LOUKAS 1:70 - KA BAIBL

⁷⁰ kumba U la kren da ka shyntur ki nongïathuhlypa bakhuid jong U, kiba na mynbarim,

Khasi CL Bible (BSI)

⁷⁰ U la kular lyngba ki nongïathuhlypa bakhuid jong u na mynbarim

LOUKAS 1:70 ပူးပေါင်းရင်းမြစ်များ

JENESIS 12:3

bad ngan kyrkhu ïa kita kiba kyrkhu ïa me, bad ngan tim ïa uta uba tim ïa me: bad ïa ki jaid bynriew baroh ha ka pyrthei kin long ba la kyrkhu ha me.”

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

2 SAMUEL 23:2

“U Mynsiem U Trai u la kren da nga, bad ka ktien jong u ka la long ha u thylliej jong nga.

JEREMAÏAH 23:5

“Ha khmih, ki sngi kin wan,” ong U Trai, “ba ngan pynmih ha u Dabid ïa U Tnat u bahok, te un synshar kum u syiem bad un leh stad, bad un leh ïa ka jingbishar bad ïa ka hok ha ka ri.

JEREMAÏAH 30:10

“Namar kata, wat sheptieng, ko Jakob, u shakri jong nga,” ong U Trai; “lymne wat khaw-eit, ko Israel: namar, ha khmih, ngan pynim ïa me na jngai, bad ïa u symbai jong me na ka ri ka jinglongmraw jong ki; bad u Jakob un wan phai pat, bad un long jai jai, bad ha kaba suk, bad yn ym don mano mano u ban pynsheptieng ïa u.

MARKOS 12:36

naba u Dabid hi u kren da U Mynsiem Bakhuid: “ ‘U Trai u la ong ïa U Trai jong nga, To shong ma me ha ka kti kamon jong nga, tad ynda ngan pynlong ïa kiba shun ïa me, ka jingïuh hapoh ki kjat jong me.’

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

KI KAM 28:25

Te haba kim ïadei jingmut paralok hi, ki la ïaleit noh, ynda u Paul u la lah ong shikyntien, “Kaba dei ba la kren U Mynsiem Bakhuid da u Isaïah u nongïathuhlypa ha ki kpa jong phi,

Ka Shithi U Paul Sha Ki Nong Rom 1:2

ïa kaba u la lah ïakular mynshuwa da ki nongïathuhlypa jong u ha Ki Jingthoh Bakhuid,

HEBRU 3:7

Naba kumta, kumba U Mynsiem Bakhuid u ong: “Ha kane ka sngi, lada phin sngew ïa ka ktien jong u,

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.

2 PETROS 1:21

Namar ym da ka mon u briew la wan ka jingïathuhlypa mynno mynno ruh: hynrei, ki briew ki la kren na U Blei keiñ, haba la pynkhih ïa ki da U Mynsiem Bakhuid.

2 PETROS 3:2

ba phin ïoh ïaikynmaw ïa kita ki ktien ïa kiba la kren lypa da ki nongïathuhlypa bakhuid, bad ïa kata ka hukum U Trai bad U Nongpynim da ki apostol jong phi:

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).