LOUKAS 1:49 - KA BAIBL

⁴⁹ Namar uta U Badonbor U la leh ki jingphylla ïa nga; bad ka bakhuid ka kyrteng jong U,

Khasi CL Bible (BSI)

⁴⁹ namar jong kiei kiei kiba khraw kiba U Blei Badonbor Baroh u la leh na ka bynta jong nga. Ka kyrteng jong u ka long kaba khuid;

LOUKAS 1:49 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

SALM 111:9

U la phah ïa ka jingpynim ïa la ki briew; u la hukum ïa la ka jutang junom: ka bakhuid bad kaba itieng long ka kyrteng jong u.

SALM 24:8

Uei une U Syiem ka burom? U Trai u bakhlaiñ bad u badonbor, U Trai u badonbor ha ka thma.

SALM 99:3

To kin ïaroh ïa ka kyrteng kaba khraw bad kaba itieng jong me: ka long ka bakhuid.

SALM 99:9

To pynkhraw ïa U Trai U Blei jong ngi, bad to mane ha u lum bakyntang jong u; naba U Trai U Blei jong ngi u long u bakhuid.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

ISAÏAH 1:24

Namar kata, ong U Trai, U Trai ki paid, U Bakhrawbor jong ki Israel, “A, ngan pyntngen ïa lade halor ki nongïaleh pyrshah jong nga, bad ngan pynhiar kput halor ki nongshun jong nga:

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 6:3

Te uwei u la pyrta ha uwei pat, bad u la ong, “U Bakhuid, U Bakhuid, U Bakhuid, U Trai ki paid: ka khyndew baroh ka dap da ka burom jong u.”

ISAÏAH 63:1

Uei une uba wan na Edom, bad ki jaiñ ba la ai rong na Bosrah? Une uba pynphyrnai ha ka jaiñ jong u, u da ïaid phieng ha ka jingkhraw ka bor jong u? Nga uba kren ha ka hok, uba don bor ban pynim.

JEREMAÏAH 10:6

Ym don uba kum ma me, A Trai; me long u bakhraw, bad ka kyrteng jong me ka long ka bakhraw ha ka bor.

JEREMAÏAH 20:11

Hynrei, U Trai u long lem bad nga kum uba don bor bad uba itieng: namar kata, ki nongbehbeiñ ïa nga kin jynthut, te kin ym jop; yn pynlehrain sat ïa ki, namar kim shym leh sian, da ka jingjahburom kaba junom keiñ ïa ka ban ym klet noh lano lano.

MARKOS 5:13

Bad U Jisu u la shah ïa ki. Haba la mih noh te kita ki mynsiem bymkhuid, ki la leit hapoh kita ki sniang: baroh shi kynhun, te ki la phet ïap arsut ïa ka riat sha ka duriaw (ki la don ruh kumba ar hajar), bad ki la ïap jyllop ha kata ka duriaw.

LOUKAS 1:48

naba U la khmih ha ka jinglong rangli ka shakri jong U: naba, ha khmih, naduh mynta ki pateng bynriew baroh kin khot ‘kaba suk’ ïa nga.

LOUKAS 1:50

bad ka jingisynei jong U pateng la pateng bynriew ha kita kiba sheptieng ïa U;

EPHESOS 3:20

Te ha uta uba lah ban leh kham tam eh nalor baroh ba ngi pan lane ngi pyrkhat, katba kum kata ka bor kaba trei ha ngi:

JINGPYNPAW 15:4

Uei u ban ym tieng burom ïa me, A Trai, bad pyndonburom ïa ka kyrteng jong me? naba tang ma me hi u bakhuid. Naba ki kynja bynriew baroh kin ïawan bad kin ïamane dem ha khmat jong me, naba la pynpaw shynna ïa ki jingleh bahok jong me.”

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

1 SAMUEL 2:2

“Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.