53:11

Un ïohi ïa ka jingtrei shitom ka mynsiem jong u, bad yn pynhun: da la ka jingtip u shakri bahok jong nga un pynksan ïa ki babun: bad u un bah ïa ki jingbymhok jong ki.

ISAÏAH 62:5

Namar kumba u samla u shongkurim ïa ka theisotti, kumta ruh ki khun shynrang jong pha kin shongkurim ïa pha: bad kumba u nongleit-kurim u shadkmen ha ka nongleit-kurim, kumta ruh U Blei jong pha un shadkmen ha pha.

ISAÏAH 66:1

Kumne u ong U Trai, “Ka bneng ka long ka khet jong nga, bad ka khyndew ka jingïuh kjat jong nga: kaba kumno ka ïing phin tei ïa nga? Bad kaba kumno ka jaka ka jingshongthait jong nga?

SEPHANAÏAH 3:17

U Trai U Blei jong pha u don hapdeng jong pha u bakhrawbor u ban pynim: un leh kmen halor jong pha da ka jingkmen, un shongthait ha la ka jingieit, un leh kmen halor jong pha da ka jingrwai.

MATHAÏOS 16:17

U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

MATHAÏOS 21:16

bad ki la ong ha u, “Me ïohsngew aïu kine ki ïa-ong?” U Jisu te u la ong ha ki, “Ho-oid, phim pat ju pule, “ ‘Na ka shyntur ki khunlung bad kiba dang buiñ me la pynjanai ïa ka jingïaroh?’ ”

MATHAÏOS 3:7

Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap?

MARKOS 10:15

Shisha nga ong ha phi, uno uno ruh u ban ym pdiang ïa ka hima U Blei kum u khun khynnah, un ym leit bsut hapoh kata.”

LOUKAS 15:5

Te haba u la shem ïa ka, u buh ïa ka halor ki tyrpeng jong u da kaba sngewkmen.

LOUKAS 15:9

Te haba ka la shem, ka khot lang ïa la ki lok bad la ki paramarjan, ka da ong, ‘To ïakmen lem bad nga, naba nga la shem ïa kata ka suka kaba nga la lah jah noh.’

ÏOANNIS 11:41

Ynda kumta, ki la ïakhyllie noh ïa uta u mawkhang, uba la don ha kaba la buh ïa uta uba la ïap. U Jisu te u la khmied la ki khmat, bad u la ong, “Ko Kpa, nga nguh ïa me ba me ju sngew ïa nga.

2 KORINTH 4:3

Hynrei, lada ka long te ba la kah ïa ka gospel jong ngi, ka long ba la kah ha kita kiba jot;

EPHESOS 1:11

Ha uta, ha uba la pynlong ïa ngi ruh ka bynta, ba la lah thung lypa ïa ngi katba kum ka jingthmu jong uta uba trei ïa kiei kiei baroh katba kum ka jingpyrkhat ka mon jong u;

EPHESOS 1:5

haba u la lah thung lypa ïa ngi sha ka jingtingkhun da U Jisu Khrist sha lade hi, katba kum ka jingsngewbha ka mon jong u,