LOUKAS 1:48 - KA BAIBL

⁴⁸ naba U la khmih ha ka jinglong rangli ka shakri jong U: naba, ha khmih, naduh mynta ki pateng bynriew baroh kin khot ‘kaba suk’ ïa nga.

Khasi CL Bible (BSI)

⁴⁸ naba u la kynmaw ïa nga, ka shakri barit jong u! Naduh mynta ki briew baroh kin khot ïa nga, kaba kmen,

LOUKAS 1:48 ပူးပေါင်းရင်းမြစ်များ

JENESIS 30:13

Bad ka Leah ka la ong, “Kaba suk long ma nga naba ki kynthei kin ïakhot kaba suk ïa nga:” te ka la khot kyrteng “u Asher” ïa u.

2 SAMUEL 7:8

Mynta te men ong kumne ïa u Dabid u shakri jong nga, “Kumne u ong U Trai ki paid: Nga la shim ïa me na kata ka jingker, bad na kaba bud ïa ki langbrot, ïa ka ban long u nongïalam halor ki briew jong nga, halor ki Israel keiñ.

SALM 102:17

u la khmih ïa ka jingduwai jong ki barangli, bad um shym la ibeiñ ïa ka jingduwai jong ki.

SALM 136:23

Uba la kynmaw ïa ngi ha ka jinglong rangli jong ngi: naba ka jingisynei jong u ka bymjukut:

SALM 138:6

Naba la U Trai uba hajrong, pynban, u khmih ïa u barangli: hynrei, ïa uba sarong u ithuh na jngai.

SALM 72:17

Ka kyrteng jong u kan neh junom; ka kyrteng jong u kan sah slem kat ka sngi; bad ha u yn kyrkhu ïa ki briew; ki jaid bynriew baroh kin khot uba suk ïa u.

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

MALAKHI 3:12

“Bad ki jaid bynriew baroh kin khot ïa phi kiba suk: naba phin long ka ri kaba sngewbha, ong U Trai ki paid.

LOUKAS 1:28

Uta u angel te haba u la leit hapoh sha ka, u la ong, “Khublei, pha kaba la ïoh ka jingaiei bakhraw! U Trai u don lem bad pha; la kyrkhu ïa pha hapdeng ki kynthei.”

LOUKAS 1:42

Ka la pyrta te da ka ktien bajam, bad ka la ong, “La kyrkhu ïa pha hapdeng ki kynthei, bad la kyrkhu ruh ïa u soh ka kpoh jong pha!

LOUKAS 1:45

suk ruh kata kaba la ngeit; naba ka jingpyndep kan long ïa kita kiei kiei ruh, ïa kiba la kren ha ka da U Trai.”

LOUKAS 1:49

Namar uta U Badonbor U la leh ki jingphylla ïa nga; bad ka bakhuid ka kyrteng jong U,

LOUKAS 11:27

Ka la jia ruh, katba u dang kren ïa kine kiei kiei, ba kawei ka briew kaba na uta u paidbah ka la pyrta, bad ka la ong ha u, “Suk kata ka kpoh kaba la pun ïa me, bad ki jymbuiñ ïa kiba me la buiñ!”

1 SAMUEL 1:11

Ka la smai da ka kular ruh, ka da ong, “A Trai ki paid, lada shisha men khmih ïa ka jingjynjar ka shakri jong me, bad men kynmaw ïa nga, men ym klet ruh ïa la ka shakri, hynrei, men da ai khun shynrang ha la ka shakri, te nga ruh ngan aiti ïa u ha U Trai baroh ki sngi ka rta jong u, bad ka syrti kan ym dei ïa ka khlieh jong u.”

1 SAMUEL 2:8

U pynïeng ïa ki baduk na ka 'dewmet, u pynkyntiew ruh ïa ki bakyrduh khait na ka thliew sboh, ban pynshong ïa ki lem bad ki syiem, bad ban pynïoh ha ki ka khet ka burom; naba ki rijied jong ka khyndew ki long ki jong U Trai, bad u la pynshong ma u ïa ka pyrthei halor jong ki.