LOUKAS 10:15 - KA BAIBL

¹⁵ Pha ruh, Kapernam, ïa kaba la kyntiew shaduh bneng, yn pynhiar noh arsut keiñ ïa pha haduh Hades.

Khasi CL Bible (BSI)

¹⁵ Bad ïa pha, ko Kapernam! Hato pha kwah ban kyntiew ïa lade shaduh sha bneng? Yn bret ïa pha sha tbian sha dujok!”

LOUKAS 10:15 ပူးပေါင်းရင်းမြစ်များ

JENESIS 11:4

Ki la ïa-ong ruh, “Ïa, ngin ïatei ïa ka nongbah kawei ïa lade bad ïa ka kut ruh kawei, kaba ka kliar jong ka kan kot haduh ka bneng; bad to ngin ïathaw nam ïa lade, ba ïoh yn pynsakma kylleng ïa ngi ha khmat ka pyrthei baroh.”

ISAÏAH 5:14

Namar kata, ka dujok ka la pynïar la ka jingkwah, bad ka la ang rynghang ïa la ka shyntur; te ka burom jong ki, bad u paidbah jong ki, bad ka jingthaw nam jong ki, bad uta uba shadkmen hapdeng jong ki, kin hiar ha ka.

JEREMAÏAH 51:53

La ka Babilon kan kiew sha bneng, bad la kan pynskhem ïa ka jingjrong ka bor jong ka, pynban, ki nonglute na nga kin poi sha ka,” ong U Trai.

ESEKIEL 26:20

ynda kumta, ngan pynhiar noh ïa pha ryngkat bad kita kiba hiar sha ka thliew, sha kita ki briew kiba mynbarim, bad ngan pynshong ïa pha ha ki jaka ba kham poh jong ka khyndew, ha ki jaka kiba ju long kynjah naduh mynbarim, ryngkat bad kita kiba leit hiar sha ka thliew, ba yn ym don ba shong ha pha; bad ngan buh ka burom ha ka ri ki ba-im:

ESEKIEL 31:18

Ïano me syriem kumne ha ka burom bad ha ka jingkhraw hapdeng ki dieng ka Eden? pynban, yn pynhiar ïa me lem bad ki dieng ka Eden haduh ki bynta ba kham shapoh jong ka khyndew: men shong hapdeng ki bym shym la otsher, lem bad kita kiba la ïap da ka waitlam. Une u long u Pharaoh bad ki paidbah jong u baroh,” ong U Trai U Blei.

ESEKIEL 32:18

“Ko khun u briew, to ïambriew na ka bynta u paidbah ka Ijipt, to pynnoh ïa ki, ïa ka keiñ, bad ki khun kynthei jong ki jaid bynriew ba-donnam, sha ki bynta ba kham shapoh jong ka khyndew, lem bad kita kiba leit hiar sha ka thliew.

ESEKIEL 32:20

“Kin hap hapdeng kita kiba la ïap da ka waitlam: la aiti noh ïa ka sha ka waitlam: to ring noh ïa ka bad ïa u paidbah jong ka baroh.

ESEKIEL 32:27

Te kin ym thiah lem bad ki badonbor kiba la kyllon na kita kiba khlem otsher, kiba la hiar sha dujok lem bad ki tiar ïapom jong ki, bad kiba la syngkhien ïa la ki waitlam hapoh ki khlieh jong ki, ki jingleh bymhok jong ki ruh, ki long halor ki shyieng jong ki; namar ki la long ka jingshyrkhei ïa kiba don bor ha ka ri ki ba-im.

OBADAÏAH 1:4

La me kiew sha jrong kum ka pukni, bad la me buh la ka skum hapdeng ki khlur, ngan pynhiar ïa me nangta,” ong U Trai.

MATHAÏOS 10:28

To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

MATHAÏOS 11:23

Ïa pha ka Kapernam ruh, ïa kaba la pynkyntiew haduh ka bneng, yn pynhiar keiñ haduh ka dujok: naba lada la leh ha Sodom ïa kita ki kambah ïa kiba la leh ha pha, kan da la sah haduh mynta.

MATHAÏOS 4:13

Te haba u la iehnoh ïa ka Nasaret, u la wan shong sah ha Kapernam, kaba harud ka duriaw, ha ki phang ka Sabulon bad ka Naphtali:

LOUKAS 13:28

Hangta kan long kaba lynñiar bad kaba kum dait bniat, ynda phin ïohi ïa u Abraham, bad ïa u Isaak, bad ïa u Jakob, bad ïa ki nongïathuhlypa baroh, ha ka hima U Blei, te ïa phi hi ba la shop noh shabar.

LOUKAS 16:23

Te ha dujok u la khmied ïa la ki khmat, haba u long ha ki jingkordit, bad u la ïohi ïa u Abraham na jngai, bad ïa u Lasaros ha ka shadem jong u.

DEUTERONOMI 1:28

Ngin ïaleit kiew shano? ki para jong ngi ki la ïa-pyntieng ïa ngi, da kaba ong, “Kita ki briew ki kham heh, bad ki kham jrong rynïeng ban ïa ngi; ki nongbah ruh kiba khraw bad ba la tei kynroh haduh ka bneng; nalor kane ruh, ngi la ïohi ïa ki khun shynrang ki Anak hangta.” ’

2 PETROS 2:4

Namar lada U Blei um shym la riej ïa ki angel mynba ki la leh pop, hynrei, haba la shop arsut ïa ki sha dujok, u la aiti noh ïa ki ha ki krem ka jingdum tliw tliw, ba la ri noh ïa ki, ïa ka jingbishar;