LOUKAS 1:78 - KA BAIBL

⁷⁸ da ka jingisynei bajem eh U Blei jong ngi, da kaba ka jingmih ka sngi na jrong kan wan khmih ïa ngi,

Khasi CL Bible (BSI)

⁷⁸ U Blei jong ngi u long uba dap da ka jingisynei bad uba jemnud. Un pynlong ïa ka step baphyrnai jong ka jingpynim ban mih ha ngi

LOUKAS 1:78 ပူးပေါင်းရင်းမြစ်များ

SALM 25:6

To kynmaw, A Trai, ïa ki jingisynei bajem jong me, bad ïa ki jingleh isynei jong me; namar ki long naduh bymjukut.

ISAÏAH 11:1

Te un mih u tnat lung na ka metbah u Jesse, bad u tnat na ki thied jong u un sei soh:

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

ISAÏAH 63:15

To khmih na bneng, to ïohi ruh na la ka jaka shong ka jingkhuid bad ka burom jong me: hangno ka jingshitrhem jong me bad ki jingleh badonbor jong me? Ka jingsuh snier jong me bad ki jingisynei jong me ïa nga la khang ïa ki na nga.

ISAÏAH 63:7

Ngan pynkynmaw ïa ki jingleh ieit jong U Trai, bad ïa ki jingïaroh jong U Trai, katba kum ïa kata baroh ba U Trai u la ai ha ngi; bad ka jingbha bakhraw sha ka ïing Israel, ïa kaba u la ai ha ki katba kum ki jingisynei jong u, bad katba kum shibun ki jingleh ieit jong u.

SEKHARAÏAH 3:8

To sngap te, ko Joshua u rangbah lyngdoh, ma me bad la ki lok kiba shong ha khmat jong me; naba ki long ki briew kiba long ka dak: naba ha khmih, ngan pynmih noh ïa u shakri jong nga “u Tnat.”

SEKHARAÏAH 6:12

to kren ha u, da kaba ong, ‘Kumne u kren U Trai ki paid, u da ong, “Ha khmih, uta u briew uba kyrteng ‘u Tnat’; bad un mih lung na la ka jaka, bad un tei ïa ka templ U Trai:

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

JINGKHEIÑ 24:17

Nga ïohi ïa u, hynrei, ym mynta: nga ïoh khmih ïa u, hynrei, ym najan: u khlur un wan noh na u Jakob, bad u dieng synshar un mih noh na u Israel, u ban shoh lwet ïa ki Moab baroh sawdong, bad u ban pynjot noh ïa ki khun baroh u Sheth.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

EPHESOS 5:14

Naba kumta, u ong: “To khie joit me uba ïohthiah, bad to mih na ki baïap, te U Khrist un pynshai ha me.”

PHILIPPI 1:8

Namar U Blei u long u nongsakhi jong nga, katno ba nga sngewkynmaw hir hir ïa phi baroh ha ki jingisynei bajem U Khrist Jisu.

PHILIPPI 2:1

Lada don, namar kata, kano kano ka jingpyntngen ha U Khrist, lada don kano kano ka jingpynshngain ka jingïa-ieit, lada don kano kano ka jingïasyllok U Mynsiem, lada don kino kino ki jingisynei bajem bad ki jingïasngewsynei,

KOLOSSAI 3:12

Namar kata, kum kiba la jied, ki bakhuid bad ba-ieit eh jong U Blei, to phin ïakup ïa ka dohnud ka jingsngewsynei, ka jingsbun, ka jingsngewrit, ka jingjemnud, ka jingïaishah-slem;

2 PETROS 1:19

Bad ngi don kata ka ktien ka jingïathuhlypa ba la kham pynskhem; ha kaba phi leh bha haba phi pynshahshkor ïa ka, kumba ha ka sharak batyngshaiñ ha ka jaka ba-dum, tad ynda kan mih ka sngi, bad u 'lurshai un da mih ha ki dohnud jong phi:

1 ÏOANNIS 3:17

Hynrei, jar uba don ka spah ka jong ka pyrthei, bad u da ïohi ïa u parabangeit jong u ha ka jingkyrduh, bad un khang khop ïa ka jingsngewsynei jong u na u, hato kumno kata ka jingieit jong U Blei ka ïaisah ha uta?

JINGPYNPAW 22:16

“Ma nga, U Jisu, nga la phah ïa u angel jong nga ban phla ha phi ïa kine kiei kiei ruh na ka bynta kita ki balang: Nga long ma nga U Thied bad U Khun u ksiew u Dabid, bad uta U Khlur-step batyngshaiñ.”