LOUKAS 1:72 - KA BAIBL

⁷² ban pyni ka jingisynei ïa ki kpa jong ngi, bad ban kynmaw ïa ka jutang bakhuid jong U;

Khasi CL Bible (BSI)

⁷² U la ong ba un pyn-i jingisynei ïa ki kpa tymmen jong ngi bad kynmaw ïa ka jutang bakyntang jong u.

LOUKAS 1:72 ပူးပေါင်းရင်းမြစ်များ

JENESIS 12:3

bad ngan kyrkhu ïa kita kiba kyrkhu ïa me, bad ngan tim ïa uta uba tim ïa me: bad ïa ki jaid bynriew baroh ha ka pyrthei kin long ba la kyrkhu ha me.”

JENESIS 22:18

bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.”

JENESIS 26:4

Bad ngan pynbun ïa u symbai jong me kum ki khlur bneng, bad ngan ai ha u symbai jong me ïa kine ki ri baroh; bad ïa ki jaid bynriew baroh ka pyrthei yn kyrkhu ha u symbai jong me;

JENESIS 28:14

bad u symbai jong me un long kum ka 'dewmet ka khyndew, bad men sapait saphriang noh sha sepngi, bad sha mihngi, bad sha shatei, bad sha shathie: bad ha me yn long ba la kyrkhu ïa ki jaid bynriew baroh ka pyrthei bad ha u symbai jong me.

1 KHRONIKL 16:16

kata ka jutang ïa kaba u la teh bad u Abraham, bad ka jingsmai jong u ha u Isaak;

SALM 105:42

Naba u la kynmaw ïa la ka ktien ka bakhuid, bad ïa u Abraham u shakri jong u.

SALM 106:45

bad u la ju kynmaw, ïa la ka jutang na ka bynta jong ki, bad u la ju kylla-ka-bamut katba kum ka jingkynrei ki jingisynei jong u.

SALM 111:5

U la ai jingbam ïa kita kiba sheptieng ïa u: un kynmaw ha la ka sngi ïa la ka jutang.

SALM 98:3

U la kynmaw ïa la ka jingisynei bad ïa la ka jingshisha sha ka ïing Israel: bad ki bakut ka khyndew baroh ki la ïohi ïa ka jingpynim U Blei jong ngi.

ESEKIEL 16:60

La kumta ruh, ngan kynmaw ïa ka jutang jong nga kaba bad pha kaba ha ki sngi ka jinglong khynnah jong pha, bad ngan pynskhem ha pha ïa ka jutang bymjukut.

ESEKIEL 16:8

“ ‘Te haba nga la ïaid najan jong pha, bad nga la khmih ïa pha, ha khmih, ka por jong pha ka la long ka por ka jingieit; te nga la pynkup ïa la ka jaiñ halor jong pha, bad nga la tap ïa ka jinglyngkhuit jong pha: shisha, nga la smai ha pha, bad nga la ïateh ka jutang bad pha,’ ” ong U Trai U Blei, “bad pha long ka jong nga.

LEBITIKOS 26:42

ynda kumta, nga ruh ngan kynmaw ïa ka jutang jong nga bad u Jakob; bad ïa ka jutang jong nga bad u Isaak ruh, bad ïa ka jutang jong nga bad u Abraham ruh de ngan kynmaw keiñ; bad ngan kynmaw ïa kata ka ri ruh.

MIKAH 7:20

Men pyndep ïa ka jingshisha ha u Jakob, bad ïa ka jingisynei ha u Abraham, kumba me la smai ha ki kpa jong ngi naduh ki sngi mynbarim.

Ka Shithi U Paul Sha Ki Nong Rom 11:28

Kumta, shaphang ka gospel, ki long ki nongshun na ka bynta jong phi; hynrei, shaphang kata ka jingjied, ki long ba la ieit ïa ki na ka bynta kita ki kpa.

Ka Shithi U Paul Sha Ki Nong Rom 9:4

kiba long ki Israel; kiba ki jong ki, long kata ka jingtingkhun, bad kata ka jingpyndonburom, bad kita ki jutang, bad kata ka jingai ka hukum, bad kata ka jingleh niam ka jong U Blei, bad kita ki jingkular;