LOUKAS 10:2 - KA BAIBL

² Bad u la ong ha ki, “Ka jingot ka bun shisha, hynrei, ki nongtrei ki khyndiat; namar kata, to ïakyrpad phi ïa U Trai kata ka jingot, ba un phah noh ïa ki nongtrei sha ka jingot jong u.

Khasi CL Bible (BSI)

² U la ong ha ki, “Ka don ka jingot bakhraw, hynrei tang khyndiat ngut ki nongtrei ban ïalum ïa ka. To kyrpad ïa u trai jong ka jingot ba un phah ïa ki nongtrei ban lumlang ha ka jingot jong u.

LOUKAS 10:2 ပူးပေါင်းရင်းမြစ်များ

1 SYIEM 18:22

Ynda kumta te, u Elijah u la ong ha uta u paidbah, “Ma nga, tang marwei hi, nga dang sah u nongïathuhlypa jong U Trai, hynrei, ki nongïathuhlypa u Baal ki long sawspah sanphew ngut.

SALM 68:11

U Trai u ai ïa kata ka ktien: ki kynthei kiba pynbna ïa ki khubor ki la long u paidbah bakhraw.

JEREMAÏAH 3:15

“ ‘Bad ngan ai ïa phi ki nongaplangbrot kiba kat kum ka dohnud jong nga, ki ban bsa ïa phi da ka jingtip bad ka jingshemphang.

SEKHARAÏAH 11:17

“Kordit ïa uta u nongsharai uba thala uba iehnoh noh ïa ka kynhun! ka waitlam kan long ha ka ksang'ti kamon jong u, bad ha ka khmat kamon jong u: ka ksang'ti jong u kan tyrkhong khait, bad ka khmat kamon jong u kan dum tiaw.”

SEKHARAÏAH 11:5

kiba ki trai jong ki, ki pynïap ïa ki, te kim ñiew pop ïa lade; bad kita kiba die noh ïa ki, ki ong, ‘Long ba la kyrkhu ïa U Trai, namar nga la riewspah’: bad ki nongsharai jong ki hi kim isynei ïa ki.

JINGKHEIÑ 11:17

Naba ngan wan hiar, bad ngan kren ha me hangta: bad ngan shim na kata ka mynsiem kaba don ha me, bad ngan buh ïa ka ha ki: kumta kin ïabah lem bad me, ïa ka jingkit jong kine ki briew, ba men ym bah marwei ïa ka.

JINGKHEIÑ 11:29

U Moses te u la ong ha u, “Me sngewpihuiñ na ka bynta jong nga? A ban da ki briew baroh ki jong U Trai kin long ki nongïathuhlypa, bad ba U Trai un buh ïa U Mynsiem jong u halor jong ki!”

MATHAÏOS 20:1

“Naba ka hima ki bneng ka long kum u briew uba u trai ïing, uba la leit la dang step ban wer ki nongtrei sha ka brisoh jong u.

MARKOS 13:34

Namar U Khun u briew, u long kum u briew uba leit jingleit sha kawei pat ka ri; uba la iehnoh ïa la ka ïing, bad uba la ai ha la ki shakri ka bor, ha uwei uwei ruh ka kam la ka jong ka jong, bad uba la hukum ruh ïa u nongap jingkhang ban sharai.

MARKOS 16:15

U la ong ruh ha ki, “To leit sha ka pyrthei baroh, bad to ïalap ïa ka gospel ha ki bynriew baroh;

MARKOS 16:20

Ki te haba ki la mih noh, ki la ïalap kylleng sawdong, U Trai ruh U da trei lem, bad U da pynskhem ïa kata ka ktien da ki dak kiba bud. Amen.

LOUKAS 9:1

Te u la khot lang ïa ki khat-ar ngut, bad u la ai ha ki ka bor bad ka iktiar halor ki ksuid baroh, bad ïa ka ban pynkhiah ïa ki jingpang.

KI KAM 11:19

Kita te ïa kiba la pynsakma kylleng namar kata ka jingjynjar kaba la mih hadien u Stephan, ki la leit poi haduh Phoiniki, bad Kypros, bad Antiok de, ki da ïalap ïa kata ka ktien hano hano ruh em, hynrei, tang ha ki Jiw hi.

KI KAM 13:2

Te katba ki la shakri ïa U Trai, bad ba ki la shah jingit, U Mynsiem Bakhuid u la ong, “To pynkyrpang ha nga ïa u Barnabas bad ïa u Saul sha kata ka kam sha kaba nga la khot ïa ki.”

KI KAM 13:4

Ki te haba la phah noh ïa ki da U Mynsiem Bakhuid, ki la ïaleit hiar sha Selukia, bad nangta ki la ïaleit da ka lieng sha Kypros.

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

KI KAM 22:21

U la ong te ha nga, ‘To khie leit noh; naba nga ngan phah noh ïa me jngai nangne sha ki Jentil.’ ”

KI KAM 8:4

Namar kata, kita ïa kiba la pynsakma, ki la leit kylleng kylleng, ki da ïalap ïa kata ka ktien.

1 KORINTH 12:28

Te don kiba U Blei u la thung ha ka balang: ka banyngkong ki apostol, ka ba-ar ki nongïathuhlypa, ka balai ki nonghikai, ynda kumta, kiba leh ïa ki kambah, hadien kata, ki jingaibor ban pynkhiah, ki nongïarap, kiba synshar bad kiba bun jaid ki thylliej.

1 KORINTH 15:10

Hynrei, da ka jingaiei U Blei nga long kane kaba nga long: bad kata ka jingaiei jong u kaba la ai ha nga, kam shym la long lehnohei keiñ; hynrei, nga la trei minot kham tam shikatdei ban ïa ki baroh: te pynban ym ma nga, hynrei, kata ka jingaiei U Blei keiñ, kaba la don lem bad nga.

2 KORINTH 6:1

Ngi te, kum ki para baïatrei lem bad U, ngi ïakyrpad ba phin ym pdiang lehnohei ïa ka jingaiei U Blei;

PHILIPPI 2:21

Namar ki baroh ki ïawad ïa la ki jong, ym ïa kiei kiei ki jong U Jisu Khrist.

PHILIPPI 2:25

Hynrei, nga la mut ba donkam ban phah noh sha phi ïa u Epaphroditos, u parabangeit bad u para baïatrei lem bad u para shipai jong nga, bad u nongkit-ktien jong phi bad u nongpyndap ïa ka jingkyrduh jong nga.

PHILIPPI 2:30

naba na ka bynta ka kam U Khrist, u la poi hajan ka jingïap, haba u la kheiñduh ïa la ka jingim ba un ïoh pyndap noh ïa kata ka jingduna ka jinglehbha jong phi ïa nga.

KOLOSSAI 1:29

sha kaba nga trei minot ruh, da kaba pyneh katba kum kata ka jingtrei jong u, kaba trei borbah ha nga.

KOLOSSAI 4:12

U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh.

1 THESSALONI 2:9

Namar phi ïakynmaw, ko parabangeit, ïa kata ka jingtrei minot bad ka jingshitom jong ngi: ba da kaba trei jingtrei mynmiet bad mynsngi, khnang ba ngin ym ban khia ïano ïano ruh na phi, ngi la ïalap ha phi ïa ka gospel U Blei.

1 THESSALONI 5:12

Hynrei, ngi kyrpad ïa phi, ko parabangeit, ban ithuh ïa kita kiba trei hapdeng jong phi, bad kiba long halor jong phi ha U Trai, bad kiba sneng ïa phi;

2 THESSALONI 3:1

Ha kaba wai noh, ko parabangeit, to phin duwai na ka bynta jong ngi, ba ka ktien U Trai kan ïoh ïaid stet bad ba kan ïoh burom, kumba ka long ruh bad phi;

1 TIMOTHI 4:10

Namar na ka bynta kane, ngi trei bad ngi ïaleh, naba ngi la buh ïa la ka jingkyrmen ha U Blei u ba-im, uba long U Nongpynim ïa ki briew baroh, kham tam ïa kita kiba ngeit.

2 TIMOTHI 4:5

Hynrei, ma me, to sharai ha kiei kiei baroh, to shah shitom, to leh ïa ka kam u nongïathuhkhana, to pyndep ïa kata ka kam jong me.

PHILEMON 1:1

U Paul, u nongsah byndi U Khrist Jisu, bad u Timothi u para jong ngi, Ha u Philemon u hep ba-ieit bad u para baïatrei lem jong ngi,

HEBRU 3:6

hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.

JINGPYNPAW 2:1

“Ha uta u angel jong ka balang ha Ephesos to thoh: Ïa kine kiei kiei ruh u ong uta uba bat ïa kita ki hynñiew ki khlur ha ka kti kamon jong u, uta uba ïaid hapdeng kita ki hynñiew ki dieng pynïeng sharak ksiar: