LOUKAS 1:8 - KA BAIBL

⁸ Ka la jia te, haba u dang leh ïa ka kam lyngdoh ha khmat U Blei, ha kaba ter ter ka jingkylliang sngi jong u,

Khasi CL Bible (BSI)

⁸ Ha kawei ka sngi, u Sekharaïah u dang pyndep ïa ka kam kum u lyngdoh ha ka Templ, da kaba shim ïa la ka bynta ha ka jingshakri ba man ka sngi.

LOUKAS 1:8 ပူးပေါင်းရင်းမြစ်များ

1 KHRONIKL 24:19

Kane ka long ka rukom jong ki ha la ka kam, ban wan sha ka ïing U Trai katba kum ka jingbuh rukom ba la ai ha ki da ka kti u Aaron u kpa jong ki, kumba U Trai, U Blei ki Israel, u la hukum ïa u.

1 KHRONIKL 24:2

Hynrei, u Nadab bad u Abihu ki la ïap shuwa ïa u kpa jong ki, bad kim shym don khun; namar kata, u Eleasar bad u Ithamar ki la kam ïa ka kam lyngdoh.

2 KHRONIKL 11:14

Naba ki Lebi ki la iehnoh ïa la ki rudnong bad ïa kata kaba ki don, bad ki la wan sha Judah bad Jerusalem: naba u Jeroboam bad ki khun jong u, ki la kyntait noh ïa ki, ba kin ym ïoh trei ïa ka kam lyngdoh ha U Trai:

2 KHRONIKL 31:19

ïa ki khun shynrang u Aaron ki lyngdoh ruh, kiba la don ha ki lyngkha ki rudnong ki nongbah jong ki, ha kawei pa kawei ka nongbah baroh, ki la don ki rangbah kiba la ïathuh kyrteng, ban ai ki bynta ïa ki shynrang baroh hapdeng ki lyngdoh, bad ha kita baroh kiba la kheiñ da ka jinghiar pateng hapdeng ki Lebi.

2 KHRONIKL 31:2

Bad u Hesekaïah u la buh ïa ki jingkylliang sngi jong ki lyngdoh bad ki Lebi ha la ki jingkylliang sngi jong ki, uwei uwei u briew baroh katba kum ha ka kam jong u, ki lyngdoh bad ki Lebi ruh, ïa ki jingainguh thang bad ki jingkñia bapynïasuk, ban shakri, bad ban ainguh, bad ban ïaroh ha ki khyrdop ka ïingjaiñ U Trai.

2 KHRONIKL 8:14

Te u la buh, katba kum ka hukum u Dabid u kpa jong u, ïa ki jingkylliang sngi jong ki lyngdoh, ïa ka jingshakri jong ki, bad ïa ki Lebi ha ki jingsumar jong ki, ban ïaroh, bad ban shakri ha khmat ki lyngdoh, kumba ka dei ka kam kawei kawei ka sngi: ïa ki nongsumar jingkhang ruh ha la ki jingkylliang sngi ha ka khyrdop baroh: naba kumta u Dabid u briew jong U Blei u la hukum.

ESRA 6:18

Bad ki la buh ïa ki lyngdoh ha la ki bynta bynta, bad ïa ki Lebi ha la ki jingkylliang sngi, ïa ka kam U Blei kaba ha Jerusalem; kumba la thoh ha Ka Kitab u Moses.

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

EKSODOS 28:41

To men pynphong ruh ïa ki ha u Aaron u hynmen jong me, bad ha ki khun shynrang jong u lem bad u; bad men pynsleh ïa ki, bad men pynkyntang ïa ki, bad men pynkhuid ïa ki de, ba kin ïoh kam ha nga ha ka kam lyngdoh.

EKSODOS 29:1

“Kumne te men leh ïa ki, ïa ka ban pynkyntang ïa ki, ïa ka ban kam ha nga ha ka kam lyngdoh: To shim uwei u masi lyngraw bad ar tylli ki langbrot shynrang bajanai,

EKSODOS 29:44

Ngan pynkyntang ruh ïa Ka Tabernakl ka jingïaseng, bad ïa kata ka duwan: bad ngan pynkyntang ïa u Aaron bad ïa ki khun shynrang jong u, ba kin kam ha nga ha ka kam lyngdoh.

EKSODOS 29:9

Bad men pynpanpoh ïa ki da ki jingpanpoh, ïa u Aaron keiñ bad ïa ki khun shynrang jong u, bad men pynphong ïa ki da kita ki tupia: bad kata ka kam lyngdoh ruh kan ïailong ka jong ki da ka hukum pateng la pateng: bad men pynkyntang ruh ïa u Aaron bad ïa ki khun shynrang jong u.

EKSODOS 30:30

Bad men pynsleh ruh ïa u Aaron bad ïa ki khun shynrang jong u, bad men pynkyntang ïa ki, ba kin ïoh kam ha nga ha ka kam lyngdoh.

JINGKHEIÑ 18:7

Kumta, ma me bad ki khun shynrang jong me, phin ïasumar ïa ka kam lyngdoh jong phi shaphang kiei kiei baroh kiba dei ïa ka duwan, bad hapoh ka jingkah de phin trei; nga la ai ïa ka kam lyngdoh jong phi ha phi kum ka jingai ei: te ïa u nongwei u ban wan hajan yn pynïap noh.”

LOUKAS 1:5

Ha ki sngi u Herod, u syiem ka Judia, la don uwei u lyngdoh uba kyrteng “u Sakharaïa”, na ka jingkylliang sngi u Abia: bad ka tnga jong u na ki khun kynthei u Aaron, kaba kyrteng “ka Elisabet”.

LOUKAS 1:7

Te kim don khun, naba ka Elisabet ka la long ka balyngki, bad ki sngi ka rta jong ki baroh ar ngut ki la noh arsut.