LOUKAS 10:16 - KA BAIBL

¹⁶ “Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

Khasi CL Bible (BSI)

¹⁶ U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

LOUKAS 10:16 ပူးပေါင်းရင်းမြစ်များ

EKSODOS 16:7

Bad ha kaba mynstep, phin ïohi ïa ka burom U Trai; naba u la ïohsngew ïa ka jingkhñium jong phi ïa U Trai: ma ngi te ngi long aïu, ba phin da khñium ïa ngi?”

EKSODOS 16:8

Te u Moses u la ong, “Kane kan long, haba U Trai un da ai ha phi la janmiet ïa ka doh ban bam, bad mynstep ïa u kpu haduh ban da kdang ruh; namar ba U Trai u la ïohsngew ïa ki jingkhñium jong phi ïa kiba phi khñium ïa u: ngi long aïu ma ngi? ki jingkhñium jong phi kim long ïa ngi, hynrei, ïa U Trai keiñ.”

MALAKHI 1:6

“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

JINGKHEIÑ 14:11

Te U Trai u la ong ha u Moses, “Haduh katno kine ki briew kin ïa-pynbitar ïa nga? tad lano ruh kin long ki bymngeit ha nga, namar kita ki dak phylla baroh ba nga la leh hapdeng jong ki?

JINGKHEIÑ 14:2

Te ki khun Israel baroh, ki la ïakren khñium pyrshah ïa u Moses, bad pyrshah ïa u Aaron: bad uta u paidlang baroh, u la ong ha ki, “A suk ba ngin da la lah ïap noh ha kata ka ri Ijipt!” lane “A suk ba ngin da la lah ïap noh ha kane ka ri khlaw!

JINGKHEIÑ 16:11

Naba ïa kane khnang, ma me bad u paidlang jong me baroh, phi la ïalum lang pyrshah ïa U Trai: hynrei, u Aaron u long aïu ba phi ïakhñium ïa u?”

MATHAÏOS 10:40

“Uta uba pdiang ïa phi u pdiang ïa nga; uta te uba pdiang ïa nga u pdiang ïa uta uba la phah ïa nga.

MATHAÏOS 18:5

uno uno ruh u ban pdiang te ïa iwei i khynnah kum ine ha ka kyrteng jong nga, u pdiang ïa nga.

MARKOS 9:37

“Uno uno ruh u ban pdiang ïa uwei na kum kine ki khynnah ha ka kyrteng jong nga, u pdiang ïa nga: bad uno uno ruh uba pdiang ïa nga, um pdiang ïa nga hi, hynrei, ïa uta keiñ uba la phah ïa nga.”

LOUKAS 9:48

bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

ÏOANNIS 12:44

Ynda kumta, U Jisu u la pyrta jam bad u la ong, “Uta uba ngeit ha nga, um ngeit ha nga, hynrei, ha uta uba la phah ïa nga.

ÏOANNIS 12:48

Uta uba kyntait noh ïa nga, bad u bympdiang ïa ki ktien jong nga, u don kaba pynrem ïa u: kata ka ktien ïa kaba nga la kren, kata keiñ, kan pynrem ïa u ha ka sngi khatduh.

ÏOANNIS 13:20

Shisha, shisha nga ong ha phi, uta uba pdiang ïano ïano ruh ïa uba ngan phah, u pdiang ïa nga; uta te uba pdiang ïa nga, u pdiang ïa uta uba la phah ïa nga.”

KI KAM 5:4

Katba ka dang sah, kam shym la long ka jong me hi? bad ynda la die noh ruh ïa ka, kam shym la don ha ka bor jong me hi? hato balei ba me la pun ïa kane ha ka dohnud jong me? mem shym la shukor ïa ki briew, hynrei, ïa U Blei.”

GALATIA 4:14

Bad ïa ka jingtynjuh ïa phi ha ka doh jong nga phim shym la ibeiñ, lymne kyntait; hynrei, phi ïa-pdiang ïa nga kum u angel U Blei, kum U Khrist Jisu keiñ.

1 THESSALONI 4:8

Naba kumta, jar uba kyntait, um kyntait ïa u briew, hynrei, ïa U Blei, uba ai ïa U Mynsiem Bakhuid jong u ha phi.